MANEUTNYI 40:2 - TÖHET LĪPÖRE (Re-edited) Bible (BSI)

² Asöklö ngam inrūkui ngam rūkui inmūlö pömchö ip raneh sakāmö ngam raneh chingëṅt.

MANEUTNYI 40:2 Referans Kwoze

MANEUTNYI 26:30

Ngaich me-eṅ min asöklö ngam inrūkui sā inmeukhö mat meh i kui ngam rôngö.

MANEUTNYI 13:4

Sakāmö ngòh chingëṅt ön ngih, ngòh Apip hēnyö yīö.

KINṘEŪKÖ 7:1

Ngaich ik sakāmö Môsös nö keuheūten nö asöklö ngam inrūkui, keuheūten inrē nö hachāmö e, ahetlö e inrē, ṙòkhöre nup chehen e, tök tahāklö tö nuk chūökṙen, hachāmö u ahetlö u inrē;

KINṘEŪKÖ 1:1

Ngaich ngam Mā Tēv nö vë-ekūö Môsös nö elinchōn i Sināi, nö el rūkui manūlö, im raneh sakāmö ngam innëtö chingëṅt, im innëtö samyeūheu unôichrit cha nö kunyī-inyre nö ṙāngö panam Aikup, nö ngö ṙô,

MANEUTNYI 40:6

Ane inrē më-eṅ ṙātö ngam tahāklö töföngö tökētu nö i kūö inkūp ngam inrūkui ngam rūkui inmūlö.

MANEUTNYI 36:18

Ane inrē anga-aṅ taneui anāi vahī tö mās kinvòk nö tanaptö kūö ngam rūkui nö in höö pò e nö hōtu nö hĕng.

MANEUTNYI 35:11

Ngam rūkui inmūlö ngam rūkui e, tö ngam kinṙul tö kui e inrē, kinvòk kūö e, machööḵlö, löp e inrē;

MANEUTNYI 30:36

Sōngö e min më-eṅ nö pahīöya, ngaich ṙātö e i kūö öp tökô-en inmeuktö chu min meukkūö meh: ngaich angū-ö min nö in meh nö tölngö töhet.

MANEUTNYI 27:21

El ngam rūkui manūlö, lā uk ngam ranangkūö lā kūö ngam tökô-en inmeuktö, Āròn min tö yip kūön ò inrē tö chöngu tö e nö löktökūö harap söllö peuheū nö i kūö ngam Mā Tēv: Chöngö min angū-ö nö tö-örheūheu i tumkölchap cha yip kūön Israĕl.

MANEUTNYI 26:7

Vī ranangkūö pömchö tö sanôi pököre nö rūkui ngam inrūkui: kahuksīön nup ranangkūö vahī meh min in u.

MANEUTNYI 26:1

Ane inrē me-eṅ min vī öp inrūkui nö söömö ranang ël tö hilā; nö tö hīölö kinpātö nö linen, tölingūṅ, tököinyö nganāvömat, laturë inrē, vī-i u me-eṅ min nö aṅ mat tö kërup nö vahī yip tömilichngen huneū-en tarik.

MANEUTNYI 19:1

Im linūöyö chingëṅt unôichrit yik kūön Israĕl nö kunyī-inyre nö ṙā-ang panam Aikup, im sakāmö angū-ö chā-a nö sölta ip tönyaṅlnyi i Sināi.

MANEUTNYI 40:1

Ngaich ngö ṙô ngam Mā Tēv nö vë-ekūö Môsös,

KINṘEŪKÖ 9:1

Ngaich ngam Mā Tēv nö vë-ekūö Môsös nö el inchōn i Sināi, ip raneh chingëṅt ngam innët samyeūheu unôichrit cha nö ṙāḵngö ngam panam Aikup, nö ngö ṙô,

KINṘEŪKÖ 9:15

Im sakāmö ngam inrūkui nö asöklöng ngaich öp taṙul nö hayattö kui ngam inrūkui, ngam rūkui minkahngö kanô-en: ngaich im harap angū-ö nö i kui ngam inrūkui nö sā mineūkö tameūyö, tölngö peuheū.

1 KINṘÖTNGÖ 17:5

Tön rö-ö chin iyöng elpatī hēten tö ök sakāmö chu hachōnyen Israĕl söl ing töngamuh, ngaich pöri chū-ö kiröönngöre löktökūö ngih rūkui söl i ngī-aṅ rūkui löktökūö ngih elyöngö inrē söl i ngī-aṅ elyöngö.

2 KINṘÖTNGÖ 29:3

Ik raneh samyeūheu ò nö hayöng ik raneh chingëṅt, löpnyö kūö nuk inkūp ök patī ngam Mā Tēv anga-aṅ ngaich vītit u.

ISIKĪ-ĔL 40:1

Im tönët anāi taneui samyeūheu inhötngö ih, i raneh tökūö ngam samyeūheu, im sinöm sumkam ngam chingëṅt, im finën sīön samyēuheu unôichrit ngam elpanam nö kô-òngvah, im angū-ö sakāmö, ngam kël ngam Mā Tēv nö i kui chu,

ISIKĪ-ĔL 45:18

Ngö ṙô an ngam Mā Tēv: Im raneh chingëṅt, im raneh sakāmö ngam chingëṅt, hĕng nòng kahëḵ yī-ö min tö tö-ayal kōiny nuā töt vāhav alaha, ahet ngam töhet chūök inrē.