MANEUTNYI 7:4 - TÖHET LĪPÖRE (Re-edited) Bible (BSI)

⁴ Hö-ö pöri min Fërō nö hang ṙô meh, ngaich Chū-ö min kētö tīre i kui Aikup, ngaich kēnyö yip tömaṙôngö, yip tarik chu kūön Israĕl, nö ṙā-ang im panam Aikup: aṅtī tö yöng kinṙôka.

MANEUTNYI 7:4 Referans Kwoze

MANEUTNYI 11:9

Ngaich ngö ṙô ngam Mā Tēv tö Môsös, Öthō öp Fërō min nö hang ṙô meh; Hòṅ në pinngangkūö tī Chu nö ṙūölöre ṙòken nö im panam Aikup.

MANEUTNYI 6:6

Lökten nö ngöṙô tö yip kūön Israĕl, Chū-ö Chin Yāvē, kēnyen yīö chin min ṙā-ang i nup lumngan tī yip aṅ Aikup, kēnyen yīö chin ṙā-ang el inkövö tī cha, aṅtī tö töteuthak kël min Chū-ö ṙānyen yīö, aṅtī tö öp yöng inkaha fālen inrē;

MANEUTNYI 12:51

Ngaich ngö inlahen im angū-ö sakāmö, tö ngam Mā Tēv nö kēnyö yik kūön Israĕl nö ṙòknyöre tī nö ṙā-ang panam Aikup.

INMEUKHÖMAT 19:2

Pòn kô-en, löök inrē minë kinṙôka tö Ò; pò Ò nö kahòkken ngam yöng mī-inyihköre kikānö, ngam mahachōichngö ngih panam tö ngam chinô-òṅre, ngaich inrē Anga-aṅ nö havahal mahām yik tanölöṙôre nö eltī ò.

INMEUKHÖMAT 16:7

Ngaich hang ṙô ök tahāklö chū-ö; Hôṅ, Ō Mā Tēv, Tökeuhēttöre Chöngö kô-en nun ane inrē tölöök minë tī meh kinṙôka.

INMEUKHÖMAT 15:4

Achiāp töt pa-ekūö, Ō Mā? Achiāp töt mahapōilö ngam minë-eny meh inrē? Tö meh höng me-eṅ töhet, pòn ṙòkhöre min vē pumnāmö tarik nö yih ngaich salām nö ikūö meh; pòn hameuktu nö ngaich nuk lanöökö la-en meh.

ISIKĪ-ĔL 30:19

Ngatī tī chin kēken inkaha fālen i kui Aikup. Ngaich cha-a min nö akahalōn tö chu öich Mā Tēv.

ISIKĪ-ĔL 30:14

Vīten Patròs chin min nö öt aṅhaṅvkūö; Tōttökūö Sō-an inrē tö tameūyö, kēken inkaha falen chin min i kui Tīpes.

ISIKĪ-ĔL 25:11

Kēken inkaha fālen chin min i kui Mô-āp. Ngaich cha-a min nö akahalōn tö chu öich Mā Tēv.

ISIKĪ-ĔL 14:21

Pòn ngö ṙô ngam Mā Tēv: I ṙôken öre yē chu tīnhöti i kui Yērusalem tö në aṅ in chu töfën tökalēḵ inkaha fālen, sanët, Inyāīchö tötainy töṙeūla, invah inrē tölëngökūö, öich rökngen tarik töṙeūla inrē nö ṙā-ang in e!

INRĀMÖRE 3:3

kô-en an nö havöötökūö këlre nö lā-al chu nö hēk nöng hēk irô-òtö sakāmö.

Isayā 26:9

Holtö ellōnre chin hòṅ īnu tö meh tö el hatööm; hôṅ, hol töp ma-alahare chin nö in chu öi ka-euilökūö chöhöh meh, pò ngam inkaha fālen aṅ in meh yē e nö el tumlat ngaich yip aṅkūö ngih panam nö haköp lanöökö.

INCHŌḴ-OṘÔ 19:29

Löö tö mināich an ngam öt inkôlò, ngam finôhò inrē i uk ngam tö kulō-ovö.

KAMHÔKA 2:15

Ik töng kū-ö cha nö kiröönngöre, ngaich ngam kël ngam Mā Tēv nö lā-al cha im tötlöök, sā ṙô ngam Mā Tēv nö ngaich, sā ṙô ngam Mā Tēv inrē nö chūökuṙô nö in cha: ngaich cha-a nö kiröngö kanihten.

MANEUTNYI 10:1

Ngaich ngam Mā Tēv nö ngö ṙô tö Môsös, Kuṙòh chuh in Fërō man: tön hangëngö ellōn ò chin, ellōn yip tarik alaha ò inrē, hòṅ chu hameuktö në minkahngöre elṙôngö cha:

MANEUTNYI 9:3

Yĕh meuk, i kui minë nuā meh an ngam kël ngam Mā Tēv nup el kahôyö, i kui nup kōra, i kui nup köttö, i kui nup ūṅt, i kui nup töhĕng mūl töṙeūla i mihëṅṙö u, i kui nup töṙōlkangen töṙeūla nö mūlhaka: yöng invah, elvāng nuā ap min ihih, invah kunröön inrē.

MANEUTNYI 6:26

Chā-a yin ṙô ngam Mā Tēv, nö in nā Āròn, nā Môsös, nö ngöṙô, Kēnyö yip kūön Israĕl, nö ṙā-ang panam Aikup, sā ṙôngö cha.

MANEUTNYI 3:20

Kētö neukhö vē tarik chin min nö ikūö yip aṅ Aikup: ngaich yī-ö min öthöng chanlööpṙen, ip hē yīö min kiröönngöre:

MANEUTNYI 3:19

Akahalōn chin töp rācha min aṅ Aikup nö öt halöngngen yīö min kiröönngöre, hö-ö, ötlöktö i kumlēḵ kël. Chū-ö min hateutnyö këlre, ngaich hachökö Aikup aṅtī tö nup pinngangkūö, nup tī Chu min in e: ngaich unôich tö e min angā-aṅ nö hökngen yīö kiröönngöre.

MANEUTNYI 6:1

Ngaich ngöṙô ngam Mā Tēv tö Môsös, Min man meuk tī chu tö Fërō: Pò ò min nö hökngöröön cha nö aṅtī tö ngam tökalēḵ këlre, ahōnyen cha min angā-aṅ nö ṙā-ang im panam ò, nö aṅtī tö ngam tökalēḵ këlre.

MANEUTNYI 7:13

Hangëḵngö ellōnre ngaich ang Fërō, öt hang ṙô cha angā-aṅ; sā ṙô ngam Mā Tēv.

MANEUTNYI 7:16

Ngaich ngö ṙô pömchö tö ò, Tīntu chin in meh tö ngam Mā Tēv, ngam Tēv yip Hīprū, nö ngö Ṙô, Hökngen yip tarik Chu nö kiröönngöre, hòṅ cha nö lök la-en Chu nö el nyaṅlnyi: meuk mana, tö meh höng öl hang.

MANEUTNYI 8:15

Ngaich hē Fërō nö meūkö e nö heuh hë, hangëḵngö ellōnre angā-aṅ, ngaich öt hang ṙô cha.

MANEUTNYI 8:19

Ngaich ngö ṙô yik tömilūönö tö Fërō, Kuntī ngam Tēv ön ngih: ngëḵngöre ellōn ngaich Fërō, ngaich nö öt hang ṙô cha; nö sā ṙô ngam Mā Tēv.

MANEUTNYI 9:12

Ngaich ngam Mā Tēv nö hangë-eng ellōn Fërō, ngaich öt hang ṙô cha angā-aṅ; sā ṙô ngam Mā Tēv nö in Môsös.

MANEUTNYI 13:3

Ngaich ngö ṙô Môsös tö yik tarik, Köpölōn tö ngih sakāmö, ngih hēnyö yīö ṙā-ang Aikup, ṙā-ang el ap patī inkövö; pòn lökten i kumlēḵ kël ngam Mā Tēv nö ṙānyen yīö ṙā-ang ip chūökö angū-ö: öt nyā-aṅ min tö-aföhlöng rôtī.

MANEUTNYI 13:9

Minkahngö an min angū-ö nö in meh, nö i kël meh, inköpkölōn inrē nö i hôi mat meh, hòṅ ngam Chöngö ngam Tēv nö elvāng meh: pòn holtö kumlēk këlre ngam Mā Tēv nö ṙānyen meh ṙā-ang Aikup.

MANEUTNYI 18:8

Ngaich ang Môsös nö vë-eny nang ök yöng pīhöre tö nuk tī ngam Mā Tēv nö in Fërō in yik aṅ Aikup inrē tö pôkūö Israĕl, ṙòknyöre ṙô tö kanihngen nuk tameunghö kui cha nö el talöökö, tö tī ngam Tēv inrē nö ṙānyen cha.