MANEUTNYI 7:10 - TÖHET LĪPÖRE (Re-edited) Bible (BSI)

¹⁰ Ngaich nā Môsös, nā Aròn, nö chuh in Fërō, ngaich ngatī chā-a, sā ṙô ngam Mā Tēv nö ṙöltô cha; kavaltö ök tinkungre ang Āròn, nö i kūö Fërō, i kūö yik tarik ò inrē, vīngöre angā-aṅ ngaich nö pēch.

MANEUTNYI 7:10 Referans Kwoze

MANEUTNYI 4:3

Ngaich ngöṙô Angā-aṅ, Sukngen ò el tumlat. Sukngen ò ngaich angā-aṅ nö el tumlat, vīngöre ngaich angā-aṅ nö pēch; falngöre ngaich Môsös tö ò.

T. LŪKÖS 10:19

Yĕh meuk; ngaich Chin kē-ĕkūö yīö tö kanô-òṅ yīö rööntökui pēch, tökanaptöritre inrē, ane inrē i kumlēḵ ngòh tökunyahaṅelmat. Öt töchökhuṙenvö min tö yīö.

T. MĀKÖS 16:18

Kēḵ pēch yip min, ane inrē yē cha nö òk tökapahukūö ngaich öt chökhukūö angū-ö tö cha, ṙātö eltīre min cha-a nö i tövahavö, ngaich lööken cha-a.

AMŌS 9:3

Pòrô cha-a inrē nö hayunngöre nö el chalòng kui Kārmel, chöhöh cha chū-ö min ngaich kēnyen cha nö ṙā-ang umuh; pòrô cha-a inrē nö nyatngö tö mat chu nö lā taṙēu tö mai, tölṙô ngam pēch chū-ö min, ngaich kāpö cha anga-aṅ min.

MANEUTNYI 7:9

Yē Fërō min nö vë-ekūö nā nö ngö ṙô, Hameuktö pinngangkūö nan: ngaich ngö ṙô min më-eṅ tö Āròn, Kēḵ ngam tinkungre man, kavalten ò i kūö Fërō, i kūö yip tarik ò inrē, ngaich vīngöre min angā-aṅ nö pēch.

MANEUTNYI 7:15

Yihtöre man in Fërō ip peuheū: yĕh meuk, chuh ip mak apa; sökhak pömchö i kui ap tahël öm höngkūö ò; kēḵ ngam tinkung eltīre ngam tö vīngöre nö pēch.

Salmai 135:9

Tīntö minkahngö Anga-aṅ, pinngangkūö inrē, nö in Meh, Ō Aikup: in Fërō, in yik tarik ò inrē nö ṙòkhöre.

MANEUTNYI 7:6

Ngaich ngatī nā Môsös, nā Āròn; sā tinöölô cha tö ngam Mā Tēv, ngatī chā-a.

MANEUTNYI 7:20

Ngati tī nā Môsös, nā Aròn, sā Chöngö ngam Mā Tēv; hachônglö ngam tinkungre angā-aṅ, ngaich foh minë mak el ngam tahël, nö i kūö Fërō, i kūö yik tarik ò inrē; ngaich keuheūtngöre ngam mak el ngam tahël nö vīngöre nö mahām.

MANEUTNYI 12:28

Ngaich kiröönngöre yik kūön Israĕl ngaich ngatī inlahen; sā tinöölô Môsös, Āròn inrē tö ngam Tēv, ngaich ngatī chā-a.