MANEUTNYI 7:3 - TÖHET LĪPÖRE (Re-edited) Bible (BSI)

³ Hangëḵngö ellōn Fërō Chin min, ngaich ṙūölö ṙôken nup minkahngö, pinngangkūö inrē im panam Aikup.

MANEUTNYI 7:3 Referans Kwoze

MANEUTNYI 4:21

Ngaich ngöṙô ngam Mā Tēv tö Môsös, Yē meh ngaich havan i Aikup, la-evṙen pömchö ikūö Fërō, tö nup minkahngö nuk eltī meh nö ngaich tö tī chu: hangëngö ellōn ò pöri min Chū-ö, ngaich öthalöngngen yip tarik min angā-aṅ.

MANEUTNYI 11:9

Ngaich ngö ṙô ngam Mā Tēv tö Môsös, Öthō öp Fërō min nö hang ṙô meh; Hòṅ në pinngangkūö tī Chu nö ṙūölöre ṙòken nö im panam Aikup.

RŌMA 15:19

I kanô-òṅ nup minkahngö, pinngangkūö inrē, i kanô-òṅ ngam Töhet Fanöinylö; hòn löktökūö Yerūsalem, vinngö nö Illirikum, öich keuheūt ahangkö ngam tölöök inhangkö Kristū;

INLAHEN 7:36

Anga-aṅ ṙamānyen cha, tö kinheūṅtö tīre tö nuk pinngangkūö, minkangö inrē, i Aikup, el ap Mai Ētöm inrē, elinchōn inrē, fën anāi samyeūheu.

INLAHEN 2:22

Yī-ö tarik aṅ Israĕl; hang ṙô chu yin; tö Yēsū ngam aṅ Nāsaret, ngam tarik tö hameuktuvö tö ngam Tēv nö in yīö, lökten i nup minhôiṅyö la-en, pinngangkūö, minkahngö inrē, tī ngam Tēv nö lökten in Ò, el ṙôngö yīö, sā mikahlōn yīö.

T. YÔHAN 4:48

Lökten Yēsū nö ngö ṙô tö ò, Öt hōḵ yin ṙātö ellōnre, yē yīö öt meuk minkahngö, pinngangkūö inrē.

Salmai 135:9

Tīntö minkahngö Anga-aṅ, pinngangkūö inrē, nö in Meh, Ō Aikup: in Fërō, in yik tarik ò inrē nö ṙòkhöre.

MAIKA 7:15

Sā nuk sakāmö yanīhih meh ṙā-ang panam Aikup hameukhömat ò chū-ö min tö nup pinngangkūö.

Isayā 51:9

Aṅhen, Aṅhen, kē kumlēḵ re Ō kël ngam Mā Tēv; aṅhen, sā hē nup sakāmö hötṙeh, nup tumköl chap tömarô-angen. Röh öm me-eṅ misī ramökö Rāhap nö panyeny, tötafūni tī tö ngam tulan?

NAHIMIĀ 9:10

Ngaich tī-iv më-eṅ tö minkahngö pinngangkūö inrē öm lā-al Fërō tö yik tarik ò inrē tö yik tarik ngam panam ò inrē nö ṙòkhöre, pò meh akahalōn tö cha nö miyëṙen tö yik yöng ih; ngaich më-eṅ inrē kē minë-enyre, nö sā e ing töngamuh.

I. CHÖNGÖ 7:19

Nup yöng kinlaha tömeūkö tö minë mat yīö nö ngaich, nuk minkahngö, pinngangkūö inrē, kumlēḵ kël, ngam töhateutnyu kël inrē, aṅtī ngam Tēv meh ngam Mā Tēv nö kēnyen, yīö; ngati tī an ngam Tēv yīö min ngam Mā Tēv nö in yip tarik nö ṙòkhöre yip pinhë-eṅkūö yīö.

I. CHÖNGÖ 4:34

Hēk inrē kalahtenre ang ngam Tēv nö kiröönngöre nö kē pumnāmö tarik nö ṙā-ang i tahëng pumnāmö tarik, nö lökten i inṙööingö, lökten i kinyūngö, lökten i minhôiṅyö kël, lökten i tökiröng pinheṅ-eṅkūö; nö sā nuk tī ngam Mā Tēv ngam Tēv yīö nö i Aikup tö pòkūö yīö nö i kūö minë mat yīö?

MANEUTNYI 9:16

Kô-en an ri nö angū-ö lökten Chu hòṅ hameukhö mat meh tö minhôiṅyöre, hòṅ ngam Minë-eny Chu inrē nö keuheūtngöre chūök nö vënyu nö ing panam.

MANEUTNYI 4:29

Kiröönngöre ngaich nā Môsös, nā Āròn, ngaich hamūl yik mākūö, yik kūön Israĕl nö ṙòkhöre;

MANEUTNYI 4:7

Ngaich ngöṙô angā-aṅ nö hēk, Hayulhöt këlre man elngòhre hēk. (Ngaich angā-aṅ nö hayulhöt këlre nö hēk. Ngaich hē ò nö hōknyö e nö ṙā-ang elngòhre, vīngöre angū-ö hēk nö sā nup alaha ò tahëng.)

RŌMA 9:18

Hòn aheūkölōn Anga-aṅ ip chūökre nö lōnuvö, ip chūökre inrē nö hòṅ hangë-eng.

MANEUTNYI 3:20

Kētö neukhö vē tarik chin min nö ikūö yip aṅ Aikup: ngaich yī-ö min öthöng chanlööpṙen, ip hē yīö min kiröönngöre:

MANEUTNYI 7:13

Hangëḵngö ellōnre ngaich ang Fërō, öt hang ṙô cha angā-aṅ; sā ṙô ngam Mā Tēv.

MANEUTNYI 11:10

Tītö në pinngangkūö nā Môsös nā Aròn nö i kūö Fërō; Hangëngö ellōn Fërō pöri ngam Mā Tēv, ngaich öthalöngngen yip kūön Israĕl angā-aṅ nö kiröönngöre nö ṙāngö panam ò.

MANEUTNYI 14:4

Ngaich Chū-ö min hangëḵngö ellōn Fërō ngaich angā-aṅ min nö tömkörit cha; ngaich Chū-ö min kēḵ ineū-euṅre in Fërō, in yip in ò inrē kumyung nö ṙòkhöre; ngaich akahalōn min yip aṅ Aikup tö Chu Öich Chū-ö Mā Tēv, Ngaich ngatī chā-a.

Salmai 78:12

Nuk pinngangkūö tī Ò nö i kūö yik yöng cha: i panam Aikup el töngā i Sō-an.

INCHŌḴ-OṘÔ 21:1

Töhëm an nö mak ngam ellōn ngam rācha eltī ngam Mā Tēv; havēngökūö e an i kū-ö lōn ò.