MANEUTNYI 5:1 - TÖHET LĪPÖRE (Re-edited) Bible (BSI)

¹ Unôichngöre nā Môsös nā Āròn nö yih, ngaich ngöṙô tö Fërō, Ngöṙô an ngam Mā Tēv, ngam Tēv Israĕl, Hökngen më tarik chu nö kiröönngöre, hòṅ cha nö ip tö kiröng, nyinā-aṅ in chu nö el nyaṅlnyi.

MANEUTNYI 5:1 Referans Kwoze

MANEUTNYI 10:9

Ngaich Môsös ngö ṙô, Kiröönngöre in min holtö tö-ayal holtö tököiny inrē holtö kūönre tö kikōnyö hol tö kūönre tö kikānö inrē, holtö nup chehenre tömūl nup tö kö i mihëṅṙöre, öi kiröönngöre: pò ih hòṅ ip tökiröng sakāmö ngam Mā Tēv.

INLAHEN 4:29

Mā Tēv; ngëichkö tī cha nö pnë-elkūö, kē-ĕkūö vē kūönre Me-eṅ, hòṅ cha nö öt pinë-elkūö nö ṙô tö ngam ṙô Meh;

1 RĀCHA 21:20

Ngaich ngö ṙô Ahap tö Ĕlaicha, Kôtökūö öm tö chu, Ō më-eṅ tökunyaha elmat tö chu? Ngaich sap ṙô ò anga-aṅ, Kôtökūö chin tö meh: pò meh inyihngöre öm la-evṙen tö tötlöök i kūö ngam Mā Tēv.

MANEUTNYI 3:18

Ngaich chā-a min nö hang ṙô meh: ngaich më-eṅ yih ip rācha aṅ Aikup, tö yip mā kūö Israĕl inrē, ngaich ngöṙô min yī-ö tö ò, meūkö kūö in tö ngam Mā Tēv, ngam Tēv yip Hīprū: yĕh, vë-ekūö meh in, hökngen ih kiröönngöre el tönyaṅlnyi, lūöi sumkam rô-òlkūö, hòṅ ih kētö tökētu im Mā Tēv, ngam Tēv ih.

1 KÒRIN 5:8

Lökten ta-a töi paratīn, rö-ö nö holtö höteh tö-aföhlöng ròti, öt rēhĕn nö holtö ngam töaföhlöng sunrīkhö, ötlanöökö inrē; holtö ngam töhet pöri tötaföhlöng ròtī, töt innyatkö elmat, kanô-en inrē.

T. MËTIV 10:28

Uh yin pa-ekūö tö cha yip famël ngam alaha; ötkô pöri nö fël ngam ma-alaha. Pa-ekūö pöri tö Ò, ngam tökô-òren nö hĕnghöre fël ngam ma-alaha, alaha inrē, nö el chūök ötinkôlò,

T. MËTIV 10:18

I kūö mahayöng, i kūö rācha inrē, yī-ö min öi kētu, töpòkūö Chu; hòṅ yīö ameū-a in cha, i yip tahëng mihëṅṙö inrē.

ISIKĪ-ĔL 2:6

Me-eṅ pöri, kūön tarik, um pa-ekūö tö cha, un rēhĕn pa-ekūö tö ṙô cha, pòrô nup töchökhu kaha chōn nö in meh ūichhak me-eṅ inrē i kui nup ka-ëp; um pa-ekūö tö ṙô cha, um rēhĕn ngangngökūö tö mineūkö cha, tön patī ma-ahôngen yip.

Isayā 25:6

Ngaich i kui ngih rôngö min ngam Mā Tēv yip tömaṙôngö nö vītö nyā-aṅkūö yip tarik tö tösangööṙö alaha, tökiröng inôḵö vāin, i kui nuk kintū-ö rit, tösangöö alaha tööḵlö tösangöö eltangëḵ, nup vāin i kui kintū-örit nö tö halööktitvö.

Salmai 119:46

I kūö rācha chin min inrē kakkö në chöngö Meh:

MANEUTNYI 4:23

Ngöṙô Chin tö meh. Hökngen ngam kūön chu nö kiröönngöre, hòṅ ò nö lök la-en chu: ngaich më-eṅ sōten ò nö kiröönngöre. Yĕh meuk, fëlngö ngam kūön meh chin min ngam lanòh meh.

MANEUTNYI 6:11

Kuhēthötre nan vë-ekūö Fërō, ap rācha aṅ Aikup, hòṅ ò nö hökngen yip kūön Israĕl nö kunyī-inyre nö ṙā-ang im panam.

MANEUTNYI 6:27

Chā-a yin vē vamë-ekūö Fërō ök rācha aṅ Aikup, nö kēnyö yik Israĕl nö ṙā-ang Aikup; chā-a nā Môsös, nā Āròn.

MANEUTNYI 7:16

Ngaich ngö ṙô pömchö tö ò, Tīntu chin in meh tö ngam Mā Tēv, ngam Tēv yip Hīprū, nö ngö Ṙô, Hökngen yip tarik Chu nö kiröönngöre, hòṅ cha nö lök la-en Chu nö el nyaṅlnyi: meuk mana, tö meh höng öl hang.

MANEUTNYI 8:1

Ngaich vë-ekūö Môsös ngam Mā Tēv, Kuṙòh chuh in Fërō man ngö ṙô tö ò. Ngö ṙô An ngam Mā Tēv, Hökngen yip tarik Chu nö kiröönngöre, hòṅ cha nö lök la-en Chu.

MANEUTNYI 8:20

Ngaich ngö ṙô ngam Mā Tēv tö Môsös, Chōholre man, ka-euilö kūö tö peuheū, söklöre i kūö Fërō, yĕh meūkan nö yih nö im mak, ngö ṙô tö ò, Ngö ṙô An ngam Mā Tēv, hökngen yip tarik Chu nö kiröönngöre, hòṅ cha nö lök la-en Chu.

MANEUTNYI 33:13

Lökten yĕh, vë-ekūö meh chin yē chu tö inkôluṙô i kūö Meh, hameuktö nup talöököre man yĕh, hòṅ chu akahakūö tö meh hòṅ chu öich teūngen tö inkôlòre i kūö meh: ngëicha inrē tö vē pumnāmö tarik nö tarik meh.

MANEUTNYI 7:2

Keuheūtnyöre ṙô pömchö tö nup tinöölôre tö chu: ngaich ap mëm meh min Āròn nö vë-ekūö Fërō, hòn hökngen yip kūön Israĕl angā-aṅ nö kiröönngöre nö ṙā-ang im panam ò.

MANEUTNYI 8:16

Ngaich ngö ṙô ngam Mā Tēv tö Môsös, Ngö ṙô man tö Āròn, Kuvāilö ngam tinkungre man foh pitung el ngam tumlat, hòn mirötö nö keuheūtngöre chūök nö im panam Aikup.

MANEUTNYI 8:17

Ngaich chā-a nö ngatī, hateūtnyö këlre ngaich Āròn nö aṅ eltī tö ök tinkung, foh pitung el ngam tumlat ngaich, ngaich nuk mirötö nö i alaha tarik, i alaha töṙeūla inrē; keuheūtlöre nuk pitung ngam tumlat nö vīngöre nö mirötö im panam Aikup, nö keuheūtngöre chūök,

MANEUTNYI 8:27

Hòṅ lūöi sumkam rô-òlkūö in kiröönngöre el nyaṅlnyi, öi kētö tökētu im Mā Tēv, ngam Tēv ih sā Chöngö Ò tö ih.

MANEUTNYI 9:1

Ngaich ngam Mā Tēv nö ngö ṙô tö Môsös, Kuṙòh kuhēthötre man in Fërō, vë-eny nang ò, Ngö ṙô an ngam Mā Tēv, ngam Tēv yip Hīprū. Hökngen më tarik chu nö kiröönngöre, hòṅ cha nö lök la-en chu.

MANEUTNYI 9:2

Yē meh sōten cha nö kiröönngöre, öm höng ṙòngmö hòṅ Haköpö cha,

MANEUTNYI 10:3

Ngaich nā Môsös nā Āròn, nö chuh in Fërō, ngaich ngö ṙô tö ò, Ngö ṙô an ngam Mā Tēv, ngam Tēv yip Hīprū. Irô-òten öm min sōḵ hayāichngöre i kūö chu? Hökngen më tarik chu nö kiröönngöre, hòṅ cha nö lök la-en chu.

MANEUTNYI 10:4

Hēk, yē meh sōḵ hökngen më tarik nö kiröönngöre, yĕh meuk, kētö nup mufākö chin huṙöich, nö i kūöngö panam meh: