MANEUTNYI 8:3 - TÖHET LĪPÖRE (Re-edited) Bible (BSI)

³ Höng tarôṅtnyöre an min ngam tahël, nup mameutlö min, ngaich yòhlö në el patī meh, el chūök meh haṙòh, el chamam meh, el patī yip tarik meh, i alaha yip tarik meh, el tisum meh inrē, el nup tökachāvu chūök kinrāich atra inrē:

MANEUTNYI 8:3 Referans Kwoze

Salmai 105:30

Tööḵlö nuk panam cha ngaich tö tarôṅt: el nuk urôhò yik rācha cha.

MANEUTNYI 12:34

Ngaich yik tarik nö kē nuk tökirāchö atra urēhĕkūö u nö föhlö nuk tökachāvu cha, haṙūngö nö el hilā cha nö el ranôṙö cha.

MANEUTNYI 8:2

Ngaich yē meh sōḵten cha nö kiröönngöre, yĕh meuk, keuheūtngöre nup kūöngö panam meh tö tarôṅt:

MANEUTNYI 8:4

I alaha meh nup min tarôṅt, hĕnghöre in yip tarik meh inrē, in yip tarik alaha meh inrē.

MANEUTNYI 10:6

Tööḵlö nup min patī meh, nup patī yip tarik alaha meh min inrē, nup patī yip aṅ Aikup inrē nö ṙòkhöre; töt maheuṅk yik yöng meh ötrēhĕn nö maheuṅk yik yöng yik yöng meh, hēten tö ök sakāmö cha nö i kūö ngih tumlat söl i ngih sakāmö. Havöökūöre ngaich angā-aṅ, ngaich kunyī-inyre nö ṙā-ang in Fërō.

2 KINṘÖTNGÖ 22:11

Ngaich pöri Yēhōsapēat, ök kikānö kūön ök rācha, nö kē-ĕ Yô-as ök kikōnyö kūön Ahasiyā, nö ulāingen ò nö ṙā-ang in yik kikōnyö kūön ök rācha yik tö ngaich nö tö hòṅ fëli, chaphöt ò anga-aṅ nö el ök urôhò chūök mahaṙòh tök maharūkan inrē. Ngati tī Yēhōsapē-at, ök kikānö kūön ök rācha Yēhōram ök pīhö Yēhōiyāta ök kūönṙô, pò ò nö kanānö Ahasiyā, hayunngen ò tö Atalīya, pòn sōten ò nö fëlngen ò;

MANEUTNYI 7:11

Ngaich Fërō nö havëtö yik tö-akaha tarik chamòng alaha inrē; ngaich sā tī cha, achā-a inrē yik tömilūönö aṅ Aikup nö lökten i inchūṙö tö cha.

MANEUTNYI 8:11

Ṙāngen meh nun min nö ngaich minë tarôṅt, ṙā-ang patī meh, ṙā-ang i yip tarik alaha meh, ṙā-ang in yip tarik meh inrē; höngngöh nun min nöng el tahël.