MANEUTNYI 6:6 - TÖHET LĪPÖRE (Re-edited) Bible (BSI)

⁶ Lökten nö ngöṙô tö yip kūön Israĕl, Chū-ö Chin Yāvē, kēnyen yīö chin min ṙā-ang i nup lumngan tī yip aṅ Aikup, kēnyen yīö chin ṙā-ang el inkövö tī cha, aṅtī tö töteuthak kël min Chū-ö ṙānyen yīö, aṅtī tö öp yöng inkaha fālen inrē;

MANEUTNYI 6:6 Referans Kwoze

I. CHÖNGÖ 26:8

Ngaich ngam Mā Tēv nö kēnyen ih ṙā-ang Aikup nö aṅtī tö kumlēḵ kël, aṅtī tö töteuthak kël aṅtī tö tökiröng pinhë-eṅkūö, aṅtī tö minkahngö, aṅtī tö pinngangkūö inrē:

1 KINṘÖTNGÖ 17:21

Öp yòh ap pumnāmö tarik ing tumlat tö sā vē tarik meh Israĕl, vē havah ngam Tēv nö tarik ò, vīlö ngam minë-enyre më-eṅ nö kiröng nö pinhë-eṅkūö inrē, i tī meh ahōngö yik pumnāmö tarik nö i kūö vē tarik meh vē ṙahānyö meh nö ṙā-ang Aikup?

I. CHÖNGÖ 7:8

Kūö ngam Mā Tēv pöri nö hāngenlōn tö yīö, kūö ò inrē, nö haköp öp töchūöku kinlēḵngô ò, in yik muvöhngö yīö, angū-ö lökten ngam Mā Tēv nö aṅtī tö minhôiṅyö këlre, nö ṙānyen yīö ṙā-ang el öp patī inkövö, ṙā-ang eltī Fërō ap rācha aṅ Aikup.

MANEUTNYI 7:4

Hö-ö pöri min Fërō nö hang ṙô meh, ngaich Chū-ö min kētö tīre i kui Aikup, ngaich kēnyö yip tömaṙôngö, yip tarik chu kūön Israĕl, nö ṙā-ang im panam Aikup: aṅtī tö yöng kinṙôka.

NAHIMIĀ 1:10

Tarik Meh yin kūön alaha Meh inrē, vē töṙānyu tö ngam tökiröng minhôiṅyö Meh tökalēḵ kël Meh inrē.

Salmai 81:6

Kēngö elranôṙö Ò chū-ö tö lumngan: ṙānyu nuk kuntī Ò nö i nuk kuvôkö.

I. CHÖNGÖ 15:15

Köpölōn më-eṅ töre misī töhakövö ip panam Aikup ngaich ngam Tēv ngam Mā Tēv meh nö ṙānyen meh: lökten chin tölṙô meh tö e ing sakāmö.

MANEUTNYI 15:13

I miṙēlōnre Më-eṅ hachōḵ më tarik më ṙahānyö Meh: i kumlēḵre Më-eṅ hachōḵkūö cha i ngam töhet elyöngö Meh.

MANEUTNYI 3:17

Ngaich ngöṙô chū-ö, Hòṅ kēten yīö chin i panam aṅ Kanā-an, Hitāit, Amòrāit, Perisāit, Yapusāit inrē, ap panam töhëmö aṅkūö tö aṅteh hönī inrē.

2 RĀCHA 17:36

Höng im Mā Tēv pöri, ngam kamënyen yīö ṙā-ang ip panam Aikup nö holtö tökiröng minhôiṅyö, holtö töteuthak kël inrē, anga-aṅ inrē chūök yīö sōnngöre, in ò inrē yī-ö kētö tökētu:

I. CHÖNGÖ 4:23

Haṙēmngenre pöichö, hòṅ yīö öt vaichngö tö ngam kinlēḵngô ngam Mā Tēv ngam Tēv yīö, ngam ṙô ò nö in yīö, ngaich vī insātēvre yī-ö tö tösā nup sinôḵngen yīö tö ngam Mā Tēv ngam Tēv yīö.

Isayā 9:21

Manasē Ifrēm; Ifrēm inrē Manasē: hol re cha-a min nö lā-al Yūtā, kūö në nö ṙòkhöre ngam lanīnö ò nö öt havööṙi kūö, ṙòngmö teuthak pöri ngam kël ò.

MANEUTNYI 6:29

Nö ngöṙô ngam Mā Tēv nö vë-ekūö Môsös, Chū-ö Chin Mā Tēv: ṙò-òv man in Fërō ap rācha aṅ Aikup keuheūtnyöṙôre tönup ṙô Chu in meh.

MANEUTNYI 6:8

Ngaich chū-ö min kēten ap panam yīö, ngam lökten Chu hachônglö këlre Öich kēten e in Aprahām, in Isāk, in Yāköp inrē; kētö e Chin min in yīö nö amin yīö; Chū-ö Chin Yāvē.

MANEUTNYI 6:2

Ngaich ngam Tēv nö vë-ekūö Môsös, ngöṙô tö ò, Chū-ö Chin Yāvē.

Isayā 9:12

Lā kūö yip aṅ Siria, lā unôich yip aṅ Filistain; ngaich cha-a min nö ngeūkten Israĕl nö vā-akakūö. Pòrô angū-ö ngih ngaich ngam lanīnö ò nö öt havööṙikūö, ṙòngmöng teuthak pöri ngam kël ò.

Isayā 9:17

Lökten an ngam Mā min nö öt ṙāmölōn nö in yip ṙāl tarik cha, öt rēhĕn min anga-aṅ nö aṙē-ĕlōn nö in cha yip kūönyōich cha tafīösi inrē: pòn ṙòkhöre nö chōich töla-evṙen inrē tö tötlöök, ṙòkhöre elvāng inrē nö ṙô tö kumlō-ov, kūö në nö ṙòkhöre ngam lanīnö ò nö öt havööṙikūö, ṙòngmöng teuthak pöri ngam kël ò.

INLAHEN 13:17

Katöllö yik muvöhngö hī An ngam Tēv vē tarik Israĕl; ngaich hapōilö yik tarik, hē cha nö iyöng ip panam tahëng, Aikup; aṅtī tö minhôiṅyöre Anga-aṅ nö kēḵnyen cha, nö ṙā-ang in e,

MANEUTNYI 1:11

Lökten cha nö asöklö yöngṙen töla-evṙen nö in cha, nö hakihten nö hol tī tönup lumngan cha; ngaich chā-a nö mānlö chūök chehen Fërō tö elpanam, Pitōm, Rāmsēs inrē.

MANEUTNYI 2:11

Ngaich ngö inlahen hē nuk sakāmö anū-ö, hē Môsös nö ngaich nö pōyö, ngaich chuh i yip holre angā-aṅ, ngaich meuk nuk lumngan cha: ngaich angā-aṅ nö meuk ök aṅ Aikup, nö chökhutī tök Hīprū, ök aṅ i yik hol ò.

MANEUTNYI 12:41

Ngaich ngö inlahen i kinheūṅtö töfënòng lūöi anāi samyeūheu, im sakāmö angū-ö nö teungtö kūö nö ṙòkhöre yik tarik ngam Mā Tēv nö kunyi-inyre nö ṙāngö ngam panam Aikup.

MANEUTNYI 12:51

Ngaich ngö inlahen im angū-ö sakāmö, tö ngam Mā Tēv nö kēnyö yik kūön Israĕl nö ṙòknyöre tī nö ṙā-ang panam Aikup.

MANEUTNYI 13:3

Ngaich ngö ṙô Môsös tö yik tarik, Köpölōn tö ngih sakāmö, ngih hēnyö yīö ṙā-ang Aikup, ṙā-ang el ap patī inkövö; pòn lökten i kumlēḵ kël ngam Mā Tēv nö ṙānyen yīö ṙā-ang ip chūökö angū-ö: öt nyā-aṅ min tö-aföhlöng rôtī.

MANEUTNYI 13:14

Ngaich mīnö hē öp kūön meh min nö hatönö meh ip hē e, nö ngö ṙô, Suh öng ngih? Ngaich ngö ṙô më-eṅ min tö ò, Kēnyen ih an ngam Mā Tēv misī ṙā-ang Aikup, nö i kumlēḵ këlre, ṙā-ang el öp patī inkövö.

MANEUTNYI 16:6

Ngaich ngö ṙô nā Môsös nā Āròn tö yik kūön Israĕl nö ṙôkhöre, Ip harap, möl yī-ö min akahalōn tö ngam Mā Tēv nö kēnyen yīö ṙāngö öp panam Aikup:

MANEUTNYI 18:1

Ngaich ang Yītörō, ök kūönṙô aṅ Mītia, yöng pīhö Môsös, nö hang nuk tī ngam Tēv tö pòkūö Môsös, pòkūö Israĕl inrē yik tarik ò, tö tī ngam Mā Tēv nö kēnyen Israĕl nö ṙā-ang Aikup.

I. CHÖNGÖ 4:34

Hēk inrē kalahtenre ang ngam Tēv nö kiröönngöre nö kē pumnāmö tarik nö ṙā-ang i tahëng pumnāmö tarik, nö lökten i inṙööingö, lökten i kinyūngö, lökten i minhôiṅyö kël, lökten i tökiröng pinheṅ-eṅkūö; nö sā nuk tī ngam Mā Tēv ngam Tēv yīö nö i Aikup tö pòkūö yīö nö i kūö minë mat yīö?

I. CHÖNGÖ 5:15

Hòṅ köpölōn më-eṅ inrē tö meh misī kūön alaha ip panam Aikup, ngaich ngam Mā Tēv ngam Tēv meh nö kēnyen meh ṙā-ang in e nö aṅtī töminhôiṅyö kël töteuthaka: lökten ngam Mā Tēv ngam Tēv meh nö hachöngten meh haköpkö ngam anôilö sakāmö.

I. CHÖNGÖ 6:12

Ngaich ṙēmen më-eṅ hòṅ meh öt vaichngö tö ngam Mā Tēv, ngam kamënyen meh ṙā-ang ip panam Aikup, ṙā-ang el ap patī inkövö.

YERIMIĀ 21:5

Hakôtenre chin min kiyung lā-al yīö öich teuthaka kël tö tökalēḵ kël, i tanāinyö, i inngëṅṙö, i tökiröng inrē lanīnö.

YERIMIĀ 32:21

Ngaich me-eṅ kēnyö vē tarik re Israel nö ṙā-ang panam Aikup hol tö minkahngö pinngangkūö inrē, aṅtī tö tökalēḵ kël töteuthak inrē kël, holtö Yöng pinhë-eṅkūö inrē;

MANEUTNYI 3:8

Yih chin ngaich ṙānyen cha ṙā-ang eltī yip aṅ Aikup, kēyen cha inrē ṙā-ang ap panam, nö ip tölöök panam, tökiröng inrē, öp panam töhëmö aṅkūö tö aṅteh, hönī inrē; i chūök yip Kanā-aṅ, Hitāit, Amôr, Perisāit, Hivāit, Yapusāit inrē.

MANEUTNYI 7:5

Ngaich akahahakūö min yip aṅ Aikup tö Chu öich Chū-ö Mā Tēv, yē Chu öich Chū-ö Mā Tēv, yē Chu min hateutnyö këlre i kui Aikup, Öich kēnyö yip kūönre Israĕl nö rā-ang in cha.

MANEUTNYI 13:16

Ngaich angū-ö min nö minkahngö nö i kël meh minkahngö inrē nö i māl meh, i hôi mat meh: pòn i kumlēḵ këlre ngam Mā Tēv nö kēnyen ih ṙā-ang Aikup.

MANEUTNYI 32:11

Ngaich Môsös nö vë-ekūö ngam Mā Tēv ngam Tēv ò nö hòṅ aṙētu ṙô, nö ngö ṙô, Mā Tēv, kūöyòh öng ngam lanīnö Meh nö ṙāich nö i vē tarik Meh, vē kahënyö Meh nö ṙāngö ngam panam Aikup öm hol tö minhôiṅyöre kumlēḵ këlre inrē?

I. CHÖNGÖ 7:19

Nup yöng kinlaha tömeūkö tö minë mat yīö nö ngaich, nuk minkahngö, pinngangkūö inrē, kumlēḵ kël, ngam töhateutnyu kël inrē, aṅtī ngam Tēv meh ngam Mā Tēv nö kēnyen, yīö; ngati tī an ngam Tēv yīö min ngam Mā Tēv nö in yip tarik nö ṙòkhöre yip pinhë-eṅkūö yīö.

I. CHÖNGÖ 9:29

Sönen cha-a nö tarik meh amin meh inrē, më kahënyö meh iyöng minhôinyö meh ane inrē im töhateutnyu kël meh.

I. CHÖNGÖ 11:2

Akahalōn yin yēḵ i ngih sakāmö tö chu öt vë-ekūö yip kūön yīö yip töt akahalōn, yip töt mameuk chinökṙen tö ngam Tēv yīö ngam Mā Tēv, ṙôkö ò, kumlēḵ kël ò, ngam töteuthak inrē kël ò,

1 RĀCHA 8:42

(Pò cha min nö hang ngam tökiröng minënyö meh, ngam tökalēḵ kël meh inrē tö ngam töhateutnyu kël meh;) yē ò min nö yih nö vë-ekūötēv nö kū-ötö ngih patī;

Salmai 77:16

Ō Tēv, meūkö Meh ngam mai: ngaich pa-ekūö: kichëyöre inrē ngam tö-aṙū.

Salmai 81:7

Hu-a Me-eṅ hē el kahingen, ngaich ṙānyen meh chū-ö: sapṙô Meh chin el palēt chūök kunṙôkö; kalaha Meh chin i nup mak i Meripah.

Salmai 81:11

Hö-ö pöri vē tarik chu nö hang ṙô chu: sōḵ tö chu inrē ang Israĕl.

YERIMIĀ 27:5

Chū-ö chin vamīlö ngam tumlat aṅtī tö ngam minhôiṅyö ngam töteuthaka kël chu, nö hol re tö tarik töṙeūla inrē. I kui ngih tumlat, ngaich kētö e chū-ö in ò öp tö huveū-en tö lōn chu.

ISIKĪ-ĔL 20:33

Sā chu tö-aṅ, ṙô ngam Mā Tēv, kô-en chin aṅtī tö tökalēḵ kël töteuthak kël inrē holtö lanīnö inrē ṙösnyö e, chū-ö chin min rācha i kui yīö.