MANEUTNYI 7:14 - TÖHET LĪPÖRE (Re-edited) Bible (BSI)

¹⁴ Ngaich ngö ṙô ngam Mā Tēv tö Môsös, ngëḵ ap ellōn Fërō, sōḵ ap nö hökngen yip tarik nö kiröönngöre.

MANEUTNYI 7:14 Referans Kwoze

MANEUTNYI 10:27

Hangëngö ellōn Fërō pöri ngam Mā Tēv, ngaich angā-aṅ nö öt halöngngen cha nö kiröönngöre.

MANEUTNYI 10:20

Hangëngö ellōn Fërō pöri ngam Mā Tēv, ngaich angā-aṅ nö öthalöngten yik kūön Israĕl nö kiröönngöre.

MANEUTNYI 10:1

Ngaich ngam Mā Tēv nö ngö ṙô tö Môsös, Kuṙòh chuh in Fërō man: tön hangëngö ellōn ò chin, ellōn yip tarik alaha ò inrē, hòṅ chu hameuktö në minkahngöre elṙôngö cha:

MANEUTNYI 8:15

Ngaich hē Fërō nö meūkö e nö heuh hë, hangëḵngö ellōnre angā-aṅ, ngaich öt hang ṙô cha.

HEPRĀI 12:25

Meūkö e yin, ui sōḵen ngam tö takaka ṙô. Pò cha, yē cha nö kôḵòngvah, hē cha nö sōḵ tö ò, ngam mahatūitö elnang cha nö ing panam, kôḵòngvah min ayī-ö öi möthë, öi mahavööngö kūöre tö Ò ngam mahatūinyôre nö ṙā-ang elhalīöngö:

SAKARIĀ 7:12

Hòṅ vīngö ellōn re cha-a nö sā töngëḵ ihong, pòn sōḵ nöhang ngam chöngö, minë ṙô ngam Mā Tēv yip tömaṙôngö inrē tötīntu tö ngam Fanöinylö nö löktö eltī yik mu-urĕh pròfĕt: lökten nö yih nö umuh ök yöng lanīnö aṅ im Mā Tēv yip tömaṙôngö.

YERIMIĀ 8:5

Kūöyòh aich vē tarik nö havööngökūöre nöng iṙūöhen nö heūlritre? Haköptīre yin tö inchīlö, sōḵ yin nö havantöre.

Isayā 1:20

Yē yīö pöri sōḵ ahôngen inrē, ngaich keuheūtngöre vah yī-ö min tö kūö fël: pòn ngam elvāng ngam Mā Tēv tö ṙôten e.

MANEUTNYI 10:4

Hēk, yē meh sōḵ hökngen më tarik nö kiröönngöre, yĕh meuk, kētö nup mufākö chin huṙöich, nö i kūöngö panam meh:

MANEUTNYI 9:2

Yē meh sōten cha nö kiröönngöre, öm höng ṙòngmö hòṅ Haköpö cha,

MANEUTNYI 8:2

Ngaich yē meh sōḵten cha nö kiröönngöre, yĕh meuk, keuheūtngöre nup kūöngö panam meh tö tarôṅt:

MANEUTNYI 4:23

Ngöṙô Chin tö meh. Hökngen ngam kūön chu nö kiröönngöre, hòṅ ò nö lök la-en chu: ngaich më-eṅ sōten ò nö kiröönngöre. Yĕh meuk, fëlngö ngam kūön meh chin min ngam lanòh meh.

MANEUTNYI 7:13

Hangëḵngö ellōnre ngaich ang Fërō, öt hang ṙô cha angā-aṅ; sā ṙô ngam Mā Tēv.

MANEUTNYI 7:15

Yihtöre man in Fërō ip peuheū: yĕh meuk, chuh ip mak apa; sökhak pömchö i kui ap tahël öm höngkūö ò; kēḵ ngam tinkung eltīre ngam tö vīngöre nö pēch.

MANEUTNYI 9:7

Tīnhang ngaich Fërō, tö ngamëcha, ngaich öt höng hĕng hang nòng tökapah nö i nuk nuā yik aṅ Israĕl. Ngëngö pöri ök ellōn Fërō, ngaich öt halöngngen yik tarik angā-aṅ nö kiröönngöre.

MANEUTNYI 3:19

Akahalōn chin töp rācha min aṅ Aikup nö öt halöngngen yīö min kiröönngöre, hö-ö, ötlöktö i kumlēḵ kël. Chū-ö min hateutnyö këlre, ngaich hachökö Aikup aṅtī tö nup pinngangkūö, nup tī Chu min in e: ngaich unôich tö e min angā-aṅ nö hökngen yīö kiröönngöre.

MANEUTNYI 8:11

Ṙāngen meh nun min nö ngaich minë tarôṅt, ṙā-ang patī meh, ṙā-ang i yip tarik alaha meh, ṙā-ang in yip tarik meh inrē; höngngöh nun min nöng el tahël.

MANEUTNYI 9:34

Ngaich hē Fërō nö meuk ngam kumṙah, tö ngam tökënngöre kumṙah, tö minë kunṙôkö inrē, nö ṙāngenre, ṙūölenre angā-aṅ nö köölö fālen, nö hangëngö ellōnre, tö yik tarik ò inrē.

I. CHÖNGÖ 2:30

Ngaich pöri Sīhòn ök rācha Hespòn nö öt halöngten ih lök in ò: pò ngam Mā Tēv ngam Tēv yīö nö hangë-eng ellōn ò, vīhöt ellōn ò inrē nö ahôngen, pò ò nö hòṅ kēten ò nö el tī yīö, sā e ing töngamuh.

1 SAMUĔL 6:6

Kūöyòh ṙöng öi hangëṅngö ellōnre, sā yip aṅ Aikup, Fërō inrē nö hangëṅngö ellōnre? Hē ò nö tītö pinngangkūö nö in cha, ngaich röh hòng cha-a nö hökngen yik tarik nö kiröönngöre, ngaich kiröönngöre cha-a?