MANEUTNYI 6:4 - TÖHET LĪPÖRE (Re-edited) Bible (BSI)

⁴ In cha tī pöri Chū-ö ngaich, haköpngö ngam kinlēḵngô, öich kētö ngam panam Kanā-an nö in cha, ngam panam chūök cha nö rahëichtaṙen nö iyöng.

MANEUTNYI 6:4 Referans Kwoze

Ranehlö 28:4

Kē-ĕkūö meh inrē töngam inkôlò Aprahām, in meh, ip kūön meh inrē in meh; hòṅ meh amīnu töngam panam ngam chūök meh rahëichhangkūö iyöng, ngam kahëtö ngam Tēv nö in Aprahām.

Ranehlö 15:18

Im sakāmö angū-ö ngam Mā Tēv nö Vītö kinlēḵngôṅ nö in Aprām, nö ngöṙô, ngaich Chin kēḵtö ngih panam ip kūön meh, löktökūö ngam tahël Aikup söl im tökiröng tahël Yufaritīs:

Ranehlö 26:3

Rahëichtaṙen iyöng i ngih panam, holtörah meh Chin min, hakôlò meh inrē; pò Chu min in meh tī, ip kūön meh inrē, Öich kētö në panam, ngaich haköpngö ngam kinlēk̠ngôre Chū-ö, ngam ṙô Chu in Aprahām ök yöng meh:

INLAHEN 7:5

Öt kē-ĕkūö ò ngam Tēv tö amin ò nö in e; öt rēhĕn öre nöng chūöku röön anga-aṅ. Ngaich kilēḵngôre pöri Anga-aṅ nö kētö e nö in ò, nö amin ò, i yip kūön ò inrē mu-unôich; hē ò nö öl nö kūönu.

Isayā 55:3

Asītö elnang re yin, yihtöre inrē in chu; hangihtöre hòṅ ngam nômö yīö nö aṅ; hòṅ vīten ngam töt chanuhuvṙen kinlēḵngô chin in yīö, ngam kanöpö chu, ngam tökô-en hanāngenlōn chu inrē tö Tāvit.

Salmai 105:12

Hē cha nö ṙòngmöng haroh tumtak nö tarik: hôṅ, öt ṙōl tak, öt rô-òtenvö nö i kūö e inrē.

2 SAMUĔL 23:5

Öt ngatī ngam patī chu nö im Tēv; sön anga-aṅ nö in chu nö vīten töt chanūhuvṙen kinlēḵngô i taṙòkhöre nö chöngö, haköphanga inrē: pòn ṙòkhöre anū-ö nö inyööken chu, lōn chu inrē, pòrô anga-aṅ nö öt vīten e nö sīöp.

Ranehlö 28:13

Ngaich, yĕh meuk, ngam Mā Tēv nö lātulöng tö ò, ngaich ngöṙô, Chū-ö Chin Mā Tēv, Tēv Aprahām, ök kikōnyö yöng meh, Tēv Isāk inrē; ngam panam chūök meh hulalhaka, kētö e Chin in meh, ip kūön meh inrē;

Ranehlö 23:4

Öt aṅhih chin chū-ö, ane inrē töng rahëichtaṙen iyöng in yīö: kētö chūök tī chu yin lāpngöre in yīö nö amin chu, hòṅ chu lāpngö kupahre öich hanyatngö matre.

Ranehlö 17:13

Angā-aṅ öp töfötnyu nö i patī meh, angā-aṅ inrē öp töhavaha nö ṙāi tö rupīö meh nö töhòṅ tunyīnyi: ngaich i alaha yīö min ngam kinlēḵngô.

Ranehlö 17:4

Nö ngöṙô, Chū-ö pöri, yĕh meuk, in meh an ngam kinlēḵngô Chu, kikōnyö man min yöng tömaṙôngö mumā-aṅ tarik.

Ranehlö 15:13

Ngaich ngöṙô Anga-aṅ tö Aprām, Akahalōn pömchö tö öp kūön meh min nö aṅ tahëng min nö ip töt panam cha, ngaich kūönkūö cha min, ngaich chā-a min nö hakihten cha nö eltö fënòng samyeūheu;

Ranehlö 6:18

In meh pöri min Chū-ö vītö ngam kinlēḵngôre; ngaich kuhēthötre min më-eṅ ël ngam chōng, më-eṅ, yip kūön meh nyīö kikōnyö inrē, töm pīhö meh, töyip pīhö yip kūön meh nyīö kikōnyö nö hol meh.

Ranehlö 12:7

Ngaich ngam Mā Tēv nö meūkö tö Aprām, ngaich ngöṙô, Kēḵtö ngih Chin min panam ip kūön meh: vīlö tahāklö ngam Mā Tēv ngaich angā-aṅ nö umuh, ngam tömeūkö tö ò.

Ranehlö 26:4

Ṙūölö ṙôken ap kūön meh Chin min sā taneūsömat ngam halīöngö; ngaich kē-ĕkūö ap kūön meh min tö në panam; ngaich ip kūön meh min nö ṙòkhöre vē mumā-aṅ tarik ing panam nö kanôluṙô;

KINṘEŪKÖ 10:29

Ngaich ngö ṙô Môsös tö Hōpar ök kikōnyö kūön Rakūĕl, aṅ Mītiā, kikōnyö yöng pīhö Môsös, Kiröönngöre in im chūök ṙô ngam Mā Tēv, nö ngö ṙô, Kētö e chin min in yīö: tā-a in ih man, ngaich hakôlò meh min īhö: pò ngam Mā Tēv nö löökö ṙô nö in Israĕl.

MANEUTNYI 6:8

Ngaich chū-ö min kēten ap panam yīö, ngam lökten Chu hachônglö këlre Öich kēten e in Aprahām, in Isāk, in Yāköp inrē; kētö e Chin min in yīö nö amin yīö; Chū-ö Chin Yāvē.

MANEUTNYI 13:4

Sakāmö ngòh chingëṅt ön ngih, ngòh Apip hēnyö yīö.

MANEUTNYI 13:5

Ngaich mīnö hē ngam Mā Tēv nö kēten yīö im panam aṅ Kanā-an, aṅ Hitāit, Aṅ Amôr, aṅ Hivāit; aṅ Yapus inrē, ngam kinë-eṅ kūö meh tö Ò nö chūöku ṙô nö i yik muvöhngö meh, öp panam töhëmö aṅkūö tö aṅteh hönī inrē, haköpkö ngih la-en më-eṅ min i ngòh chingëṅt.

Salmai 105:11

Nö ngö ṙô, In meh tī chin min kētö ngam panam Kanā-an, nö minchööḵö meh: