MANEUTNYI 5:2 - TÖHET LĪPÖRE (Re-edited) Bible (BSI)

² Ngaich ngöṙô Fërō, Achīö ap Mā Tēv, öp töhòṅ hāngöṙô tö chu öich hökngen Israĕl nö kiröönngöre? Öt akahakūö chin töp Mā Tēv, hö-ö inrē hòṅ hökngen Israĕl nö kiröönngöre.

MANEUTNYI 5:2 Referans Kwoze

MANEUTNYI 3:19

Akahalōn chin töp rācha min aṅ Aikup nö öt halöngngen yīö min kiröönngöre, hö-ö, ötlöktö i kumlēḵ kël. Chū-ö min hateutnyö këlre, ngaich hachökö Aikup aṅtī tö nup pinngangkūö, nup tī Chu min in e: ngaich unôich tö e min angā-aṅ nö hökngen yīö kiröönngöre.

NGAM LĪPÖRE YŌP 21:15

Asuh ang ngam Tökeuheūt- töre Chöngö, töp lökten ih lök la-en ò? Suh öp kanôlò ih yē ih vë- ekūö ò?

2 RĀCHA 18:35

Asuh nup anū-ö nö i nup tēv në panam, nö ṙāmānyö panam re nö ṙā-ang eltī chu, töp tökten ngam Mā Tēv min nö ṙānyen Yērusalem nö ṙā-ang eltī chu?

2 TÖSALÒNIKĒ 1:8

Im töhūkūö tameūyö, kētö invahal nö in cha, yip töt akahakūö tö ngam Tēv, in cha inrē yip ma-ahôngen ngam tölöök inhangkö ngam Mā hī Yēsū:

RŌMA 1:28

Sōḵo ngam Tēv cha-a nö i mikahre, ngaich kēḵngen cha ngam Tēv nö im ötkanôlò ellōn, nö la-evṙen tö nup tö ötlöök:

T. YÔHAN 16:3

Ngatī tī yip min; pò cha nö öt akahakūö tö ngam Yöng, öt rēhĕn tö Chu.

Salmai 14:1

Ngö ṙô an ngam tökulō-ov, nö ellōnre, Öt Tēvuvö: tö-chōich yin cha-a, töla-evṙen yin tö sin-òkkūö, öt hĕng tak umuh töla-evṙen tö tölöök.

Salmai 12:4

Ngam tö ngö, Aṅtī tö litākre in min mihôiṅ: kanahngen hī nun në minuh hī: Chiāp mā i kui hī?

Salmai 10:4

Ngö ṙô an ngam tötlöök i inkeūṙökūöre: Öt havëkö e an min, öt Tēvu umuh, ngö ellōn an.

2 KINṘÖTNGÖ 32:19

Ngaich cha-a nö kakken ngam Tēv Yērusalem nö sā ṙôre tö nup tēv vē tarik aṅ ngih tumlat, nup vahīṙen kuntī tarik.

2 KINṘÖTNGÖ 32:15

Lökten töngamuh un hökiṙen Hesikia nö hachilö yīö hēk halō-ongkūö yīö nö ngatī inlahen, ui ṙātö ellōnre inrē in ò, tön öt hĕng tak tēv vē pumnāmö tarik hēk pūlngö töngaich nö kô nö ṙānyö tarikre nö ṙā-ang eltī chu, hēk ṙā-ang eltī yik yöng chu. Höichngen ngam Tēv yīö min nö ṙānyen yīö nö ṙā-ang eltī chu.

1 SAMUĔL 2:12

Ngaich nak kikōnyö kūön Ēli nö kūön sāṙen; öt akahakūö cha-a tö ngam Mā Tēv.

MANEUTNYI 7:17

Ngö ṙô an ngam Mā Tēv, Ihih man min akahalōn tö Chu öich Chū-ö Mā Tēv: yĕh meuk, fohkö ngam mak chin min tö ngòh tinkung, ngòh eltī chu ngaich min ngam mak el ngam tahël nö vīngöre min nö mahām.

KAMHÔKA 2:10

Ṙòkhöre inrē ök tumköl chap angū-ö nö hamūliyö nö in yik muvöhngö cha: tahëng ngaich yik tö-sīöplö tumkölchap unôichrit cha, yik töt akahakūö tö ngam Mā Tēv öt rēhĕn tö nuk la-en nuk tī ò nö chöönyöten tö Israel.

2 KINṘÖTNGÖ 32:14

Achīö ap i yip tēv yip pumnāmö tarik yik tö ahāti tö yik yöng chu tökô nö ṙānyö yik tarikre nö ṙā-ang eltī chu, Tö ngam Tēv yīö min nö kô nö ṙānyen yīö ṙā-ang eltī chu?

NAHIMIĀ 9:10

Ngaich tī-iv më-eṅ tö minkahngö pinngangkūö inrē öm lā-al Fërō tö yik tarik ò inrē tö yik tarik ngam panam ò inrē nö ṙòkhöre, pò meh akahalōn tö cha nö miyëṙen tö yik yöng ih; ngaich më-eṅ inrē kē minë-enyre, nö sā e ing töngamuh.

YERIMIĀ 42:13

Yē yīö pöri min ngö ṙô, Hö-ö in hòṅ höngngöh ing panam, öi ahôngö ṙô ngam Mā Tēv ngam Tēv yīö

YERIMIĀ 48:26

Mihiyōingen ò, tön hapōilöre an nö lā-al ngam Mā Tēv; hòṅ Mô-āp min nö kiyū-öre nö i kuvah re, anga-aṅ öp min inrē tö pinhëṅtukūö.

TANĪ-ĔL 3:15

Yĕh ngaich yē yīö lēn öi hangṙô ngam sinrōl, tötipö fanöö, līör, rikòn ranöng, töhayūlö kuföt fanöö, tökeuheuttöre mihëṅṙö inrē ranöng tinkökö, öi afukngöre salām ngam insā ngam vahīlö chu, lööken min yī-ö; yē yīö pöri öt salām, ilööṙen min yī-ö kavalhötvö i kūö ngam töhūkūö tameūyö; achīö ap tēv ṙāmānyen yīö min ṙā-ang eltī chu?

1 SAMUĔL 25:10

Sap ṙô yik tarik Tāvit ngaich ang Nēpòl nö ngö ṙô, Achiāp Tāvit? Achīö ap inrē kūön Yēsī? Pōyen yin vē tarik i në sakāmö töngamuh lumtòkngöre nö ṙā-ang i yöngṙen re.

NGAM LĪPÖRE YŌP 15:25

Pò ò nö hateutnyö kël re nö lā-al ngam Tēv, harāinyngö ngam Tökeuheūt- töre Chöngö inrē,

NGAM LĪPÖRE YŌP 15:26

Lā-al ò nö fal nö öt tanmālen nö kufëyö lanaklö;

Salmai 12:5

Pò ngam nāichngen yāich, pò ngam inlöinyö chanökö töhāṅten: Ngaich chin öich choholre, ngö ṙô ngam Mā Tēv; lā im chūök öt pinlā-ngen tī chin min tö ò ngam hayëḵngen cha.

INCHŌḴ-OṘÔ 30:9

Hòṅ chu öt tööḵngen, ngaich mahngen meh öich ngö ṙô, Achīö ang ngam Mā Tēv? Hēk hòṅ chu öich öt kôlò, ngaich ulāya, hachōichngö minë-eny ngam Tēv re inrē.