MANEUTNYI 6:3 - TÖHET LĪPÖRE (Re-edited) Bible (BSI)

³ Meūkö chin misī, tö Aprahām tö Isāk, tö Yāköp inrē, öich Tēv tökeuheūttöre Chöngö, hö-ö pöri Chū-ö öich akaha tö cha tö ngam minë-eny chu, nö Yāvē.

MANEUTNYI 6:3 Referans Kwoze

Salmai 83:18

Hòṅ cha nö akahalōn tö Meh höng Me-eṅ, Öm tö minënyu tö Yāvēh Lamātulöng tö në panam nö ṙòkhöre.

Salmai 68:4

Tikökhökūö ngam Tēv, tiköknyö nöinyö Ò: harunglö talöökö Ò, ngam lamök el tönyalnyi; Yāh ap mine-eny Ò; urēhĕkūö Ò ṙāmölōn.

MANEUTNYI 3:14

Ngaich ngöṙô ngam Tēv tö yip kūön Israĕl. Tīntu chin in yīö tö ‘Chū-ö Chin.’

Ranehlö 48:3

Ngaich Yāköp nö ngöṙô tö Yôsĕf, Meūkö an ngam Tēv tökeuheūttöre chöngö töchu nö i Lus ip panam Kanā-an, ngaich hakôlò chu,

Ranehlö 17:1

Ngaich hē Aprām nö machūötör anāi machūötör samyeūheu nö köiny, meūkö ngam Mā Tēv tö Aprām, ngaich ngöṙô tö ò, Chū-ö Chin Tēv tökeuheūttöre chöngö; lök ikūö Chu, hateūngöre më-eṅ inrē.

Isayā 44:6

Ngö ṙô An ngam Mā Tēv, ngam Rācha Israĕl ngam Mā Tēv yip tömaṙôngö Ṙamānyen ò, Chū-ö chin raneh, chū-ö inrē manā-aṅ; öt hōlu chin tö tahëng tēv.

Ranehlö 35:11

Ngaich ngöṙô ngam Tēv tö ò, Chū-ö Chin Tēv Tökeuheūttöre chöngö: mikūönlö man mikūönlö man yēḵ ṙūhölre ṙôken inrē: löklen in meh yip min pumnāmö tarik, manūlö pumnāmö tarik inrē, löknyö i ṙat meh min inrē nö yih yip rācha.

INMEUKHÖMAT 1:4

Tī Yôhan nö löö i nup tö sat māṅ nup i Āsi: Inlōnti yēḵ in yīö, lanāmö inrē, ṙā-ang in Ò, ngam töngamuh, tö ha-ehelen misī inrē, ngam yamih inrē; ṙā-ang i yip mi-ikūö ngam kantēra;

T. YÔHAN 8:58

Ngaich Yēsū nö ngö ṙô tö cha, Ngaich Chin misī, urēhĕkūö finötnyö Aprahām.

Isayā 42:8

Chū-ö chin Mā Tēv; angū-ö an minë-eny chu: hö-ö chin min kēngö ngam kanôlòre nö i tahëng, öt rēhĕn ngam nöinyö chu nö i töka-īpö insā tēv.

Ranehlö 22:14

Ngaich Aprahām nö kaheuk minënyö ök chūökö nö Yāvē chireh, sā ṙô e töngamuh, im rôngö ngam Mā Tēv ap min nö meuktuṙen.

Ranehlö 13:18

Halaingö inrūkuire ngaich Aprām, yih ngaich, ngaich iyöng inuk tarpin chōn i Mamrī, ök i Hepròn, ngaich umuh nö vīlö tahāklö ngam Mā Tēv.

Ranehlö 28:3

Hakôlò meh An ngam Tökeuheūttöre chöngö Tēv, vīten meh inrē mikūönlö, ṙūölö ṙôken meh inrē, hòṅ meh öm töpōyen tarik;

MANEUTNYI 15:3

Kumyung An ngam Mā Tēv: Mā Tēv an ngam minë-eny Ò.

MANEUTNYI 23:21

Hakūötenre yin in Ò, hang öp ṙô Ò; un harunnyu lanīnö: tön öt aṙēlö tanôichngen meh An min, pò ap minë-eny chu nö in ò.

NGAM LĪPÖRE RŪT 1:20

Ngaich ngö ṙô anga-aṅ tö cha Uh chin havëka Naōmī, Māra, ngö ṙô pöri havëken chu: tön angū-öṅvö tī an ngam Tökeuheūttöre Chööngö nö in chu.

YERIMIĀ 16:21

Lökten yĕh meuk, vīten cha chin nö akahalōn, höng hĕngtöre heuh öich vīten cha nö akahalōn tö kumlēḵ chöngö chu kumlēḵ chu inrē, ngaich akahalōn min cha-a tö ngam minë-eny chu nö ngam Mā Tēv.

YERIMIĀ 33:2

Ngö ṙô an ngam Mā Tēv ngam vamī tumlat, ngam Mā Tēv mahalēnngen e nö haköpngö e; Mā Tēv ap minë-eny ò:

ISIKĪ-ĔL 20:5

Ngö ṙô tö cha, Ngö ṙô an ngam Mā Tēv: Ik sakamö hē chu atöllen Israel, chūökuṙô chū-ö ip kūön aṅ patī Yāköp, mikahtökūö cha tö e ip panam Aikup, chūökuṙô chū-ö tö cha, öich ngö ṙô, Chū-ö chin Mā Tēv, Tēv yīö.

ISIKĪ-ĔL 37:6

Ṙātö rahēḵ chin min in yīö, vīten alaha inrē min nö sīöpnyi nö in yīö, haṙungngen yīö inrē tö uk alaha, ṙātö unhômö in yīö inrē, ngaich aṅ min yī-ö; ngaich akahalōn min yī-ö tö chu öich Mā Tēv.

ISIKĪ-ĔL 37:13

Ngaich yī-ö min akahalōn tö chu öich Mā Tēv, yē chu löpnyökūö anūlö yīö, ngaich hachohlen yīö ṙā-ang el anūlö yīö, Ō yī-ö tarik chu,