MANEUTNYI 8:16 - TÖHET LĪPÖRE (Re-edited) Bible (BSI)

¹⁶ Ngaich ngö ṙô ngam Mā Tēv tö Môsös, Ngö ṙô man tö Āròn, Kuvāilö ngam tinkungre man foh pitung el ngam tumlat, hòn mirötö nö keuheūtngöre chūök nö im panam Aikup.

MANEUTNYI 8:16 Referans Kwoze

MANEUTNYI 8:5

Ngaich ngö ṙô ngam Mā Tēv tö Môsös, Ngö ṙô man tö Āròn, Hateutnyö këlre man aṅ eltī tö ngam tinkung, i kui minë tahël, i kui minë kuntöhëm mak, i kui nup tö rūḵngö mak, vīten nup tarôṅt nö meutlö nö im panam Aikup.

MANEUTNYI 8:17

Ngaich chā-a nö ngatī, hateūtnyö këlre ngaich Āròn nö aṅ eltī tö ök tinkung, foh pitung el ngam tumlat ngaich, ngaich nuk mirötö nö i alaha tarik, i alaha töṙeūla inrē; keuheūtlöre nuk pitung ngam tumlat nö vīngöre nö mirötö im panam Aikup, nö keuheūtngöre chūök,

MANEUTNYI 8:15

Ngaich hē Fërō nö meūkö e nö heuh hë, hangëḵngö ellōnre angā-aṅ, ngaich öt hang ṙô cha.

MANEUTNYI 8:18

Ngaich ngati tī yik tömilūönö nö hachūlö nuk mirötö, hö-ö pöri nö kô: miröötu ngaich i alaha tarik, i alaha töṙeūla inrē.

Salmai 105:31

Ṙô-òv Anga-aṅ, ngaich yih nuk inṙūöi nö pōyen, tamāp inrē: ṙòkhöre chūök nö i kūö panam cha.

MANEUTNYI 4:23

Ngöṙô Chin tö meh. Hökngen ngam kūön chu nö kiröönngöre, hòṅ ò nö lök la-en chu: ngaich më-eṅ sōten ò nö kiröönngöre. Yĕh meuk, fëlngö ngam kūön meh chin min ngam lanòh meh.

MANEUTNYI 5:1

Unôichngöre nā Môsös nā Āròn nö yih, ngaich ngöṙô tö Fërō, Ngöṙô an ngam Mā Tēv, ngam Tēv Israĕl, Hökngen më tarik chu nö kiröönngöre, hòṅ cha nö ip tö kiröng, nyinā-aṅ in chu nö el nyaṅlnyi.