MANEUTNYI 7:2 - TÖHET LĪPÖRE (Re-edited) Bible (BSI)

² Keuheūtnyöre ṙô pömchö tö nup tinöölôre tö chu: ngaich ap mëm meh min Āròn nö vë-ekūö Fërō, hòn hökngen yip kūön Israĕl angā-aṅ nö kiröönngöre nö ṙā-ang im panam ò.

MANEUTNYI 7:2 Referans Kwoze

MANEUTNYI 4:15

Ngaich vë-ekūö ò min më-eṅ, chaphöt minë ṙô elvāng ò: hol ngam elvāng meh Chin min, hol ap elvāng ò inrē, ngaich sumlohten meh min töp inlahen meh.

MANEUTNYI 6:29

Nö ngöṙô ngam Mā Tēv nö vë-ekūö Môsös, Chū-ö Chin Mā Tēv: ṙò-òv man in Fërō ap rācha aṅ Aikup keuheūtnyöṙôre tönup ṙô Chu in meh.

INLAHEN 20:27

Öt ma-iṅhiṅv chin tö ṙôre in yīö, tö nup tökeuheūtöre inlēnö aṅ im Tēv.

T. MËTIV 28:20

Haköpten cha nö haköp nup taṙòkhöre tinölô yīö tö Chu. Yĕh meuk; örheūheu Chin holtöṙah yīö, söl ip manāngen ngih panam.

ISIKĪ-ĔL 3:17

Kūön tarik vī-i meh chin ngaich amahten ngam patī Israel; ip töng hē meh hang ap ṙô lamöknyö elvāng chu, ngaich me-eṅ min hatūinyö elnang cha tö ṙamā-ang in chu.

ISIKĪ-ĔL 3:10

Ngö ṙô inrē anga-aṅ tö chu, Kūön tarik, ṙòkhöre nup ṙô chu vë-ekūö meh min kē-ĕ u ellōn meh, hang inrē minë elnang meh.

YERIMIĀ 1:17

Nyëk ṙāt re pöri yī-ö; chōholre ngö ṙô tö cha keuheutnyöre ṙô tö nup tinölô yīö tö chu. Ui pöö-öng kūö tö cha, hòṅ chu öt pinhëṅtökūö yīö i kūö cha.

YERIMIĀ 1:7

Ngö ṙô pöri ngam Mā Tēv tö chu, Uh man ngö ṙô, Höng ṙālö chin tarik; hòṅ kiröönngöre man in yip chūök tinīnngömeh tö chu, ngaich ṙô-òv min me-eṅ tö öp töng tinölô meh tö chu.

1 RĀCHA 22:14

Ngö ṙô ngaich ang Mikayā, Sā ngam Mā Tēv nö tö-aṅ, öp töng ṙô ngam Mā Tēv tö chu, angū-ö min ṙô.

I. CHÖNGÖ 4:2

Uh yī-ö min ṙūöten hol ngam ṙô ngam tinöölô yīö tö chu, ui rēhĕn min hakūöṅnngö e hòṅ yīö köp tö në Chöngö ngam Mā Tēv, ngam Tēv yīö ngam tinöölô yīö tö chu.

MANEUTNYI 4:16

Angā-aṅ ap min tö ṙôtö ṙô meh nö i yip tarik: ngaich angā-aṅ min inrē nö elvāng meh, ngaich më-eṅ in ò öm sā ṙēngen ngam Tēv.

MANEUTNYI 7:6

Ngaich ngatī nā Môsös, nā Āròn; sā tinöölô cha tö ngam Mā Tēv, ngatī chā-a.

MANEUTNYI 5:1

Unôichngöre nā Môsös nā Āròn nö yih, ngaich ngöṙô tö Fërō, Ngöṙô an ngam Mā Tēv, ngam Tēv Israĕl, Hökngen më tarik chu nö kiröönngöre, hòṅ cha nö ip tö kiröng, nyinā-aṅ in chu nö el nyaṅlnyi.