MANEUTNYI 9:16 - TÖHET LĪPÖRE (Re-edited) Bible (BSI)

¹⁶ Kô-en an ri nö angū-ö lökten Chu hòṅ hameukhö mat meh tö minhôiṅyöre, hòṅ ngam Minë-eny Chu inrē nö keuheūtngöre chūök nö vënyu nö ing panam.

MANEUTNYI 9:16 Referans Kwoze

RŌMA 9:17

Pò ngam töhet līpöre nö ngö ṙô tö Fërō, Angū-ö ön ngih chööḵnyö chu takô hachohlen meh, pò chu hòṅ hameuktö minhôiṅyöre in meh; hòṅ ngam minënyö Chu inrē nö ahangka nö el kahôyö i në taṙòkhöre panam.

INCHŌḴ-OṘÔ 16:4

Chööḵnyu tī an ngam Mā Tēv nö vī tökeuheūttöre, ngam tötlöök inrē ip sakāmö kanihngen.

Salmai 64:9

Ngaich ṙòkhöre min tarik nö pa-ekūö; ve-eny cha-a min tö e nö tī ngam Tēv: ngaich akahare cha-a nö akah ngam tī Ò.

1 KINṘÖTNGÖ 16:24

Vënyö ngam kanôlò ò in yip pumnāmö tarik, minë pinngangkūö la-en ò in yip tarik!

MANEUTNYI 14:17

Yĕh meuk öm, hangëḵngö ellōn yip aṅ Aikup Chin min Chū-ö, ngaich chā-a min nö tömrit cha: ngaich Chū-ö min kēḵ ineū-euṅre in Fërō, in yip kumyung in ò inrē nö ṙòkhöre, i nup inröl ò yip aṅ uk kōra ò inrē.

NGAM LĪPÖRE KAHŪICH YŪT 1:4

Pòn rēvre yip tarik mu-ulāihötre, yip tökūichiyö ötinkôlò nö ngaich, tötmilēḵṙen tarik, harīkngö ngam inkôlò aṅ im Tēv nö i töchōich; ngaich mahngö ngam töng hĕng tak mahayöng, ngam Mā ih, Yēsū Kristū.

1 PĪTÖR 2:8

Ane inrē, Kinvē-ĕre nö ihong, lökngövah töfukngö inrē nö ihong. Pò cha nö kavē-ĕre kūö cha nö ahôngen ngam ṙô, im chūök cha-a inrē nö vītuṙen.

RŌMA 9:22

Sitih öre yē ngam Tēv nö hòṅ hameuktö lanīnöre, ane inrē vīten ngam minhôiṅyöre nö im chehen lanīnö tö hakaptu nö im öt inkôlò;

MALAKI 1:11

Pò e nö löktökūö maneutlö ngam tavūöi söl im maneuttö ò ngam minë-eny chu nö kiröng nö in yip tahëng mihëṅṙö tarik; ane inrē keuheūtngöre chūök lōpān nö kētu nö I minë-eny chu, töhet inrē tökētu: pò ngam minë-eny chu nö kiröng nö in vē tahëng mihëṅṙö tarik ṙô ngam Mā Tēv yip tömaṙôngö

MANEUTNYI 18:11

Ngaich chin akahalōn tö ngam Mā Tēv nö tökiröng tö vē tēv nö ṙòkhöre: hôn, i nup tī cha nö hakeūlenre nö lā-al cha.

MANEUTNYI 14:4

Ngaich Chū-ö min hangëḵngö ellōn Fërō ngaich angā-aṅ min nö tömkörit cha; ngaich Chū-ö min kēḵ ineū-euṅre in Fërō, in yip in ò inrē kumyung nö ṙòkhöre; ngaich akahalōn min yip aṅ Aikup tö Chu Öich Chū-ö Mā Tēv, Ngaich ngatī chā-a.

1 PĪTÖR 2:19

Töhōḵovö an angū-ö yĕn kūö kuilōn im Tēv, ngòh tarik nö kihngen, nöng ötrēhĕn nö fāluṙen.

MALAKI 1:14

Pòḵ ranôich pöri yēḵ ngam mahachīl, ngam töaṅhaṅv-in tö kōiny in nup töhĕng kiteūm pököre ò, kilēḵngôre inrē nö chūöku ṙô, nö kētö töng vahavö nö im Mā: nö tökētu pò chu öich tökiröng Rācha, ṙô ngam Mā Tēv yip tömaṙôngö, pinhë-eṅkūö an ngam minë-eny chu nö in vē tahëng mihëṅṙö tarik.

1 SAMUĔL 4:8

Ötkôlò in ayī-ö! Chiāp min ṙamānyen hī ṙā-ang eltī vē tökalēḵ tēv? Cha-a yin vē tēv famëlngö yik aṅ Aikup nö aṅtī tö töṙōlkangen invah tölëlngökūö nö el tönyalnyi.

MANEUTNYI 9:15

Tön ngaich Chin töngamuh kētö tīre hachökö meh inrē, tö yip tarik meh öich aṅtī tö tölëlngökūö invah, ngaich man inrē rökiṙen ṙāngö ngih panam.

MANEUTNYI 9:17

Ṙòngmö hapōilöre öm lā-al vē tarik Chu, öm öt hökngen cha nö kiröönngöre?

NAHIMIĀ 9:10

Ngaich tī-iv më-eṅ tö minkahngö pinngangkūö inrē öm lā-al Fërō tö yik tarik ò inrē tö yik tarik ngam panam ò inrē nö ṙòkhöre, pò meh akahalōn tö cha nö miyëṙen tö yik yöng ih; ngaich më-eṅ inrē kē minë-enyre, nö sā e ing töngamuh.

Salmai 76:10

Ha-öinyö Meh ap min lanīnö tarik nö kô-en: nyëk ngam chööḵ lanīnö min Më-eṅ i ṙat re.

Salmai 106:8

Hayöölen cha pöri Anga-aṅ tö kūö ngam mine-eny Ò: pòn hōten ngam minhôiṅyö re nö akahaiṙen.

YERIMIĀ 32:20

Mahameuk tö minkahngö pinngangkūö inrē i panam Aikup, i ngih sakāmö inrē in Israel i taṙòkhöre inrē tarik, vīlö mine-eny re me-eṅ inrē, nö sā e töngamuh.

ISIKĪ-ĔL 39:21

Ngaich chū-ö min asöklö ngam minā-aṅre in vē pumnāmö tarik; ṙòkhöre inrē min vē pumnāmö tarik nö meuk ngam inkaha fālen aṅ in chu ngam kahëkö kaha chu, meuk ngih kël chu inrē ngih ṙahātö chu i kui cha.

KINṘEŪKÖ 14:21

Im kanô-en pöri, sā Chu Öich tö-aṅ, sā në panam inrē nö ṙòkhöre nö tööḵlö min tö kanôlò ngam Mā Tēv;

YÔSUĀ 4:24

Hòṅ vē tarik aṅ ngih tumlat nö akahakūö tö kël ngam Mā Tēv, tö e nö tökalēḵ: hòṅ cha nö örheūheu nö pa-ekūö tö ngam Tēv yīö ngam Mā Tēv.

2 SAMUĔL 7:23

Öp yòh öp töhĕng pumnāmö tarik ing tumlat tösā vē tarik meh, tösā Israĕl, ngam töṙānyu tö ngam Tēv nö tarik ò nö vīlö minë-eny ò inrē, ngaich tī-iv inrē tö tökiröngen tö pò kūö meh pingangkūö inrē tökūö ngam panam meh, nö i kūö vē tarik meh, vē töṙānyu tö meh tö ṙā-ang Aikup, ṙā-ang i pumnāmö yip tarik, ṙā-ang i nup tēv cha inrē?

2 RĀCHA 19:35

Ngaich ngö inlahen angū-ö hatööm angū-ö, tök kūönṙô ngam Mā Tēv nö kiröönngöre ngaich ik elyöngö yik aṅ Asīriā nö taneui köṅny hēngòng hëvör anāi yik töfëli: ngaich hē tarik nö ka-euilökūö nö chōholre tö peuheū, yĕh meuk, ṙòkhöre cha-a ngaich nöng kupah.