MANEUTNYI 5:21 - TÖHET LĪPÖRE (Re-edited) Bible (BSI)

²¹ Ngaich ngöṙô chā-a tö cha, Ngëich tökui nā an ngam Mā Tēv kahòkken nā inrē; pò nā vītö ngam kumchikṙen ih, nö kumnyah nö elmat Fërō, elmat yip tarik ò inrē, an kētö eltī cha tö sanët nö fëlngen ih.

MANEUTNYI 5:21 Referans Kwoze

Ranehlö 34:30

Ngaich ngöṙô Yāköp tö nā Simōn nā Lēvī, Kihngen chin tö tī nā, vītu chin tö nā inngeūtö i vē aṅkūö ngih panam, i vē aṅ Kanā-an, aṅ Perisāit inrē: ngaich chū-ö töng öt ṙōl tak, hamūlöre cha-a min ngaich nö lā-al chu, ngaich fëlngen chu; keuheūtngörevah min chū-ö ngaich, chū-ö, vē aṅ patī chu inrē.

1 KINṘÖTNGÖ 19:6

Ngaich hē yik aṅ Amön nö meūköre nö kunyahavṙen tö Tāvit, ngaich Hanun tö yik aṅ Amön nö söömngö töhĕng köṅny tālen rupīö nö haṙāi inröl aṅ uk kōra inrē tarik aṅ Mesapotamia, Aramē-akah, aṅ Sōpah inrē.

2 SAMUĔL 10:6

Ngaich hē yik kūön Amön nö meūköre nö kunyaha elmat tī tö Tāvit, tīnngö ngamöönkö yik aṅ Sīriā aṅ Pĕtrehòp ngaich yik kūön Amön, tö yik aṅ Sīriā i Sōpāh nët anāi köṅny kumröön hĕng köṅny inrē yik tarik aṅ Mē-akāh nët sīön köṅny inrē yik tarik aṅ Tòp.

1 SAMUĔL 27:12

Ṙātö ellōn re ang Akis nö in Tāvit, nö ngö ṙô, Vīten re an nö hòṅ sa-òkhu tö yip tarik re Israĕl; lökten an min nö urāngen nö tarik chu.

1 SAMUĔL 13:4

Ṙòkhöre ngaich yik Israĕl nö hang tö Sôl nö ngaich nö kilöön ök chūök kumyung yik aṅ Filistain, tö yik Israĕl inrē nö tòk el mat tö yik Filistain. Hamūlöre ngaich yik tarik nö tömrit Sôl nö i Kilkāl.

MANEUTNYI 6:9

Ngaich Môsös nö vë-ekūö yik kūön Israĕl: hö-ö pöri chā-a nö hangṙô Môsös tökūö kanihngen ellōnre, kūö ngam ötlinëken inkövö.

Ranehlö 16:5

Ngaich Sārai nö ngöṙô tö Aprām, ikui meh ap yēḵ vanāchö chu: kēḵtö ngam mahalanṙenre chin kikānö elngòh meh; ngaich hē ò nö meuk tö ò nö pirūkö nyīö, miṙē-ĕyö chin ngaich ikūö ò: ngam Mā Tēv an ma-akah ihôi chu tömeh inrē.

YŌ-ĔL 2:20

Marôvat tī pöri chū-ö min ṙūöngö yip kumyung tö yīö aṅ lā kapā, ahōngen ò chin min inrē ip panam töt sīöpö aṅkūö tö öt kôlò inrē, lā kūö ò ngam lā chuhöt mai, lā uk ò inrē ngam lā sūng mai; ngaich taveūklöng min öp inngeūṅtö ò veūklö min inrē öp tinôngö ò töhangeūṅtu pò ò nö keuheūten tö nuk tökiröng la-en.

Mumkahten 10:1

Nup tökapah inṙūöi vīten ngam tötahūsa incham alaha nö hangeūṅtu tinôngö; ngatī tö rahëchyen kumlō-ov nö langan tö mikah ineū-euṅ inrē.

MANEUTNYI 14:11

Ngö ṙô chā-a tö Môsös, Kūö tö rö-ö anūlö hòng i Aikup, öm kēngen ih kapah el tönyaṅlnyi? Kūöyòh öm ngati tī tö ih, öm kēnyen ih ṙā-ang Aikup?

MANEUTNYI 4:31

Ṙātö ellōnre ngaich yik tarik: ngaich hē cha nö hang ngam Mā Tēv, tö Ò inrē nö meuk kanihngen cha, ngaich sōntö kuire chā-a nö Salām.

Ranehlö 31:53

Ihôi hā an nö akah, ngam Tēv Aprahām, Tēv Nāhōr, Tēv ök yöng cha inrē. Ngaich ang Yāköp nö chūöku ṙô nö kilēngôre lökten i pinhë-eṅkūöre tök yöngre Isāk.

MANEUTNYI 5:20

Ngaich chā-a nö höngkūö nā Môsös nā Āròn, nak samökhaka nö el talöökö, tö yanīhih cha nö ṙā-ang in Fërō:

MANEUTNYI 15:24

Ngaich yik tarik nö ngö ṙô nö siṙös ṙôre nö lā-alkūö Môsös, Suh òk öi vö min?

MANEUTNYI 16:2

Ngaich ṙòkhöre yik ṙôngö kūön Israĕl nö siṙös ṙôre nö lā-alkūö Môsös, lā-alkūö Āròn inrē nö el tönyaṅlnyi:

KINṘEŪKÖ 14:3

Angū-ö önguh lökten ngam Mā Tēv nö kēten hī i ngih panam, öi pôḵ sanët? Pôḵ fanël yin min vē pīhö hī tö vē kun kūön hī inrē; röh öi öre ĕhten havan i Aikup?

KINṘEŪKÖ 14:22

Kūö yip tarik pöri nö ṙòkhöre yip töngaich nö meuk kanôlò Chu, nuk aṅ in chu inrē minkahngö, nuk tī Chu i Aikup el inchōn inrē, söntenre pöri nö kalāha Chu söm heuh nö ngaich, öt hang ṙô Chu inrē;

Isayā 30:6

Ngam ṙô ngam Tēv i nup töṙeūla Nēkĕp, Lökten impanam kanihngen chanökö inlöinyö inrē, löktö öp kan lāyön nö yih ap kōiny lāyön inrē, töp pēch inrē, tayuk nup kanôlò re cha-a nö i neūyö nup tö-ayal köttö, nup töpōi ṙai chehen cha inrē nö i uk ūṅt, nö chuh in yip tarik yip töthōḵ nö kôlò tī tö cha.