MANEUTNYI 7:5 - TÖHET LĪPÖRE (Re-edited) Bible (BSI)

⁵ Ngaich akahahakūö min yip aṅ Aikup tö Chu öich Chū-ö Mā Tēv, yē Chu öich Chū-ö Mā Tēv, yē Chu min hateutnyö këlre i kui Aikup, Öich kēnyö yip kūönre Israĕl nö rā-ang in cha.

MANEUTNYI 7:5 Referans Kwoze

MANEUTNYI 14:18

Hòṅ yip aṅ Aikup min nö akahalōn tö chu Öich Mā Tēv, yē chu min teūngen tö ineū-eure in Fërō, i nup inröl ò, in yip aṅ uk kōra ò inrē.

MANEUTNYI 8:22

Ip sakāmö hē e Chū-ö min haköhngen ap panam Kōsen, ip chūök yip tarik chu nö iyöng, öt inṙūöiyu min in e; hòṅ meh akahalōn tö Chu öich Chū-ö Mā Tēv ellōn ngih panam.

MANEUTNYI 7:17

Ngö ṙô an ngam Mā Tēv, Ihih man min akahalōn tö Chu öich Chū-ö Mā Tēv: yĕh meuk, fohkö ngam mak chin min tö ngòh tinkung, ngòh eltī chu ngaich min ngam mak el ngam tahël nö vīngöre min nö mahām.

MANEUTNYI 14:4

Ngaich Chū-ö min hangëḵngö ellōn Fërō ngaich angā-aṅ min nö tömkörit cha; ngaich Chū-ö min kēḵ ineū-euṅre in Fërō, in yip in ò inrē kumyung nö ṙòkhöre; ngaich akahalōn min yip aṅ Aikup tö Chu Öich Chū-ö Mā Tēv, Ngaich ngatī chā-a.

MANEUTNYI 3:20

Kētö neukhö vē tarik chin min nö ikūö yip aṅ Aikup: ngaich yī-ö min öthöng chanlööpṙen, ip hē yīö min kiröönngöre:

ISIKĪ-ĔL 39:22

Akahalōn an min ngam patī Israel tö chu öich Mā Tēv cha, löktökūö ip sakāmö angū-ö nö iṙūhen.

ISIKĪ-ĔL 39:7

Ngaich el ṙôngö yip tarik Israel min chū-ö mikahtölōn tö ngam töhet minënyö chu; ngaich chū-ö min öthalöngten ngam töhet minënyö chu hachōchi nö hēk; ngaich vē pumnāmö tarik min nö akahalōn tö chu öich Mā Tēv, Töhĕng Töhet in Israel.

MANEUTNYI 8:10

Ngaich ngö ṙô angā-aṅ, Ip huṙöich. Ngaich ngö ṙô angā-aṅ, Ngatī an yēḵ sā ṙô meh; hòṅ meh akahalōn tö töthĕng tak tösā ngam Mā Tēv, ngam Tēv ih.

ISIKĪ-ĔL 36:23

Ngaich chū-ö hòṅ haköp ngam hanëtö ngam tökiröng minë-eny chu, ngam tö ngaich nö hachōichiyö nö in yip pumnāmö tarik, ngam hachōichngö yīö in cha; ngaich akahalōn min yip pumnāmö tarik tö chu öich Mā Tēv, ṙô ngam Mā Tēv, yē chu lökten in yīö haköp hanëtöre i kūö cha.

ISIKĪ-ĔL 28:22

Ngö ṙô, Ngö ṙô An ngam Mā Tēv: Yĕh meuk, lā-al meh chin, Ō Sītōn, hameuktö kanôlò re chin min ellōn meh. Ngaich cha-a min nö akahalōn tö chu öich Mā Tēv Yē chu kēken inkaha fālen in ò, hameuktö hanëtöre inrē in ò,

ISIKĪ-ĔL 25:17

Kēken tökiröng chin min invāhal i kui cha holtö lanīnö chinökṙen. Ngaich cha-a min nö akahalōn tö chu öich Mā Tēv,yē chu ṙātö ngam invahal nö i kui cha.

Salmai 9:16

Vītenre an ngam Mā Tēv nö akahaiṙen, akah fālen an: ngòh tötlöök tingöpngöre nö i nup vahīten minë kuntī ò.

MANEUTNYI 8:19

Ngaich ngö ṙô yik tömilūönö tö Fërō, Kuntī ngam Tēv ön ngih: ngëḵngöre ellōn ngaich Fërō, ngaich nö öt hang ṙô cha; nö sā ṙô ngam Mā Tēv.

MANEUTNYI 6:1

Ngaich ngöṙô ngam Mā Tēv tö Môsös, Min man meuk tī chu tö Fërō: Pò ò min nö hökngöröön cha nö aṅtī tö ngam tökalēḵ këlre, ahōnyen cha min angā-aṅ nö ṙā-ang im panam ò, nö aṅtī tö ngam tökalēḵ këlre.

MANEUTNYI 10:2

Hòṅ meh vënyö nang ap kūönre, ap kūön meh inrē, tö nuk tī Chu i kui Aikup, nuk minkahngö Chu inrē tī Chu in cha; hòṅ yīö akahalōn tö Chu Öich Chū-ö Mā Tēv.

MANEUTNYI 10:7

Ngaich yik tarik alaha Fërō nö ngö ṙô tö ò, Iṙôktöreṙen ang min ngòh tarik nö tinngöp hī? Hökngen më tarik nö kiröönngöre, hòṅ cha nö lök la-en ngam Mā Tēv ngam Tēv cha: öl ṙöng öm akahalōn tö Aikup nö ngaich nö lëlngö?

MANEUTNYI 18:8

Ngaich ang Môsös nö vë-eny nang ök yöng pīhöre tö nuk tī ngam Mā Tēv nö in Fërō in yik aṅ Aikup inrē tö pôkūö Israĕl, ṙòknyöre ṙô tö kanihngen nuk tameunghö kui cha nö el talöökö, tö tī ngam Tēv inrē nö ṙānyen cha.

Salmai 138:7

Ha-aṅken chu Me-eṅ min, pòrô öich lök ellōn kanihngen: silô tö këlre Man min im tanānyö yip lā-al chu, hayöölen chu min ngam lahāmö kël Meh.

ISIKĪ-ĔL 32:15

Hē chu vītö ngam panam Aikup nö öt aṅhaṅvkūö hē ngam panam inrē nö ahati tö nup aṅkūö re, hē chu fëlngö yip mī-iyöng in e, möl cha-a min nö akahalōn tö chu öich Mā Tēv.

MANEUTNYI 6:6

Lökten nö ngöṙô tö yip kūön Israĕl, Chū-ö Chin Yāvē, kēnyen yīö chin min ṙā-ang i nup lumngan tī yip aṅ Aikup, kēnyen yīö chin ṙā-ang el inkövö tī cha, aṅtī tö töteuthak kël min Chū-ö ṙānyen yīö, aṅtī tö öp yöng inkaha fālen inrē;