MANEUTNYI 7:18 - TÖHET LĪPÖRE (Re-edited) Bible (BSI)

¹⁸ Ngaich nup kāḵ nup me-el ngam tahël min nö kapah, ngaich hangūṅtu min ngam tahël; ngaich min yip aṅ Aikup nö sā-òkkūö nö òk mak aṅ ngam tahël.

MANEUTNYI 7:18 Referans Kwoze

MANEUTNYI 7:24

Ṙòkhöre ngaich yik aṅ Aikup nö ul makre nö havīlö ök tahël, tö tö-ôkö; pò cha nö ötkô nö òk mak aṅ ök tahël.

MANEUTNYI 7:21

Ngaich kapah nuk kāḵ el ap tahël; hangeūṅtu ngaich ngam mak, ötkô yik aṅ Aikup nö òk mak aṅ ngam tahël; keuheūtngöre chūök inrē ngam mahām nö im panam Aikup.

KINṘEŪKÖ 21:5

Lā-alkūö ngam Tēv ngaich yik tarik, lā-alkūö Môsös inrē nö ngö ṙô, Kūöyòh öi kēnyen ih ṙā-ang Aikup öi kapah el ngih tönyaṅlnyi? Tön rö-ö yih nö nyā-aṅvkūövö nö umuh, öt māku inrē nö umuh: ngaich īhö inrē sa-òkkūö tö ngih töt kôlò nyā-aṅkūö.

KINṘEŪKÖ 11:20

Hĕng chumngëṅtöhöre pöri, hanöngsaha e nö talīnköny nö elmeh yīö, hanöngsaha yīö tôkökūö tö e: pò yīö sōḵ-o ngam Mā Tēv, ngam mi in yīö, ngaich peuiny i kūö ò, öi ngö ṙô, Kūöyòh öi kunyī-inyre ṙā-ang Aikup?

Isayā 19:6

Ngaich hangeūṅtu min nup Tahël; kūönngöre min nup kun töhëm mak i Aikup nyôngö inrē: nyangngö min nup tafūyu tö nup kunyôkö rōi kiyôp.