MANEUTNYI 6:7 - TÖHET LĪPÖRE (Re-edited) Bible (BSI)

⁷ Kē-ĕ yīö Chin min öi tarik Chu, ngaich Chū-ö min öich Tēv yīö: ngaich akahakūö min yī-ö tö Chu Öich Yāvē, Öich Tēv yīö kamënyen yīö ṙā-ang elkatòh lumngan tī yip aṅ Aikup.

MANEUTNYI 6:7 Referans Kwoze

I. CHÖNGÖ 29:13

Pòn hòṅ haköpngen meh anga-aṅ nö in re i ngih sakāmö öm tarik, ngaich anga-aṅ inrē nö Tēv meh, sā ṙô ò nö ngaich nö in meh, sā ṙô ò inrē ngaich nö kilēḵngô nö in yik muvöhngö yīö, in Aprahām, in Isāk, in Yāköp inrē.

I. CHÖNGÖ 7:6

Tön töhet man më-eṅ öm tarik im Mā Tēv ngam Tēv meh: katöllen meh an ngam Mā Tēv ngam Tēv meh öm tö tohngöre tarik ò, öm ṙā-ang i vē tarik nö ṙòkhöre aṅkūö ngih panam.

I. CHÖNGÖ 4:20

Kē-ĕ yīö pöri ngam Mā Tēv, ngaich kēnyen yīö ṙā-ang i kūö ök vët tameūyö, ṙā-ang Aikup, pòi hōtu tarik ò, öi amin ò, sā yīö töngamuh.

INMEUKHÖMAT 21:7

Anga-aṅ ngòh tö mihôiṅ ngaich amīnu min tö në, ngaich Tēv ò Chū-ö min, ngaich kūön Chu min inrē anga-aṅ.

I. CHÖNGÖ 26:18

Ngaich inrē nö halööknyöṙôre nö in meh töngamuh ngam Mā Tēv tö meh öm höng tarik ò sā ṙô ò nö kilēḵngôre nö in meh, tö meh inrē hōtu köptī tö nup chöngö ò;

I. CHÖNGÖ 14:2

Tön töhet man öm tarik ngam Tēv ngam Mā Tēv meh, ngaich më-eṅ atöllöngö tö ngam Mā Tēv, öm tarik ò tötohngöre, tulöng tö taṙòkhöre tarik yip aṅkūö ngam tumlat.

INMEUKHÖMAT 21:3

Ngaich chū-ö hang ök pöönyṙô töpōitô nö löknyö el ök kantēra, nö ngö ṙô, Yĕh meuk, hol tarik an ngam inrūkui ngam Tēv, ngaich Anga-aṅ min nö iyöng in cha, ngaich cha-a min nö tarik Ò, hakôtenre ngam Tēv min inrē nö in cha, nö Tēv cha:

1 PĪTÖR 2:10

Yī-ö tö rö-ö sin misī tarik, ngaich pöri öi tarik ngam Tēv töngamuh: töt teūngen sin tö inṙē-ĕl, ngaich pöri teūngen töngamuh tö inṙē-ĕl.

HEPRĀI 11:16

Ngaich pöri cha-a tö ngamuh nö lōn tö öp töngö-al panam, ngam aṅ el halīöngö: lökten ngam Tēv nö öt sirōngkūö tö cha, nö Tēv cha invëka: pòn halēnken tö hĕng Anga-aṅ elpanam cha.

RŌMA 8:31

Sitih ṙô öi pökeh min tö në? Chiāp lā-al hī yē ngam Tēv nö in hī?

T. MËTIV 22:32

Chu-ö Chin Tēv Aprahām, Tēv Isāk, Tēv Yāköp inrē. Rö-ö an ngam Tēv nö Tēv yip tökapah, tön Tēv yip tö aṅ.

SAKARIĀ 13:9

Ngaich chū-ö min kētö ngam linūöi mi-ëlö nö löknyö kūö tameūyö, ngaich halöök tit u min sā inlöök tit rupīö, ngaich kalahten u min inrē nö sā kinlahten humlum: ngaich cha-a min nö havëkö minënyö chu, ngaich hang ṙô cha chū-ö min: Ngö ṙô chin min, tarik chu yin; ngaich ngö ṙô min cha-a, Tēv chu An ngam Mā Tēv.

HŌSĪ 1:10

Sönen pöri min öp ṙôken kūön Israel ö sā kuyāyö mai, öp töt kanlahen ṙôken, öt rēhĕn nö kanṙeūken; ngaich ngö inlahen angū-ö min, nö ṙënngen ngam töṙônyu nö in cha, rö-ö yin yī-ö tarik chu, ngö pöri min ngam ṙô nö in cha, Kikōnyö yin yī-ö kūön ngam tö-aṅ Tēv.

YERIMIĀ 31:33

Ngih pöri kinlēḵngô tövī-i tö chu i patī Israel unôichrit nup sakāmö, ṙô ngam Mā Tēv: Ellōn cha tī chin min chaphöt ngam chöngöre kūchhöt e chin min nö ellōn cha; ngaich chū-ö min Tēv cha, ngaich cha-a min nö tarik chu.

Isayā 41:20

Hòṅ tarik nö meuk, nö akahalōn, nö ngëicha, ngaich holre nö akaha elmat, tö e nö ngam kël ngam Mā Tēv tötī-iv tö e, tö ngam Töhĕng Töhet inrē aṅ Israĕl nö vīten e.

Salmai 81:6

Kēngö elranôṙö Ò chū-ö tö lumngan: ṙānyu nuk kuntī Ò nö i nuk kuvôkö.

MANEUTNYI 16:12

Hang sinṙöösö ṙô yip kūön Israĕl chin: vë-ekūö cha, ngö ṙô, Kāḵ alaha yin min tö harap, tö peuheū inrē öi tööḵngen min tö rôtī; ngaich akahalōn yī-ö min tö Chu öich Mā Tēv, Tēv yīö.

MANEUTNYI 6:6

Lökten nö ngöṙô tö yip kūön Israĕl, Chū-ö Chin Yāvē, kēnyen yīö chin min ṙā-ang i nup lumngan tī yip aṅ Aikup, kēnyen yīö chin ṙā-ang el inkövö tī cha, aṅtī tö töteuthak kël min Chū-ö ṙānyen yīö, aṅtī tö öp yöng inkaha fālen inrē;

MANEUTNYI 2:11

Ngaich ngö inlahen hē nuk sakāmö anū-ö, hē Môsös nö ngaich nö pōyö, ngaich chuh i yip holre angā-aṅ, ngaich meuk nuk lumngan cha: ngaich angā-aṅ nö meuk ök aṅ Aikup, nö chökhutī tök Hīprū, ök aṅ i yik hol ò.

MANEUTNYI 16:6

Ngaich ngö ṙô nā Môsös nā Āròn tö yik kūön Israĕl nö ṙôkhöre, Ip harap, möl yī-ö min akahalōn tö ngam Mā Tēv nö kēnyen yīö ṙāngö öp panam Aikup:

LA-EN LĒVĪ 11:44

Tön Chū-ö chin Mā Tēv, Tēv meh: ahetlöre yin lökten, hòṅ yīö töhet; tön töhet Chin Chū-ö: ui rēhĕn hamumngöre öi yô-òv lökten i töreūla nup mahalöinyköre nö el tumlat.

LA-EN LĒVĪ 11:45

Tön Chū-ö Chin Mā Tēv kamënyen meh ṙā-ang ap panam Aikup, öich Tēv meh: lökten yin het, tön Töhet Chin Chū-ö.

Isayā 49:23

Harūkö meh min yip rācha nö kūön re yip rānī cha inrē nö yöngnyīö nö harūkö meh: sōntöre min cha-a nö in meh nö lā-ël tumlat kūö, ngaich kurak pitung röön meh, ngaich akahalōn min me-eṅ tö chu öich chū-ö Mā Tēv; yip hamökken chu örhō min nö sumrōngikūö.

Isayā 49:26

Ngaich chū-ö min vīten yip mahakihten meh nö kā alaha re, ngaich hiyōi min cha-a tökūö mahām re, sā hinyōyöre tökūö vāin. Ngaich ṙòkhöre min tarik nö akahalōn tö chu öich Mā Tēv mahayööken meh, ṙamānyen meh inrē, hĕng tak tökalēḵ aṅ in Yāköp.

Isayā 60:16

Pōḵ aṅteh yip pumnāmö tarik man min, pōḵ teh yip rācha man min; ngaich akahalōn min me-eṅ tö chu Mā Tēv Mahayööken meh, Ṙamānyen meh inrē, Töhĕng tak aṅ in Yāköp Tömihôiṅ:

Isayā 63:8

Pòn ngö ṙô anga-aṅ, Tārik chu tal yin vē tarik, kikōnyö kūön töthō nö michūṙen; lökten ò nö Mahayööken cha.

YERIMIĀ 30:22

Ngaich yī-ö min tarik chu, ngaich chū-ö min Tēv yīö.

ISIKĪ-ĔL 20:19

Chū-ö chin Mā Tēv öich Tēv yīö, lök i në tökūichö yin chöngö chu, ṙēmen inrē haköpkö në chöngö chu,

Ranehlö 26:3

Rahëichtaṙen iyöng i ngih panam, holtörah meh Chin min, hakôlò meh inrē; pò Chu min in meh tī, ip kūön meh inrē, Öich kētö në panam, ngaich haköpngö ngam kinlēk̠ngôre Chū-ö, ngam ṙô Chu in Aprahām ök yöng meh:

Ranehlö 28:13

Ngaich, yĕh meuk, ngam Mā Tēv nö lātulöng tö ò, ngaich ngöṙô, Chū-ö Chin Mā Tēv, Tēv Aprahām, ök kikōnyö yöng meh, Tēv Isāk inrē; ngam panam chūök meh hulalhaka, kētö e Chin in meh, ip kūön meh inrē;

MANEUTNYI 7:17

Ngö ṙô an ngam Mā Tēv, Ihih man min akahalōn tö Chu öich Chū-ö Mā Tēv: yĕh meuk, fohkö ngam mak chin min tö ngòh tinkung, ngòh eltī chu ngaich min ngam mak el ngam tahël nö vīngöre min nö mahām.

MANEUTNYI 13:3

Ngaich ngö ṙô Môsös tö yik tarik, Köpölōn tö ngih sakāmö, ngih hēnyö yīö ṙā-ang Aikup, ṙā-ang el ap patī inkövö; pòn lökten i kumlēḵ kël ngam Mā Tēv nö ṙānyen yīö ṙā-ang ip chūökö angū-ö: öt nyā-aṅ min tö-aföhlöng rôtī.

MANEUTNYI 13:14

Ngaich mīnö hē öp kūön meh min nö hatönö meh ip hē e, nö ngö ṙô, Suh öng ngih? Ngaich ngö ṙô më-eṅ min tö ò, Kēnyen ih an ngam Mā Tēv misī ṙā-ang Aikup, nö i kumlēḵ këlre, ṙā-ang el öp patī inkövö.

MANEUTNYI 14:4

Ngaich Chū-ö min hangëḵngö ellōn Fërō ngaich angā-aṅ min nö tömkörit cha; ngaich Chū-ö min kēḵ ineū-euṅre in Fërō, in yip in ò inrē kumyung nö ṙòkhöre; ngaich akahalōn min yip aṅ Aikup tö Chu Öich Chū-ö Mā Tēv, Ngaich ngatī chā-a.

MANEUTNYI 14:18

Hòṅ yip aṅ Aikup min nö akahalōn tö chu Öich Mā Tēv, yē chu min teūngen tö ineū-eure in Fërō, i nup inröl ò, in yip aṅ uk kōra ò inrē.

MANEUTNYI 15:2

Ngam Mā Tēv an kumlēḵ chu tinkökö inrē, vītöre An nö inyööken chu: Angā-aṅ An ngòh Tēv chu, ha-öinyö Ò chin min; Tēv ök muvöhngö chu, hapōilen Ò chin min.

MANEUTNYI 15:16

Fuk kui cha ngaich nganāngö pinhë-eṅkūö inrē; Iṙôkö ngam kël Meh chā-a nöng öt halöinyköre sā ihong; Ō Mā Tēv, hanöngsaha më tarik Meh nö vāngngö, më havah Meh.

KINṘEŪKÖ 15:41

Chū-ö Chin Mā Tēv, Tēv yīö kamënyen yīö ṙā-ang ap panam Aikup, Öich Tēv yīö: Chū-ö Chin Mā Tēv: Tēv yīö.

I. CHÖNGÖ 29:5

Ngaich chin fën anāi samyeūheu el tönyalnyi hachō-o yīö: öt köinyngöre nun minë hilā yīö i alaha yīö, minë kunröpö yīö inrē nö öt köinyngöre nö i kunröön yīö.

I. CHÖNGÖ 29:12

Hòn meh kuhēthötre im kinlēḵngô ngam Tēv meh ngam Mā Tēv, im töchūöku kinlēḵngô ò inrē, vahī ngam Tēv ngam Mā Tēv meh nö in meh i ngih sakāmö:

1 RĀCHA 8:60

Hòṅ vē tarik aṅkūö ngih panam nö ṙòkhöre nö akahakūö töm Mā Tēv, nöng anga-aṅ Tēv; öt ōtngöre vö tahëng.

1 RĀCHA 20:28

Yihtöre ngaich ök tarik ngam Tēv nö haröhtöre ngaich vë-ekūö ök rācha aṅ Israĕl, nö ngö ṙô, Ngö ṙô An ngam Mā Tēv, Kūö yip Sīriā nö ngö ṙô, tēv yip aṅ kui rung an ngam Mā Tēv, hö-ö pöri anga-aṅ nö tēv aṅ el achāṙö; lökten chin min kēten vē tömaṙôngö nö eltī meh nö ṙòkhöre, hòṅ yīö min akahalōn tö chu, öich chū-ö Mā Tēv.

NAHIMIĀ 1:10

Tarik Meh yin kūön alaha Meh inrē, vē töṙānyu tö ngam tökiröng minhôiṅyö Meh tökalēḵ kël Meh inrē.

Salmai 100:3

Anga-aṅ An Vamī-i hī, rö-ö in ayī-ö: tarik Ò in, pököre inrē tö ha-aṅlöng tö Ò.

Isayā 51:15

Pò chu chū-ö Mā Tēv, Tēv meh inrē, pumyavlö ngam mai lökten e nö pōitô mahūṅvö Mā Tēv yip tömaṙôngö ap minë-eny ò.