MANEUTNYI 8:8 - TÖHET LĪPÖRE (Re-edited) Bible (BSI)

⁸ Ngaich Fërō nö havëten nā Môsös, nā Aròn, ngaich ngö ṙô, Vë-ekūö ngam Mā Tēv, hòṅ Ò nö kēngö në tarôṅt nö ṙā-ang in chu, ṙā-ang i vē tarik chu; ngaich chū-ö min hökngen më tarik nö kiröönngöre, hòṅ cha nö kētö tökētu nö im Mā Tēv.

MANEUTNYI 8:8 Referans Kwoze

MANEUTNYI 10:17

Vë-ekūö meh chin lökten öm aṙē-ĕl tökööl chu höng hĕngtöre heuh tö ngih, vë-ekūö ngam Mā Tēv ngam Tēv meh, hòṅ ò nö kēngö ngih kinpaha nö ṙā-ang in chu.

MANEUTNYI 9:28

Vë-ekūö ngam Mā Tēv; ngāchö tölngö nun minë tö kalē-ĕṙô kunṙôkö, tökënngöre inrē kumṙah; ngaich chin min hökngen yīö kiröönngöre, rö-ö yin min ngöh ngaich.

1 RĀCHA 13:6

Ngaich ngö ṙô ök rācha nö sapṙô ök tarik ngam Tēv, Havëkö inṙētö chu im Mā Tēv ngam Tēv meh, vë-elkui chu inrē, hòṅ ngih kël chu nö lööken nö hēk. Ngaich ngam tarik ngam Tēv nö vë-ekūö ngam Mā Tēv, ngaich ök kël ök rācha nö lööken nö hēk, ngaich sāre angū-ö tö lā-urĕh.

KINṘEŪKÖ 21:7

Ngaich yihtöre yik tarik nö in Môsös, ngaich ngö ṙô, köölöfālen in ngaich pò ih chōichô lā-alkūö ngam Mā Tēv, lā-alkūö meh inrē; vë-ekūö ngam Mā Tēv man yēḵ, hòṅ Ò nö kēngö minë pēch nö ṙā-ang in ih. Vë-elkūi yik tarik ngaich ang Môsös.

INLAHEN 8:24

Ngaich ngö ṙô ang Sīmōn, Ve-elkui chu yin ṙòkhöre, i ngam Mā Tēv; hòn öt hĕng nup ṙô yīö nö yihtöre nö in chu.

Salmai 66:3

Ngö ṙô töm Tēv, pinhe-eṅkūö nun minë vahīṙen Meh: i ṙôken ngam minhôiṅyö Meh, yip tökunyahaṅ elmat min tö Meh nö hang chöngö Meh.

1 SAMUĔL 12:19

Ṙòkhöre ngaich yik tarik nö ngö ṙô tö Samu-ĕl, Vë-elkui vē tarikre man im Ma Tēv ngam Tēv meh, hòṅ ih öt kapah: tön ṙūötö ṙôken tököölre in i ngih tötlöök, invëkö rācha tö ih.

MANEUTNYI 14:5

Ngaich vënyu nang ök rācha aṅ Aikup tö yik tarik nö falngöre: haṙīngöre ellōn ngaich Fërō tö yik tarik ò inrē, nö in yik tarik, ngaich ngö ṙô cha-a, Suh öng ngih inlahen hī, öi hökngen yik aṅ Israĕl nö kiröönngöre nö ṙāngenre nö vī vahīṙen hī?

MANEUTNYI 5:2

Ngaich ngöṙô Fërō, Achīö ap Mā Tēv, öp töhòṅ hāngöṙô tö chu öich hökngen Israĕl nö kiröönngöre? Öt akahakūö chin töp Mā Tēv, hö-ö inrē hòṅ hökngen Israĕl nö kiröönngöre.

MANEUTNYI 8:9

Ngaich ngö ṙô Môsös tö Fërō, Ineū-eu chu an tö meh: Ihēṙu ṙô öich min vë-elkui meh, vë-elkui yip tarik alaha meh, vë-elkui yip tarik meh inrē, hòṅ në tarôṅt nö ahātiyö nö ṙā-ang in meh, ṙā-ang patī meh inrē, ngaich höngngöh nö el ngam tahël?

MANEUTNYI 8:15

Ngaich hē Fërō nö meūkö e nö heuh hë, hangëḵngö ellōnre angā-aṅ, ngaich öt hang ṙô cha.

MANEUTNYI 8:29

Ngaich ngö ṙô ang Môsös, Yĕh meuk, ngaich chin kiröönngöre ṙā-ang in meh, ngaich vë-ekūö ngam Mā Tēv min, hòṅ nup inṙūöi nö ṙā-ang in Fërō, ṙā-ang i yip tarik alaha meh ṙā-ang in yip tarik meh, huṙöich: höng uh pöri nö michīl ang Fërō nö hēk nö öt hökngen yip tarik nö kiröönngöre, nö kētö tökētu nö im Mā Tēv.

MANEUTNYI 8:32

Hangëngö ellōnre Fërō ing töngamuh inrē, öt halöngngen yik tarik angā-aṅ nö kirööngöre.

MANEUTNYI 9:27

Tīnhang ngaich Fërō, ngaich havëten nā Môsös, nā Āròn, ngaich ngö ṙô tö cha, Köölö fālen chin ing töngamuh: tölöök An ngam Mā Tēv, tölöök īhö tö vē tarik chu inrē.

MANEUTNYI 10:16

Havëten nā Môsös ngaich ang Fërō, nö kurāten nā Āròn; ngaich ngö ṙô angā-aṅ, Köölöfālen chin lā im Mā Tēv, ngam Tēv nā, lā in nā inrē.

MANEUTNYI 9:33

Ngaich Môsös nö kunyi-inyre nö ṙā-ang el ök ëlpanam nö ṙā-ang in Fërō, ngaich hanyāṅknyö këlre nö im Mā Tēv: ṙāngöre ngaich nuk kunṙôkö, tök tökënngöre kumṙah inrē, ngaich öt chahūköti ngam kumṙah nö i kui ngam tumlat.

MANEUTNYI 10:18

Kiröönngöre ngaich angā-aṅ nö ṙā-ang in Fërō, ngaich vë-ekūö ngam Mā Tēv.

MANEUTNYI 32:11

Ngaich Môsös nö vë-ekūö ngam Mā Tēv ngam Tēv ò nö hòṅ aṙētu ṙô, nö ngö ṙô, Mā Tēv, kūöyòh öng ngam lanīnö Meh nö ṙāich nö i vē tarik Meh, vē kahënyö Meh nö ṙāngö ngam panam Aikup öm hol tö minhôiṅyöre kumlēḵ këlre inrē?