MANEUTNYI 5:3 - TÖHET LĪPÖRE (Re-edited) Bible (BSI)

³ Ngaich ngöṙô chā-a, meūkökūö An ngam Tēv Hīprū tö ai: vë-ekūö meh an, hökngen ih kiröönngöre el nyaṅlnyi höng lūöi sumkam rô-òlkūö, öi kētö tökētu i ngam Mā Tēv ih, hòṅ ih ötlëlngö tö tī Ò tökūö invah hēk kūö sanët.

MANEUTNYI 5:3 Referans Kwoze

MANEUTNYI 3:18

Ngaich chā-a min nö hang ṙô meh: ngaich më-eṅ yih ip rācha aṅ Aikup, tö yip mā kūö Israĕl inrē, ngaich ngöṙô min yī-ö tö ò, meūkö kūö in tö ngam Mā Tēv, ngam Tēv yip Hīprū: yĕh, vë-ekūö meh in, hökngen ih kiröönngöre el tönyaṅlnyi, lūöi sumkam rô-òlkūö, hòṅ ih kētö tökētu im Mā Tēv, ngam Tēv ih.

ISIKĪ-ĔL 6:11

Ngö ṙô an ngam Mā Tēv: Fatāk eltī re yin, tirung röönre inrē, ngö ṙô, Aōla! Kūö nup taṙòkhöre tötlöök sin-òkkūö aṅ patī Israel; pò cha min nö fukngö tökūö sanët, kūö inyāichö, kūö invah inrē tölëlngökūö.

ESRĀ 7:23

Nup töng chöngö ngam Tēv halīöngö, hökngen e nö hateūngö ṙôken nö im patī ngam Tēv halīöngö, hòṅ ngam lanīnö ò min nö öt im pūlngö ngam rācha tö yip kūön ò inrē.

2 KINṘÖTNGÖ 30:8

Uh yin töngamuh hakeh likeunre öi sā yik yöngre misī kētöre pöri im Mā Tēv, yih inrē el ngam töhet chūök ò, ngam tö-ahetlöng nöng örheūheu, ngaich lök la-en ngam Mā Tēv yīö, hòṅ ngam tökiröng tanānyö ò nö havööṙikūö tö yīö.

2 RĀCHA 17:25

Ngaich ngö inlahen angū-ö, i ranehten cha nö iyöng umuh, hö-ö cha-a nö pa-ekūö tö ngam Mā Tēv: lökten ngam Mā Tēv nö tīntö lāyön nö in cha, nuk tökapahakūö tī tö yik rēvre aṅ in cha.

I. CHÖNGÖ 28:21

Vīlö invah an min ngam Mā Tēv nö köp nö in meh, hanöng saha tī ò nö keuheūtngöre vah tī tö meh ṙā-ang im panam, öp kū-ö meh kiröönngöre öm kē-ĕ e nö amin meh.

MANEUTNYI 7:16

Ngaich ngö ṙô pömchö tö ò, Tīntu chin in meh tö ngam Mā Tēv, ngam Tēv yip Hīprū, nö ngö Ṙô, Hökngen yip tarik Chu nö kiröönngöre, hòṅ cha nö lök la-en Chu nö el nyaṅlnyi: meuk mana, tö meh höng öl hang.

MANEUTNYI 8:1

Ngaich vë-ekūö Môsös ngam Mā Tēv, Kuṙòh chuh in Fërō man ngö ṙô tö ò. Ngö ṙô An ngam Mā Tēv, Hökngen yip tarik Chu nö kiröönngöre, hòṅ cha nö lök la-en Chu.

MANEUTNYI 8:20

Ngaich ngö ṙô ngam Mā Tēv tö Môsös, Chōholre man, ka-euilö kūö tö peuheū, söklöre i kūö Fërō, yĕh meūkan nö yih nö im mak, ngö ṙô tö ò, Ngö ṙô An ngam Mā Tēv, hökngen yip tarik Chu nö kiröönngöre, hòṅ cha nö lök la-en Chu.

MANEUTNYI 8:27

Hòṅ lūöi sumkam rô-òlkūö in kiröönngöre el nyaṅlnyi, öi kētö tökētu im Mā Tēv, ngam Tēv ih sā Chöngö Ò tö ih.

LA-EN LĒVĪ 26:25

Kētöp sanët Chin min i kui yīö, ngaich havahalvah ngam kinlēḵngô; ngaich yī-ö min hamūlö ël nup el panam yīö: ngaich tīntö öp invah Chū-ö min tölëlngökūö in yīö; ngaich yī-ö min kētu eltī öp tökunyāhaṅ elmat.