MANEUTNYI 7:19 - TÖHET LĪPÖRE (Re-edited) Bible (BSI)

¹⁹ Ngaich ngö ṙô man tö Āròn, Kē ap tinkungre man, hateutnyö këlre i kui minë mak i Aikup, i kui minë tahël, i kui nup tö-ūlö talöökö mak, i kui nup tö rūḵngö mak nö ṙòkhöre, hòṅ u nö vīngöre nö mahām; ngaich keuheūtngöre chūök min nup mahām nö im panam Aikup, el tökachāvu, el ihong chūökṙen inrē.

MANEUTNYI 7:19 Referans Kwoze

MANEUTNYI 14:21

Hateutnyö këlre ngaich ang Môsös nö i kui ngam mai; ngaich ngam Mā Tēv nö hōten ngam mai nö havanritre nö aṅtī tö ök töhĕng mitööm tökalēḵ kuföt chuhöt, ngaich vīten ngam mai nö nyôlö ngaich harēvöre minë mai.

MANEUTNYI 14:26

Ngaich ngö ṙô ngam Mā Tēv tö Môsös, Hateutnyö këlre man i kui ngam mai, hòṅ minë mai nö yih nö hēk nö i kui më aṅ Aikup, i kui minë inröl cha, i kui yik aṅ uk kōra cha inrē.

MANEUTNYI 10:21

Ngaich ngö ṙô ngam Mā Tēv tö Môsös, Kū-ö tö el halīöngö tī man hateutnyö këlre, hòn singūlö nö i kui ngam Aikup, hòṅ tarik min nöng ṙēpa nö el singūlö.

MANEUTNYI 10:12

Ngaich ngam Mā Tēv nö ngö ṙô tö Môsös, Hateutnyö këlre man i kui ngam panam Aikup hòṅ nup mufākö nö yih, nö i kui ngam panam Aikup, nö keuheūt nö nyāngö nup kun chōn im panam, ṙòkhöre nup chööḵtī ök kumṙah tökënngöre.

MANEUTNYI 8:16

Ngaich ngö ṙô ngam Mā Tēv tö Môsös, Ngö ṙô man tö Āròn, Kuvāilö ngam tinkungre man foh pitung el ngam tumlat, hòn mirötö nö keuheūtngöre chūök nö im panam Aikup.

MANEUTNYI 9:33

Ngaich Môsös nö kunyi-inyre nö ṙā-ang el ök ëlpanam nö ṙā-ang in Fërō, ngaich hanyāṅknyö këlre nö im Mā Tēv: ṙāngöre ngaich nuk kunṙôkö, tök tökënngöre kumṙah inrē, ngaich öt chahūköti ngam kumṙah nö i kui ngam tumlat.

Ranehlö 1:10

Tumlat, ngö ngam Tēv nö kaheuk ngam tanyô; Mai, ngö Anga-aṅ nö kaheuk minë tömūlngö mak: ngaich meūkö e ngam Tēv nö löök.

MANEUTNYI 4:9

Ngaich yē cha min nö ötrēhĕn nö ṙātö ellōnre im innëtö minkahngö ötrēhĕn nö hangṙô meh, ngaich më-eṅ kē mak ngam tahël, ngaich ṙöhtö e nö el tanyô; ngaich ap mak ap kahë meh el ngam tahël, nö vīngöre min nö mahām nö el tanyô.

MANEUTNYI 14:16

Hachônglö ngam tinkungre më-eṅ hateutnyö këlre inrē i kui ngam mai, harēvö e: hòṅ më kūön Israĕl min nö lök ellōn ngam mai nö el tanyô.

2 RĀCHA 4:29

Ngö ṙô ngaich anga-aṅ tö Kihāsī, Nyëklö ṙat re man kēḵ ngam kinchīṙö chu eltī re, kuṙòh kiröönngöre: yē meh meuk kūö tarik, um salāmö ò; yē meh salāmö tö yô-òv, um sapṙô ò hēk, ngaich ṙātö ngam kinchīṙö chu i kūö ap nyīö.

Isayā 5:25

Lökten ngam lanīnö ngam Mā Tēv nö hūlökūö nö in yip tarik ò, ngaich anga-aṅ nö hateutnyö kël re nö lā-al cha, ngaich hachökö cha, ngaich minë rung nö kayīna inrē, ngaich nup tökapah alaha cha nup sin-òkkūö nö ellōn minë talöökö. Pòrô anū-ö në, ngaich rö-ö ngam tanānyö ò nö havööṙikūö, sönen pöri ngam kël ò nöng teuthakaṙen.

HAPAKŪK 3:8

Kunyahalōn ang ngam Mā Tēv nö i nup tahël? I nup tahël ök tanānyö meh, hēk inrē ök lanīnö meh nö im mai, töp lökten meh i uk minë kōra re, el minë inröl meh inyööken?

Isayā 19:10

Panyëny min öp rööntö machööḵlö ò nö laköl, ṙòkhöre min cha-a yip töhaṙāyö nö la-evṙen nö haṙivö ellōn.