MANEUTNYI 8:14 - TÖHET LĪPÖRE (Re-edited) Bible (BSI)

¹⁴ Afôngngö u achā-a ngaich, nö hamūlngö u: ngaich ngam panam nö hangeūṅtu.

MANEUTNYI 8:14 Referans Kwoze

YŌ-ĔL 2:20

Marôvat tī pöri chū-ö min ṙūöngö yip kumyung tö yīö aṅ lā kapā, ahōngen ò chin min inrē ip panam töt sīöpö aṅkūö tö öt kôlò inrē, lā kūö ò ngam lā chuhöt mai, lā uk ò inrē ngam lā sūng mai; ngaich taveūklöng min öp inngeūṅtö ò veūklö min inrē öp tinôngö ò töhangeūṅtu pò ò nö keuheūten tö nuk tökiröng la-en.

ISIKĪ-ĔL 39:11

Ip sakāmö angū-ö chū-ö min kē-ĕkūö Kōk tö chūök lināpngö in Israel, öp achāṙö yip kumrööna lā chuhöt tö ngam mai; ngaich angū-ö min nö harahkūö yip kumrööna, pòn umuh Kōk yip tömaṙôngö in ò inrē min nö lāpi; kaheūkö minënyi öp min nö achāṙö Hamönkōk.

Isayā 34:2

Pò ngam Mā Tēv nö lanīnuvö nö in vē pumnāmö tarik nö ṙòkhöre, angëṅṙö tanānyö inrē nö in yip kumyung in cha: hatngö tī an min nö fëlngen cha, kēten cha an nö in öp famëlhanga:

MANEUTNYI 8:24

Ngaich ngati tī ngam Mā Tēv; yöng ṙôken nuk inṙūöi ngaich nö yih, nö el patī Fërō, el patī yik tarik alaha ò: keuheūtngöre i panam Aikup nö lëlngö tökūö ṙôken nuk inṙūöi.

MANEUTNYI 7:21

Ngaich kapah nuk kāḵ el ap tahël; hangeūṅtu ngaich ngam mak, ötkô yik aṅ Aikup nö òk mak aṅ ngam tahël; keuheūtngöre chūök inrē ngam mahām nö im panam Aikup.

MANEUTNYI 8:13

Ngaich ngam Mā Tēv, nö asā ṙô Môsös; ngaich kapah nuk tarôṅt nö el nuk patī, el nuk töluvë-ak el milūkö el patī, el kahôyö inrē.

MANEUTNYI 8:15

Ngaich hē Fërō nö meūkö e nö heuh hë, hangëḵngö ellōnre angā-aṅ, ngaich öt hang ṙô cha.

MANEUTNYI 9:11

Ngaich yik tömilūönö nö ötkô nö sökhak nö i kūö Môsös, kūö minë seh, pò minë seh nö i alaha më tömilūönö, ṙòkhöre më aṅ Aikup inrē nö aṅhaṅv alaha.

1 RĀCHA 18:26

Ngaich kē ök kōiny nuā cha-a, ngaich havëkö minënyö Pē-al löktökūö peuheū söl sakāmö, nö ngö ṙô, Ō Pē-al, sapṙô ih. Hö-ö pöri nö ṙô-òv tö tö takööya, öt rēhĕn nö hĕng tak samap ṙô. Kumööyöre cha-a nö ik tahāklö ök tövīlöng.

1 RĀCHA 18:29

Ngaich ngö inlahen angū-ö, hē e nö ngaich nö chööḵngö ngam tö kamlö sakāmö, ngaich cha-a nö iṙūöhö ṙô nö vë-ekūötēv hanöng saha ngam ṙētak öp tökētu tö harap; hö-ö pöri nö tö takööyavö ṙô, öt rēhĕn nö töchumkūöṙenvö.

Isayā 19:11

Kulō-ov takô-en yip kūön rācha aṅ Sō-an; inlahen töṙeūla öp inlēnö tö yip tölngö mikah aṅ in yip mahalēnö Fërō; sitih ṙô öi in Fërō, Chū-ö chin kūön tö-akahaṙa, kūön mā misī rācha?