MANEUTNYI 5:12 - TÖHET LĪPÖRE (Re-edited) Bible (BSI)

¹² Lökten yik tarik nö kö parātṙen, keuheūt chūökre nö im panam Aikup nö hamūl kaṙālö afō.

MANEUTNYI 5:12 Referans Kwoze

1 KÒRIN 3:12

Yĕn tarīku pöri mamānlö humlum, rupīö, tö pōi ṙāi ihong, savaich, afō, kaṙālö, vòhtit, nö i kui ngam chūök rööntö machööḵlö;

NAHOM 1:10

Pòn pòrô anū-ö nö sā tövönngökūö vòknūötö, ngaich nyôp inrē tö kūö cha nö ôkö e, keuheūtngöre yip min nö hatgö sā tönyô kaṙālö sāiny.

OPĒTIĀ 1:18

Ngaich ngam patī Yāköp min nö tameūyö, ngam patī Yôsĕf inrē nö ha ūṙökūö, ngam patī Isô inrē nö kaṙālö afō, ngaich anū-ö min nö ökngö tī nö in cha, ngaich haṙāpngö u; ngaich rö-ö min tö ōtrevö nö umuh i patī Isô; pò e nö ṙô ngam Mā Tēv.

YŌ-ĔL 2:5

Sā ṙën röön inröl kumyung i kui nup rôngö anū-ö nö kumööi, sā ṙën ṙô kūö töhū kūö tameūyö öp mahaṙāpngö kaṙālö, sā tökālēḵ tarik töhaṙākö nö kiyung.

Isayā 47:14

Yĕh meuk, höng sā kaṙālö afō yip; ṙāpngö yip min tökūö tameūyö; hö-ö yip min nö ṙānyöre nö ṙā-ang i kumlēḵ kūö ngam tameūyö: hö-ö ap min nö ta-ök tameūyö nö meūi cha, öt rēhĕn nö tameūyö chūök hī kô ūichhakaṙen.

Isayā 5:24

Lökten sā ngam litāk tameūyö nö ṙāpngö kūö tö kaṙālö afō, sā tönyô kiyôp inrē nö tahömköti nö el tö hūkūö tameūyö, ngatī min öp ṙĕh cha nö sā tö chahū-uyö, öp sēt cha min inrē nö sā pintūilö pitung nö lātulöng: pò cha nö sō-o ngam chöngö ngam Mā Tēv yip tömarôngö, ha-āichngen ṙô ngam Töhĕng Töhet i Israĕl inrē.

MANEUTNYI 15:7

Ane inrē i ṙôkö lanöökö Meh Öm kuringngen cha yip chamôhòlre nö lā-al Meh: kēnyö ngam lanīnöre Më-eṅ, ngaich ṙāpngö chā-a sā kaṙālö afō.

MANEUTNYI 5:11

Hakôtenre yin yī-ö kiröönngöre, kēḵ afōre ip chūök yīö kôtökūö: öt kūöṅnngöre min nup la-en yīö.

MANEUTNYI 5:13

Kurātô yik yōm la-en nö ngöṙô, Hateung nup la-enre yin, nup la-en i töhĕng sumkam, sā nuk vahī yīö, hē yīö afōṙu.