MANEUTNYI 6:12 - TÖHET LĪPÖRE (Re-edited) Bible (BSI)

¹² Ngaich ngöṙô Môsös tö ngam Mā Tēv, Yĕh meuk, öthangṙô chu yip kūön Israĕl; sitih kanô-òṅ öp Fërō nö hangṙô chu, chū-ö töthëtö minuh?

MANEUTNYI 6:12 Referans Kwoze

MANEUTNYI 4:10

Ngaich Môsös nö ngöṙô tö ngam Mā Tēv, Ō Mā, hö-ö chin tösötô, ötrēhĕn chin töngamuh, ötrēhĕn misī, ik hēten Meh vë-ekūö ngòh kūönre; pò chu töha-aṅṙô töha-aṅ litāk inrē.

YERIMIĀ 1:6

Ngaich ngö ṙô chū-ö, Mah, Mā Tēv! Yĕh meuk, hö-ö chin huveū-euṙô ṙô-òv, pò chu höng ṙālö tarik.

MANEUTNYI 6:30

Ngaich Môsös nö ngöṙô nö ikūö ngam Tēv töt hëtö minuh chin, sitih inlahen öp min Fërō nö hang ṙô chu?

YERIMIĀ 6:10

In chīö ṙô öich min ṙô-òvö öich kētö mu-urĕh vine-eny-nang, hòṅ cha nö hang? Yĕh meuk löphakkūö nup elnang cha, hö-ö yin nö kô nö hang; yĕh meuk, höng minôn an ngam ṙô ngam Mā Tēv nö im cha, hö-ö yīn nö kumchīkulōn nö in e.

INLAHEN 7:51

Yī-ö tökehe likeun, töt tunyīnyi ellōn, elnang inrē; höng örheūheu yin sōḵo ngam Töhet Fanöinylö. Sā yik muvöhngö yīö misī, ngatī yī-ö.

LA-EN LĒVĪ 26:41

Ngatī Chū-ö inrē harīkngö röönre tö cha ngaich kēten cha i panam yip tökunyāha elmat tö cha: yē öp töttunyīnyi ellōn cha nö hayāichngöre, ngaich inrē cha-a nö hökngenre nö sācha tökūö nup tököölre;

MANEUTNYI 6:9

Ngaich Môsös nö vë-ekūö yik kūön Israĕl: hö-ö pöri chā-a nö hangṙô Môsös tökūö kanihngen ellōnre, kūö ngam ötlinëken inkövö.

MANEUTNYI 3:13

Ngaich Môsös nö ngöṙô tö ngam Tēv, Yĕh meuk, yē chu min yih i yip kūön Israĕl, ngaich ngöṙô tö cha, Tīntu chin töp Tēv yik yöng yīö; ngaich ngöṙô min chā-a tö chu, Achīö ap minë-eny Ò? Sitih ṙô min chū-ö ngaich tö cha?

Isayā 6:5

Ngaich ngö ṙô chū-ö, Töt kôlò chin chū-ö! Pò chu öich tököölö fālen; pò chu öich tarik töthëtö minuh, ngaich iyöng ellōn vē tarik chū-ö töt hëtö minuh: pò në mat chu nö ngaich nö meuk ngam Rācha, ngam Mā Tēv yip tömaṙôngö.

I. CHÖNGÖ 30:6

Ngaich ngam Tēv meh min ngam Mā Tēv nö tunyinyngö ellōn meh, ellōn öp kūön meh inrē, hôm hāngenlōn tö ngam Tēv re ngam Mā Tēv öm keuheūttö ellōnre, keuheūttö nômöre inrē, hôṅ meh aṅ.

MANEUTNYI 3:11

Ngaich ngöṙô Môsös tö ngam Tēv, Achīö öich chū-ö, öich chamuh in Fërō, öich kēnyö yip Israĕl nö ṙā-ang Aikup?

MANEUTNYI 4:1

Ngaich ngöṙô Môsös nö sapṙô, Yĕh meuk, hö-ö pöri min chā-a nö ṙātö ellōnre nö in chu, ötrēhĕn nö hangṙô chu: pòn ngöṙô min chā-a, Rö-ö an ngam Mā Tēv nö meūkö tö meh.

MANEUTNYI 6:13

Ngaich ngam Mā Tēv, nö vë-ekūö nā Môsös, nā Āròn ngaich kētö Chöngö cha nö i yip kūön Israĕl, in Fërō inrē ök rācha aṅ Aikup, nö kēnyö yik kūön Israĕl nö ṙā-ang ngam panam Aikup.