MANEUTNYI 6:13 - TÖHET LĪPÖRE (Re-edited) Bible (BSI)

¹³ Ngaich ngam Mā Tēv, nö vë-ekūö nā Môsös, nā Āròn ngaich kētö Chöngö cha nö i yip kūön Israĕl, in Fërō inrē ök rācha aṅ Aikup, nö kēnyö yik kūön Israĕl nö ṙā-ang ngam panam Aikup.

MANEUTNYI 6:13 Referans Kwoze

2 TIMÒTĪ 4:1

I kūö ngam Tēv chin, hameukhöti, i kūö Kristū Yēsū inrē, ngam kamhòkken tö aṅ, tö kapah inrē min, im mineūkö Ò, ngam pūlngö Ò inrē;

1 TIMÒTĪ 6:13

Tölṙô meh chin i kūö ngam Tēv, i kūö Kristū Yēsū inrē, ngam mī-i kūö Pòntiös Pailĕt nö hameuktö ngam tölöök inlööknyô;

1 TIMÒTĪ 5:21

Tölṙô meh chin i kūö ngam Tēv, Kristū Yēsū inrē, yip tökatöllöng ma-ahānga inrē, öm haköp nö öm um chanöku; öt kahëkuṙen tö intölten.

1 TIMÒTĪ 1:18

Kētö ngih chin chöngö in meh, me-eṅ kūön chu Timòtī, sā nup kinlēḵngô mū-urĕh nö i kui meh nö ngaich, hòṅ meh lökten in u kiyung im tölöök kinyūngö;

Salmai 91:11

Pòn kētö yip ma-aṅhānga re min Anga-aṅ nö hayōmö Meh: nö aṅten Meh nö el nup talöökö Meh.

I. CHÖNGÖ 31:14

Ngaich ngö ṙô ngam Mā Tēv tö Môsös, Yĕh meuk, yih nup sakāmö meh öm hòṅ kapah: havëten Yôsuā, umuh nā-aṅ inrē el rūkui manūlö, hòṅ chu kētö chöngö in ò. Kiröönngöre ngaich nā Môsös nāṅ Yôsuā, ngaich umuh cha-a el rūkui manūlö.

KINṘEŪKÖ 27:23

Ṙātö eltīre ngaich anga-aṅ nö i kui ò ngaich kētö chöngö ò, sā ṙô ngam Mā Tēv nö tölṙô Môsös.

2 TIMÒTĪ 2:4

Öt kumyūngu lamök ngam la-en, ma-asānngenre nö i la-en ngih nômö, pò ò nö hòṅ haṙamlōn ò ngam kamūichtö minë-eny ò nö kumyung.

1 TIMÒTĪ 6:17

Vëkö yip tökôlò nö ing panam töngamuh, hòṅ cha nö öt tulöng ellōn, hòṅ cha inrē nö öt i nup töt kamngu kanôlò ellōn nö meūka, im Tēv pöri, ngam töpōyen tī nö kētö taṙòkhöre inṙamlōn hī;

T. MËTIV 4:6

Yē Meh Öm Kūön ngam Tēv, asuktöre Man yēḵ; tön ngö kinūichngö an, “Tölṙô yip ma-ahāngare An mīnö nö mameukken Meh; hòṅ Meh öt amahaiṙen sōngtöre kunröön i ihong.”

KINṘEŪKÖ 27:19

Asöklen ò i kūö öp kūönṙô Ēliasör i kūö yip ṙôngö tarik inrē; kētö chöngö ò i kūö cha.

MANEUTNYI 6:12

Ngaich ngöṙô Môsös tö ngam Mā Tēv, Yĕh meuk, öthangṙô chu yip kūön Israĕl; sitih kanô-òṅ öp Fërō nö hangṙô chu, chū-ö töthëtö minuh?

MANEUTNYI 6:14

Vē, yöngkūö patī yik yöng cha; kūön Rūpön, ök lanòh kūön Israĕl, Hanòk, Pallu inrē, Hesròn, Karmi inrē; chā-a yin kūön Rūpön

MANEUTNYI 6:26

Chā-a yin ṙô ngam Mā Tēv, nö in nā Āròn, nā Môsös, nö ngöṙô, Kēnyö yip kūön Israĕl, nö ṙā-ang panam Aikup, sā ṙôngö cha.