MANEUTNYI 8:25 - TÖHET LĪPÖRE (Re-edited) Bible (BSI)

²⁵ Ngaich Fërō nö havëten, nā Môsös, nā Āròn, ngaich ngö ṙô, kuṙòh kiröönngöre yin kētö tökētu im Tēv, höng ing panam.

MANEUTNYI 8:25 Referans Kwoze

MANEUTNYI 9:27

Tīnhang ngaich Fërō, ngaich havëten nā Môsös, nā Āròn, ngaich ngö ṙô tö cha, Köölö fālen chin ing töngamuh: tölöök An ngam Mā Tēv, tölöök īhö tö vē tarik chu inrē.

MANEUTNYI 8:8

Ngaich Fërō nö havëten nā Môsös, nā Aròn, ngaich ngö ṙô, Vë-ekūö ngam Mā Tēv, hòṅ Ò nö kēngö në tarôṅt nö ṙā-ang in chu, ṙā-ang i vē tarik chu; ngaich chū-ö min hökngen më tarik nö kiröönngöre, hòṅ cha nö kētö tökētu nö im Mā Tēv.

MANEUTNYI 12:31

Havëten Môsös ngaich angā-aṅ tö hatööm Āròn inrē, ngaich ngö ṙô, Chōholre kē-ĕngre ṙā-ang i yip tarik chu, nā-aṅ nyöre tö yip tarik kūön Israĕl inrē; lök la-en ngam Mā Tēv, kuṙòh, sā ṙô nā.

MANEUTNYI 10:16

Havëten nā Môsös ngaich ang Fërō, nö kurāten nā Āròn; ngaich ngö ṙô angā-aṅ, Köölöfālen chin lā im Mā Tēv, ngam Tēv nā, lā in nā inrē.

INMEUKHÖMAT 3:9

Yĕh meuk, tö yip töminyôṅny aṅ, vamë-eṅkūö sātān inrē, aṅ in cha inrē yip Yahūti tö ṙôre, lān rö-ö cha-a, höng minyôiny pöri; vīten cha chin min nö yih, nö afukngöre nö iröön meh, hôṅ cha inrē nö akahakūö tö hāngenlōn tö meh.

MANEUTNYI 9:28

Vë-ekūö ngam Mā Tēv; ngāchö tölngö nun minë tö kalē-ĕṙô kunṙôkö, tökënngöre inrē kumṙah; ngaich chin min hökngen yīö kiröönngöre, rö-ö yin min ngöh ngaich.

MANEUTNYI 10:8

Kēhötvö hēk nā Môsös nā Āròn nö in Fërō: ngaich ngö ṙô angā-aṅ tö cha, Kuṙòh, lök la-en ngam Mā Tēv yin ngam Tēv yīö: achīö yip kumröönngöre tö cha?

MANEUTNYI 10:24

Ngaich havëten Môsös ang Fërō, Kuṙòh ngaich yin lök la-en ngam Mā Tēv; höng nup töṙeūla pöri chehen yīö tö höngngöh tö nup tömūlhaka chehen yīö i mihëṅṙö u: Hökngen më kun kūön yīö inrē nö kiröönngöre nö in yīö.

Isayā 28:22

Uh yin yĕh ngaich lökten töngamuh öi mumnônhanga, hòṅ minë inlök yīö nö öt vī-i nö ngëḵ: nö kinheūtngen, nö tötheūliṙen inrē, ngam ahang chu ṙā-ang im Mā, ngam Mā Tēv yip tömaṙôngö, i kūö ngih tumlat nö ṙòkhöre,