MANEUTNYI 6:1 - TÖHET LĪPÖRE (Re-edited) Bible (BSI)

¹ Ngaich ngöṙô ngam Mā Tēv tö Môsös, Min man meuk tī chu tö Fërō: Pò ò min nö hökngöröön cha nö aṅtī tö ngam tökalēḵ këlre, ahōnyen cha min angā-aṅ nö ṙā-ang im panam ò, nö aṅtī tö ngam tökalēḵ këlre.

MANEUTNYI 6:1 Referans Kwoze

MANEUTNYI 12:33

Kurāten yik aṅ Aikup nö i yik tarik, nö kumeūinyen cha nö ṙā-ang im panam; pòn ngö ṙô chā-a, Ṙòkhöre tarik min nö kapah.

Salmai 136:12

Hol tö kumlēḵ kël re, nö hateutnyö kël re: pò ngam miṙēlōn Ò nö örheūheu nö köp.

MANEUTNYI 12:39

Ngaich cha-a nö harang töt aföhlöng rôtī aṅ i nuk tökirāchö atra nuk kum cha nö ṙā-ang Aikup, pòn öl nö föhlö: pò cha nö kuringnyu nö ṙā-ang Aikup, ngaich ötkô nö ngöh sin, ötrēhĕn chā-a nö halēnku tö nyā-aṅkūöre.

MANEUTNYI 12:31

Havëten Môsös ngaich angā-aṅ tö hatööm Āròn inrē, ngaich ngö ṙô, Chōholre kē-ĕngre ṙā-ang i yip tarik chu, nā-aṅ nyöre tö yip tarik kūön Israĕl inrē; lök la-en ngam Mā Tēv, kuṙòh, sā ṙô nā.

I. CHÖNGÖ 32:39

Yĕh meuk öi tö chu, öich chū-ö, öich anga-aṅ, Öt tēvu umuh nö hol chu: Kapaha tī chin, ngaich öich vītö aṅ inrē; Nyahaṅv tī chin, lööken tī inrē; öt hĕng tak tökô nö ṙā-any ṙā-ang eltī chu.

MANEUTNYI 11:1

Ngaich ngö ṙô ngam Mā Tēv tö Môsös, Hĕngtöre öp plēk kahëtö Chu min i kui Fërō, i kui Aikup inrē ngaich unôichngöre min angā-aṅ nö hökngen yīö kiröönngöre ṙā-ang hih: ip hē ò min nö hökngen yīö kiröönngöre hankanringhöiny öp min tö yīö ṙòkhöre ṙā-ang ihih.

Isayā 63:12

Öt tötī-iv tö ngam tökôlò kël ò nö lök lāhāmö Môsös, ök maharēv minë mak nö i kūö cha nö vītö minë-enyre tö tötchanūhuvṙen,

Salmai 89:13

Aṅhaṅv in Man tö kël minhôiṅyö; tö kalēḵ an ngam kël Meh: tulöng inrē ngam lāhāmö Meh.

Salmai 12:5

Pò ngam nāichngen yāich, pò ngam inlöinyö chanökö töhāṅten: Ngaich chin öich choholre, ngö ṙô ngam Mā Tēv; lā im chūök öt pinlā-ngen tī chin min tö ò ngam hayëḵngen cha.

2 KINṘÖTNGÖ 20:17

Hö-ö yin min kusīktenre kiyung i ngih kinyūngö; kē chūökre yin, sök hak unhalöinyköre, ngëichkö minhôiṅyö ngam Mā Tēv nö lā in yīö, Ō Yūtā Yērusalem inrē. Ui pa-ekūö, ui ngangngö kūö inrē; huṙöich yin kunyī-inyre lā-al cha, in yīö an min ngam Mā Tēv.

2 RĀCHA 7:19

Ngaich ngö ṙô ök mākūö nö sapṙô ök tarik ngam Tēv, Yĕh meuk yē ngam Mā Tēv öre nö vī nup inkūp el halīöngö ngaich kô-òren hòng min angū-ö? Ngaich ngö ṙô, Yĕh meuk, meūkö e nun min minë mat meh, hö-ö pöri min më-eṅ nyā-aṅvkūö tö u.

2 RĀCHA 7:2

Ngaich ök mā ök chūök ök rācha nö hayönglenre nö ngö ṙô nö sapṙô ök tarik ngam Mā Tēv yēk ngam Mā Tēv öre nö vī nup inkūp el halīöngö, ngaich kô-òren hòng min angū-ö? Ngaich ngö ṙô Ēlaisa, Yĕh meuk, meūkö e nun min minë mat meh, hö-ö pöri min më-eṅ nyā-aṅvkūö tö u.

I. CHÖNGÖ 4:34

Hēk inrē kalahtenre ang ngam Tēv nö kiröönngöre nö kē pumnāmö tarik nö ṙā-ang i tahëng pumnāmö tarik, nö lökten i inṙööingö, lökten i kinyūngö, lökten i minhôiṅyö kël, lökten i tökiröng pinheṅ-eṅkūö; nö sā nuk tī ngam Mā Tēv ngam Tēv yīö nö i Aikup tö pòkūö yīö nö i kūö minë mat yīö?

KINṘEŪKÖ 23:23

Kô-en takô an Yāköp nö öt aṅhaṅv in tö milūönö, Ötrēhĕn an Israĕl nö aṅhaṅv in tö chanông alaha: Eūka an min nö in Yāköp in Israĕl inrē, Nöng tī ngam Tēv!

MANEUTNYI 14:13

Ngö ṙô ngaich ang Môsös tö yik tarik, Uh yin pa-ekūö, sökhaka ui halöinyköre, meuk ngam inyööken tī ngam Mā Tēv, ngam tī Ò min tö taheui nö chööḵnyen tö yīö; pò më aṅ Aikup më maheuṅk yīö töngamuh, hö-ö yin min meūkö cha hēk.

MANEUTNYI 13:3

Ngaich ngö ṙô Môsös tö yik tarik, Köpölōn tö ngih sakāmö, ngih hēnyö yīö ṙā-ang Aikup, ṙā-ang el ap patī inkövö; pòn lökten i kumlēḵ kël ngam Mā Tēv nö ṙānyen yīö ṙā-ang ip chūökö angū-ö: öt nyā-aṅ min tö-aföhlöng rôtī.

INLAHEN 13:17

Katöllö yik muvöhngö hī An ngam Tēv vē tarik Israĕl; ngaich hapōilö yik tarik, hē cha nö iyöng ip panam tahëng, Aikup; aṅtī tö minhôiṅyöre Anga-aṅ nö kēḵnyen cha, nö ṙā-ang in e,

MANEUTNYI 7:4

Hö-ö pöri min Fërō nö hang ṙô meh, ngaich Chū-ö min kētö tīre i kui Aikup, ngaich kēnyö yip tömaṙôngö, yip tarik chu kūön Israĕl, nö ṙā-ang im panam Aikup: aṅtī tö yöng kinṙôka.

MANEUTNYI 7:5

Ngaich akahahakūö min yip aṅ Aikup tö Chu öich Chū-ö Mā Tēv, yē Chu öich Chū-ö Mā Tēv, yē Chu min hateutnyö këlre i kui Aikup, Öich kēnyö yip kūönre Israĕl nö rā-ang in cha.

MANEUTNYI 15:6

Ō Mā Tēv, tö-ineū-euvö an ngam lā hāmö kël Meh im minhôiṅyö Meh: Ō Mā Tēv, pinyāṅchngö ngam lā-al An ngam lā hāmö kël Meh, nö panyeny.

MANEUTNYI 13:9

Minkahngö an min angū-ö nö in meh, nö i kël meh, inköpkölōn inrē nö i hôi mat meh, hòṅ ngam Chöngö ngam Tēv nö elvāng meh: pòn holtö kumlēk këlre ngam Mā Tēv nö ṙānyen meh ṙā-ang Aikup.

MANEUTNYI 13:14

Ngaich mīnö hē öp kūön meh min nö hatönö meh ip hē e, nö ngö ṙô, Suh öng ngih? Ngaich ngö ṙô më-eṅ min tö ò, Kēnyen ih an ngam Mā Tēv misī ṙā-ang Aikup, nö i kumlēḵ këlre, ṙā-ang el öp patī inkövö.

MANEUTNYI 13:16

Ngaich angū-ö min nö minkahngö nö i kël meh minkahngö inrē nö i māl meh, i hôi mat meh: pòn i kumlēḵ këlre ngam Mā Tēv nö kēnyen ih ṙā-ang Aikup.

KINṘEŪKÖ 11:23

Ngaich ngö ṙô ngam Mā Tēv tö Môsös, Cheūḵngöre rôta kël Ang ngam Mā Tēv? Meuk man yih min ngaich yē ngam ṙô chu nö teungtökūö nö in meh hēk yĕn rö-ö.

Salmai 12:6

Töhet nup ṙô ngam Mā Tēv: rupīö tö kalaha lanöökö nö i kūö ngam panam, tösat heuh inhetlö.