MANEUTNYI 7:17 - TÖHET LĪPÖRE (Re-edited) Bible (BSI)

¹⁷ Ngö ṙô an ngam Mā Tēv, Ihih man min akahalōn tö Chu öich Chū-ö Mā Tēv: yĕh meuk, fohkö ngam mak chin min tö ngòh tinkung, ngòh eltī chu ngaich min ngam mak el ngam tahël nö vīngöre min nö mahām.

MANEUTNYI 7:17 Referans Kwoze

MANEUTNYI 4:9

Ngaich yē cha min nö ötrēhĕn nö ṙātö ellōnre im innëtö minkahngö ötrēhĕn nö hangṙô meh, ngaich më-eṅ kē mak ngam tahël, ngaich ṙöhtö e nö el tanyô; ngaich ap mak ap kahë meh el ngam tahël, nö vīngöre min nö mahām nö el tanyô.

MANEUTNYI 7:5

Ngaich akahahakūö min yip aṅ Aikup tö Chu öich Chū-ö Mā Tēv, yē Chu öich Chū-ö Mā Tēv, yē Chu min hateutnyö këlre i kui Aikup, Öich kēnyö yip kūönre Israĕl nö rā-ang in cha.

MANEUTNYI 5:2

Ngaich ngöṙô Fërō, Achīö ap Mā Tēv, öp töhòṅ hāngöṙô tö chu öich hökngen Israĕl nö kiröönngöre? Öt akahakūö chin töp Mā Tēv, hö-ö inrē hòṅ hökngen Israĕl nö kiröönngöre.

ISIKĪ-ĔL 39:28

Ngaich cha-a min nö akahalōn tö chu öich Mā Tēv cha pò chu söömngen cha nö ahöti nö in yip pumnāmö tarik, ngaich hamūlten cha inrē nö im panam cha takô. Öt hĕng tak töṙā-ai min tö chu tö ōtren nö in yip pumnāmö tarik nö hēkngöre;

ISIKĪ-ĔL 38:23

Ngatī chin min hameuktö ṙôköre ha-ëtöre inrē ngaich mikahtö elmat tömaṙôngö pumnāmö tarik töre. Ngaich akahalōn min cha-a tö chu öich Mā Tēv.

Salmai 9:16

Vītenre an ngam Mā Tēv nö akahaiṙen, akah fālen an: ngòh tötlöök tingöpngöre nö i nup vahīten minë kuntī ò.

INMEUKHÖMAT 11:6

Minhôiṅyu nan cha-a nö öpngökūö ngam halīöngö, hòṅ e nö öt kumṙah i ṙô-òtö sakāmö cha nö ahānga: minhôiṅyu cha-a inrē nö i në mak, nö vīngö u nö mahām, nö hachök ngih panam inrē tö tölëlngö kūö invah, ip töng tumheuh lōn cha.

INMEUKHÖMAT 8:8

Föö ngaich ök innët tak Ma-ahānga, ngaich angū-ö nö sā öp tökiröng rôngö tö ökti tö kūö tameūyö, ngaich suktu nö el mai: vīngöre ngaich ngam linūöi lā ngam mai nö mahām;

TANĪ-ĔL 5:23

Ngaich pöri me-eṅ hatāilö re lā-al ngam Mā ngam halīöngö; ngaich minë chūökṙen aṅ ngam patī ò nö kētu nö i kūö meh, me-eṅ hēk tö yip mā in meh inrē, tö yip pīhö meh, tö yip pīhö meh töl inrē nö òk vain nö ël u; ngaich me-eṅ ha-öiny tēv rupīö humlum inrē, mās, vët, chōn, ihong inrē, nup tötmeuk, öthang, öt-akahakūö, ngaich pöri ngam Tēv ngam tö-aṅhaṅv eltī tö unhômö meh, ngam tö-aṅhaṅvin inrē tö nup talöökö meh, nö öt eū-eu tö meh.

TANĪ-ĔL 5:21

Ngaich anga-aṅ nö ahōṙi nö ṙā-ang i tarik, ngaich vītu ök lōn ò nö sā kuilōn töṙeūla, ök elyöngö ò inrē nö holtöṙah köttö aṅ el inchōn; nyā kiyôp anga-aṅ sā kōiny nūa, nyôp inrē ök alaha ò tö tacham ngam halīöngö, hanöng saha ò nö akahalōn tö ngam Tēv Lamātulöng nö hayöng pūlngö tarik, ha-ūichlö öp lōn re inrē nö i kui e.

TANĪ-ĔL 4:37

Ngaich chu-ö, Nēpukatnēsar, ha-öiny, hapōīlö ane inrē eū ngam Rācha ngam halīöngö; kūö nuk la-en ò nö töhuveū nup talöökö ò inrē nö tölöök; ngaich cha-a yip lamök i inkeūlen re mihôiṅ anga-aṅ nö hakūöṅnngen cha.

TANĪ-ĔL 4:32

Ngaich man min ahōṙi ṙā-ang i tarik, ngaich öp elyöngö meh min nöng i nup töṙeūla el ngam kahôyö; ngaich vītuṙen min me-eṅ nyā kiyôp sā kōiny nūa; sat van nup ṙētak min nö chööḵngö kui meh hanöng saha meh haköptöre tö ngam Lamātulöng nö hayöng pūlngö tarik ngaich kētö e nö ip chūök lōn ò.

TANĪ-ĔL 4:17

Lamökten i chöngö yip amahāṅti ön ngih sācha, lamökten i ṙô yip töhet ngam chöngö, pòn hōtu yip tö-aṅ nö akahalōn tö ngam Lamātulöng nö hayöng pūlngö tarik, ngaich kētö e ip chūök lōn ò, ngaich i kui e tī nö ha-uichtö öp manā-angkūö ṙôngòng tarik.

ISIKĪ-ĔL 32:15

Hē chu vītö ngam panam Aikup nö öt aṅhaṅvkūö hē ngam panam inrē nö ahati tö nup aṅkūö re, hē chu fëlngö yip mī-iyöng in e, möl cha-a min nö akahalōn tö chu öich Mā Tēv.

ISIKĪ-ĔL 30:19

Ngatī tī chin kēken inkaha fālen i kui Aikup. Ngaich cha-a min nö akahalōn tö chu öich Mā Tēv.

ISIKĪ-ĔL 30:8

Ngaich cha-a min nö akahalōn tö chu öich Mā Tēv, hē chu öich Mā Tēv, hē chu tōttökūö Aikup tö tameūyö, ngaich ṙòkhöre yip hamòlṙen ò nö payāyi.

ISIKĪ-ĔL 29:9

Ngaich ngam panam Aikup min nö öt aṅhāṅvkūö payāyi inrē. Möl min cha-a nö akahalōn tö chu öich Mā Tēv. Pò meh ngö ṙô, Kanahngen chu an Nail, vahī chu ana,

Salmai 105:29

Vīngö nuk mak cha Anga-aṅ nö mahām: ngaich kapah nuk kāḵ cha.

Salmai 83:18

Hòṅ cha nö akahalōn tö Meh höng Me-eṅ, Öm tö minënyu tö Yāvēh Lamātulöng tö në panam nö ṙòkhöre.

Salmai 78:44

Vīten nuk tahël cha Anga-aṅ nö mahām: nuk kun tö hëm mak inrē, lökten cha nö öt kô nö òk.

2 RĀCHA 19:19

Ō Mā Tēv, Tēv ih hayööken ih man yĕh lökten, Vë-ekūö meh in, ṙā-ang eltī ò, hòṅ në taṙòkhöre pūlngö ngih panam nö akahalōn tö meh më-eṅ Tēv öm Mā Tēv, öm höng më-eṅ.

1 RĀCHA 20:28

Yihtöre ngaich ök tarik ngam Tēv nö haröhtöre ngaich vë-ekūö ök rācha aṅ Israĕl, nö ngö ṙô, Ngö ṙô An ngam Mā Tēv, Kūö yip Sīriā nö ngö ṙô, tēv yip aṅ kui rung an ngam Mā Tēv, hö-ö pöri anga-aṅ nö tēv aṅ el achāṙö; lökten chin min kēten vē tömaṙôngö nö eltī meh nö ṙòkhöre, hòṅ yīö min akahalōn tö chu, öich chū-ö Mā Tēv.

MANEUTNYI 6:7

Kē-ĕ yīö Chin min öi tarik Chu, ngaich Chū-ö min öich Tēv yīö: ngaich akahakūö min yī-ö tö Chu Öich Yāvē, Öich Tēv yīö kamënyen yīö ṙā-ang elkatòh lumngan tī yip aṅ Aikup.

MANEUTNYI 1:22

Tölṙô yik tarikre Fërō nö ngöṙô, Suktö nyīö kikōnyö tökayônyu, el ngam tahël, ṙātö yip kikānö nyīö nö aṅ.

MANEUTNYI 7:20

Ngati tī nā Môsös, nā Aròn, sā Chöngö ngam Mā Tēv; hachônglö ngam tinkungre angā-aṅ, ngaich foh minë mak el ngam tahël, nö i kūö Fërō, i kūö yik tarik ò inrē; ngaich keuheūtngöre ngam mak el ngam tahël nö vīngöre nö mahām.

MANEUTNYI 10:2

Hòṅ meh vënyö nang ap kūönre, ap kūön meh inrē, tö nuk tī Chu i kui Aikup, nuk minkahngö Chu inrē tī Chu in cha; hòṅ yīö akahalōn tö Chu Öich Chū-ö Mā Tēv.

ISIKĪ-ĔL 25:17

Kēken tökiröng chin min invāhal i kui cha holtö lanīnö chinökṙen. Ngaich cha-a min nö akahalōn tö chu öich Mā Tēv,yē chu ṙātö ngam invahal nö i kui cha.

ISIKĪ-ĔL 32:6

Hanyôpngö ngam panam chin min tö minë rôngö tö töhëm mahām meh; tööḵlö nup min talöökö mak tö meh.