MANEUTNYI 8:1 - TÖHET LĪPÖRE (Re-edited) Bible (BSI)

¹ Ngaich vë-ekūö Môsös ngam Mā Tēv, Kuṙòh chuh in Fërō man ngö ṙô tö ò. Ngö ṙô An ngam Mā Tēv, Hökngen yip tarik Chu nö kiröönngöre, hòṅ cha nö lök la-en Chu.

MANEUTNYI 8:1 Referans Kwoze

MANEUTNYI 3:18

Ngaich chā-a min nö hang ṙô meh: ngaich më-eṅ yih ip rācha aṅ Aikup, tö yip mā kūö Israĕl inrē, ngaich ngöṙô min yī-ö tö ò, meūkö kūö in tö ngam Mā Tēv, ngam Tēv yip Hīprū: yĕh, vë-ekūö meh in, hökngen ih kiröönngöre el tönyaṅlnyi, lūöi sumkam rô-òlkūö, hòṅ ih kētö tökētu im Mā Tēv, ngam Tēv ih.

MANEUTNYI 3:12

Ngaich ngöṙô Angā-aṅ, In meh takô Chin min; ngih ön min minkahngö nö in meh tö Chu öich tīnten meh: yē meh min ngaich kēnyö yip tarik nö ṙā-ang Aikup. Ngaich yī-ö min lök la-en ngam Tēv ikui ngih rôngö.

MANEUTNYI 5:1

Unôichngöre nā Môsös nā Āròn nö yih, ngaich ngöṙô tö Fërō, Ngöṙô an ngam Mā Tēv, ngam Tēv Israĕl, Hökngen më tarik chu nö kiröönngöre, hòṅ cha nö ip tö kiröng, nyinā-aṅ in chu nö el nyaṅlnyi.

MANEUTNYI 7:16

Ngaich ngö ṙô pömchö tö ò, Tīntu chin in meh tö ngam Mā Tēv, ngam Tēv yip Hīprū, nö ngö Ṙô, Hökngen yip tarik Chu nö kiröönngöre, hòṅ cha nö lök la-en Chu nö el nyaṅlnyi: meuk mana, tö meh höng öl hang.

MANEUTNYI 4:23

Ngöṙô Chin tö meh. Hökngen ngam kūön chu nö kiröönngöre, hòṅ ò nö lök la-en chu: ngaich më-eṅ sōten ò nö kiröönngöre. Yĕh meuk, fëlngö ngam kūön meh chin min ngam lanòh meh.

MANEUTNYI 5:3

Ngaich ngöṙô chā-a, meūkökūö An ngam Tēv Hīprū tö ai: vë-ekūö meh an, hökngen ih kiröönngöre el nyaṅlnyi höng lūöi sumkam rô-òlkūö, öi kētö tökētu i ngam Mā Tēv ih, hòṅ ih ötlëlngö tö tī Ò tökūö invah hēk kūö sanët.

MANEUTNYI 7:25

Keuheūt tö sat sumkam, unôichrit tī ngam Mā Tēv nö fohtö el ngam tahël.

MANEUTNYI 8:2

Ngaich yē meh sōḵten cha nö kiröönngöre, yĕh meuk, keuheūtngöre nup kūöngö panam meh tö tarôṅt:

MANEUTNYI 8:20

Ngaich ngö ṙô ngam Mā Tēv tö Môsös, Chōholre man, ka-euilö kūö tö peuheū, söklöre i kūö Fërō, yĕh meūkan nö yih nö im mak, ngö ṙô tö ò, Ngö ṙô An ngam Mā Tēv, hökngen yip tarik Chu nö kiröönngöre, hòṅ cha nö lök la-en Chu.

MANEUTNYI 9:1

Ngaich ngam Mā Tēv nö ngö ṙô tö Môsös, Kuṙòh kuhēthötre man in Fërō, vë-eny nang ò, Ngö ṙô an ngam Mā Tēv, ngam Tēv yip Hīprū. Hökngen më tarik chu nö kiröönngöre, hòṅ cha nö lök la-en chu.

YÔSUĀ 8:18

Ngaich ngö ṙô ngam Mā Tēv tö Yôsuā, hateutnyö ngam manlönre man ngam eltī meh nö kū-ötö Ai; tön kētö e chin nö eltī meh. Hateutnyö ök manlön re ngaich Yôsuā ök më-eltī ò nö kū-ötö ngam elpanam.

Salmai 105:30

Tööḵlö nuk panam cha ngaich tö tarôṅt: el nuk urôhò yik rācha cha.