MANEUTNYI 7:23 - TÖHET LĪPÖRE (Re-edited) Bible (BSI)

²³ Havan ngaich Fërō nö i patīre, ötrēhĕn angā-aṅ nö ṙātö ellōnre nö in e.

MANEUTNYI 7:23 Referans Kwoze

MALAKI 2:2

Ngaich yē yīö min öt hang, yē yīö min inrē öt ṙāten e nö ellōn yīö, öi ha-öiny ngam minë-eny chu, ṙô ngam Mā Tēv yip tömaṙôngö, ngaich chū-ö min tīntö ngam rinôichngö vah nö I kui yīö, rôichgö vah nup inkôlò tī yīö chin min inrē: hôṅ, rôichngö vah u chin ngaich ha-ehangṙen, pò yīö öt ṙāten e ellōn re.

HAPAKŪK 1:5

Yĕh meuk yin yī-ö mī-i në pumnāmö tarik, milēḵṙen inrē, kiröngen pinngangkūö inrē: tön la-evṙen chin tö la-en i në sakāmö yīö, öp tö pòrô nö vënyu nö in yīö ngaich rö-ö yī-ö ṙatö ellōn re.

ISIKĪ-ĔL 40:4

Ngaich ngö ṙô ök tarik tö chu, Kūön tarik, hol tö minë mat re meuk, hol tö minë elnang e inrē hang, hachiptökūö ellōn re inrē i kui minë hameuktö chu min in meh nö ṙòkhöre, tön kētu man ihih pò chu hòṅ hameuk tö e in meh; vë-eny nup taṙòkhöre man maheuṅk re i patī Israel.

YERIMIĀ 36:24

Hö-ö pöri nö rēhĕn ök rācha, öt rēhĕn yik tarik ò yik hamang në ṙô, nö pa-ekūö öt rēhĕn cha-a nö tikaichngö hilāre.

YERIMIĀ 5:3

Ō Mā Tēv, röh ön minë mat Meh nö ngamëchkö kanô-en? Ngaich Man fōhoh cha, hö-ö pöri cha-a nö lökngöre tö chanökö; keuheūtngöre vah yin tö tī Meh, sōḵ pöri cha-a nö kēḵ chinökṙen re.

Isayā 26:11

Mā Tēv chônghaka an ngam kël meh, sönngenre cha-a nö öt meuk: meuk ngam kumlēḵlōn meh pöri min cha-a nö in yip tarik, ngaich sirōngngöre kūö; hôṅ, ṙāpngö kūö an min ngam tameūyö tö yip lā-al meh.

INCHŌḴ-OṘÔ 29:1

Anga-aṅ ngòh töṙöpen nö vëka, sön nö hakehngö likeun re höng lūk min nöng ohngö nö öt hanlinken.

INCHŌḴ-OṘÔ 24:32

Meuk chū-ö ngaich fēken e inrē; ngëcha chū-ö kēḵinköptöre inrē.

INCHŌḴ-OṘÔ 22:17

Asītö elnang re, hang ṙô tö akaha inrē, kētö ellōn re inrē im mikah chu;

Salmai 62:10

Un hayönglenre nö i inkihten, un vītenre i unlāya, un im töng rö-ö: yĕn ṙūölöreṙen kanôlò, un kētu ap ellōn nö in e.

NGAM LĪPÖRE YŌP 7:17

Asuh ang ngòh tarik, tö meh urōholōn tö ò, tö meh inrē in ò ellōn,

1 SAMUĔL 4:20

Hē kinpaha ò ök kikānö tö sökhak nö in ò ngö ṙô tö ò, Um pa-ekūö: tön kayôḵnyö kikōnyö man nyīö. Hö-ö pöri anga-aṅ nö sap ṙô, öt rēhĕn nö akahaiṙen tö e.

I. CHÖNGÖ 32:46

Ngaich ngö ṙô anga-aṅ tö cha, Kētö ellōnre yin i në ṙô në hameuktö chu in yīö i ngih sakāmö; në tinöölô yip kūön yīö min tö yīö, nö haköpkö u nö la-evṙen, tö në i ngih chöngö,

MANEUTNYI 9:21

Angā-aṅ ök töt chumkūöṙen tö ṙô ngam Mā Tēv ṙāngö yik tarik alahare, tö nuk nuā re inrē, nö el kahôyö.

MANEUTNYI 7:22

Ngaich ngati tī inrē yik tömilūönö aṅ Aikup nö lökten i inchūṙô tö cha: ngëḵngöre ellōn ngaich ang Fërō, ngaich öthang ṙô cha.

MANEUTNYI 7:24

Ṙòkhöre ngaich yik aṅ Aikup nö ul makre nö havīlö ök tahël, tö tö-ôkö; pò cha nö ötkô nö òk mak aṅ ök tahël.

MANEUTNYI 9:20

Angā-aṅ öp töpa-ekūö tö ṙô ngam Mā Tēv, nö in yik tarik alaha Fërō, tölṙô yik tarik alahare ngaich, afaltö nuk nuā re nö i patī:

INCHŌḴ-OṘÔ 28:14

Tökôlò ön ngòh tarik ngòh tö-örheūheu nö pa-ekūö töm Mā Tēv; ngòh mahangëḵngö ellōn re pöri fuk el kanihngen min.

Isayā 47:7

Ngaich ngö ṙô me-eṅ, tötchanūhuvṙen chin mā kikānö: Lökten meh öt ṙātö në nö ellōn meh, öt rehĕn öm afēkö öp unôich manāngen e.