MANEUTNYI 7:11 - TÖHET LĪPÖRE (Re-edited) Bible (BSI)

¹¹ Ngaich Fërō nö havëtö yik tö-akaha tarik chamòng alaha inrē; ngaich sā tī cha, achā-a inrē yik tömilūönö aṅ Aikup nö lökten i inchūṙö tö cha.

MANEUTNYI 7:11 Referans Kwoze

MANEUTNYI 7:22

Ngaich ngati tī inrē yik tömilūönö aṅ Aikup nö lökten i inchūṙô tö cha: ngëḵngöre ellōn ngaich ang Fërō, ngaich öthang ṙô cha.

2 TIMÒTĪ 3:8

Sā nā Yanes, nā Yamres inrē nö ahôngen Môsös, ngatī cha-a vē, nö ahôngen ngam kanô-en; tarik, mahachōichngen ellōnre, kamë-engre nö i tökööl, i inlaha ngam mikah.

MANEUTNYI 8:18

Ngaich ngati tī yik tömilūönö nö hachūlö nuk mirötö, hö-ö pöri nö kô: miröötu ngaich i alaha tarik, i alaha töṙeūla inrē.

MANEUTNYI 8:7

Ngaich ngati tī yik tömilūönö nö lökten i inchūṙö, ngaich kēlö nuk tarôṅt nö im panam Aikup.

2 TÖSALÒNIKĒ 2:9

Ngam tö sā tī sātān yanīhih, nö holtö minhôiṅyö, minkahngö tö minyôiny pinngangkūö inrē.

TANĪ-ĔL 2:2

Ngaich ök rācha nö tölṙô yik tömilūönö, mahachū, vamīngen, yik aṅ Kālti inrē nö havëtu nö vënyö nuk heūvö ök rācha. Lökten cha nö yih sökhaka ngaich nö i kūö ök rācha.

Ranehlö 41:8

Ngaich ngö inlahen im peuheū, ök ellōn ò nö kihngen; ngaich tīnngö mahavëken yik tömilūönö angā-aṅ aṅ Aikup, ṙòkhöre inrē yik tö-akāha tarik umuh: vë-eny ök heūvöre ngaich Fërō nö in cha; ngaich öt hĕng tak tökô nö vë-eny manah u nö in Fërō.

EFISÖS 4:14

Hòṅ hī öt sā nyīö, öi hëmngö, heuingö inrē, i inköphöti inchīlö tö tarik, i huneū-en inchōḵngö im tö vaich.

TANĪ-ĔL 5:7

Pōitô ngaich ök rācha nö hūkö kinëtö yik mahachū, yik aṅ Kāltī, tö yik yōm inkaha taneūsömat inrē. Ngö ṙô ngaich ök rācha tö yik tö-akaha tarik aṅ Pēpilön, Öp töng vamë-ekūö ngih tökūichö, hameukhömat chu inrē tö manah e, hayūtö min tö tö-amëla mat töhuṙing hilā, sayōku likeun inrē, tö humlum ngaich vīlöngö min ngih linūöyö nö mahayöng nö ing pūlngö.

KALATĪ 3:1

Ō töt akaha aṅ Kalatī, achīö öp vamīngen yīö? I kūö chīö ök Kristū nö ngāṅlnyi nö harātu?

T. MËTIV 24:24

Tön maṙôngö yip min töminyôiny Kristū, töminyôiny pròfĕt inrē; pōyen hameukti yip min tö minkahngö, pinngangkūö inrē, pòn hòṅ halō-ongkūö yip tökatöllöng tö ngam Tēv, yĕn kô.

TANĪ-ĔL 5:11

Hĕng taka öp umuh tarik ing pūlngö meh tö ma-alaha tö aṅ i yip töhet tēv. Hē nuk sakāmö ök yöng meh anga-aṅ nö kôti nö aṅhaṅv-in tö hanātö mikah elmat mikah inrē sā mikahyip tēv, ngaich ök rācha Nēpukatnēsar, ök yöng meh, nö vīlen ò nö yöngkūö tömilūönö, mahachū, aṅ Kālti, yōm inkaha tanēusömat inrē,

TANĪ-ĔL 2:27

Sapṙô ök rācha ngaich Taniĕl, Öt tarīku tö-akaha mahachū, tömilūönö, hēk inrē ma-akah taneūsömat tökô nö hameukhöti nö im rācha töp ötmikahkūö havëkö ngam rācha,

INMEUKHÖMAT 19:20

Kē-ĕ ngaich ök töṙeūla, hol ò inrē ök töminyôiny pròfĕt, ök tö tītö nuk pinngangkūö nö i kūö ò, nuk aṅtī ò nö hachīlö cha, yip töteūngen tö minkahngö ngam töṙeūla, acha-a inrē yip samlām ngam insā ò: nëtre taka cha-a ngaich nö suktu nöng aṅ nö el kūö öp tötöh tameūyö tö kūö tö töhū ihong:

2 TIMÒTĪ 3:9

Öt vāngngöröönre pöri cha-a töm tölngöre: pò ngam ötmikah cha nö hameuknyu nö i taṙòkhöre tarik, sā nup aṅ in cha min.

MANEUTNYI 7:12

Pò cha nö kavalngö nuk tinkungre, ngaich vīngöre anū-ö nö pēch; ngaich pöri ök tinkung Āròn nö lānngö nuk tinkung cha.

1 SAMUĔL 6:2

Ngaich yik Filistain nö havëtö yik kūönṙô tö yik chamòng alaha, ngaich ngö ṙô, Sitih inlahen tī öi min tö ngam kasòng ngam Mā Tēv? Hameukhömat ih töp hol e min nö söömtu nö ip chūökre.

TANĪ-ĔL 4:6

Lökten chu vītö chöngö öich hōtö yik taṙòkhöre tö-akaha tarik aṅ Pēpilön nö kētu nö i kūö chu, pò cha nö hōtu nö mikahtölōn chu tö manah ngam heūvö.

MANEUTNYI 8:3

Höng tarôṅtnyöre an min ngam tahël, nup mameutlö min, ngaich yòhlö në el patī meh, el chūök meh haṙòh, el chamam meh, el patī yip tarik meh, i alaha yip tarik meh, el tisum meh inrē, el nup tökachāvu chūök kinrāich atra inrē: