MANEUTNYI 4:5 - TÖHET LĪPÖRE (Re-edited) Bible (BSI)

⁵ Hòṅ cha nö ṙātö ellōnre tö ngam Mā Tēv, ngam Tēv yik yöng cha, Tēv Aprahām, Tēv Isāk, Tēv Yāköp inrē, nö meūkö tö meh.

MANEUTNYI 4:5 Referans Kwoze

MANEUTNYI 19:9

Ngaich ngö ṙô ngam Mā Tēv tö Môsös, Yĕh meuk, yih Chin in meh el ap tökufëi taṙul, hòṅ më tarik nö hang ṙô Chu vë-ekūö meh, hòṅ cha inrē nö örheūheu nö ṙātö ellōnre nö in meh. Ngaich Môsös nö vë-eny nuk ṙô yik tarik nö i ngam Mā Tēv.

MANEUTNYI 3:15

Ngöṙô inrē ngam Tēv tö Môsös, Ngöṙô man tö yip Israĕl, Tīntu chin in yīö tö ngam Mā Tēv, Tēv yik yöng yīö, Tēv Aprahām, Tēv Isāk, Tēv Yāköp inrē: angū-ö an minë-eny chu nö örheūheu, angū-ö an inköpkölōn tö Chu i tumköl chap.

Ranehlö 48:3

Ngaich Yāköp nö ngöṙô tö Yôsĕf, Meūkö an ngam Tēv tökeuheūttöre chöngö töchu nö i Lus ip panam Kanā-an, ngaich hakôlò chu,

Ranehlö 26:2

Ngaich ngam Mā Tēv nö meūkö tö ò, ngaich ngöṙô, Uhman chuh Aikup; iyöng im panam ngam ṙô Chu tö mehː

Ranehlö 18:1

Ngaich ngam Mā Tēv nö meūkö tö ò i nup chōn tarpin i Mamrī, isaha ò nö ūichhaka nö ikūö inkūp inrūkui hē ṙānāchö ngam sakāmö; hachônglö matre ngaich angā-aṅ, ngaich meuk.

Ranehlö 12:7

Ngaich ngam Mā Tēv nö meūkö tö Aprām, ngaich ngöṙô, Kēḵtö ngih Chin min panam ip kūön meh: vīlö tahāklö ngam Mā Tēv ngaich angā-aṅ nö umuh, ngam tömeūkö tö ò.

T. YÔHAN 11:42

Akahalōn Chin tö Meh tö-örheūheu hang ṙô Chu; kūö vē tömaṙôngö pöri samökhaka, nö havīlen Chu, Öich ngatī ṙô; hòṅ cha nö ṙātö ellōnre tö Chu öich tīntu tö Meh.

MANEUTNYI 4:31

Ṙātö ellōnre ngaich yik tarik: ngaich hē cha nö hang ngam Mā Tēv, tö Ò inrē nö meuk kanihngen cha, ngaich sōntö kuire chā-a nö Salām.

INLAHEN 7:2

Ngaich ngö ṙô anga-aṅ, Kahōlö, kayöngö inrē; hangihtöre. Meūkö An ngam tökôlò Tēv, tök yöng hī Aprahām, hē ò nö i Mesapotamīa; urēhĕkūö ò nö iyöng Haran;

T. YÔHAN 20:31

Kūichyö pöri në, hòṅ yīö ṙātö ellōnre tö Yēsū nö Kristū, ngam Kūön ngam Tēv, hòṅ yīö inrē, lökten im ṙinātö ellōnre i Mine-eny Ò, öi nômuvö.

T. YÔHAN 20:27

Ngaich ngö ṙô Anga-aṅ tö Tômös, Ṙēptö kuntīre man ihih; ngëichkö eltī Chu, ṙēptö tīre inrē, sëphöt tīre i elkël Chu. Um öt mikahavö; ṙātö ellōnre pöri.

T. YÔHAN 11:15

Ṙāmölōn Chū-ö töre öt umuh, töpò kūö yīö; hòṅ yīö ṙātö ellōnre, Ta-a, töi ngaich Chuh in ò.

T. YÔHAN 5:36

Mööḵlö pöri ngam ineūkö Chu, tö ngam aheūkö Yôhan; pò në la-en në kahëtö ngam Yöng Chu la-en Chu, minë la-en Chu ameū-a tö Chu tīntu tö ngam Yöng.

YERIMIĀ 31:3

Meūkö ngam Mā Tēv tö ò nö marôvat, hāngenlōn chin tö meh tö ngam töt chanūhuvṙen hanāngenlōn, lökten öich iṙuhen tö ngam kanô-en chu in Meh.

Isayā 7:9

Samariā inrē kui Ifrēm öp kikōnyö inrē kūön Ramalaya kui Samariā. Yē yīö öt ṙatö ellōn re, öthō yin min köp.

2 KINṘÖTNGÖ 20:20

Choholre cha-a ngaich nö ka-euilö kūö tö peuheū ngaich kunyī-inyre nö chuh ik tönyalnyi i Tēkōā; ngaich hē cha nö kiröönngöre, söklöre ngaich Yēhōsafāt nö ngö ṙô, Hang ṙô chu, Yūtā aṅ Yērusalem inrē! Ṙātö ellōnre yin im Mā Tēv ngam Tēv yīö, ngaich yī-ö min öt hanlöinyken; ṙātö ellōnre in yip pròfĕt ò, ngaich teunglen min yī-ö.

MANEUTNYI 4:1

Ngaich ngöṙô Môsös nö sapṙô, Yĕh meuk, hö-ö pöri min chā-a nö ṙātö ellōnre nö in chu, ötrēhĕn nö hangṙô chu: pòn ngöṙô min chā-a, Rö-ö an ngam Mā Tēv nö meūkö tö meh.

MANEUTNYI 3:18

Ngaich chā-a min nö hang ṙô meh: ngaich më-eṅ yih ip rācha aṅ Aikup, tö yip mā kūö Israĕl inrē, ngaich ngöṙô min yī-ö tö ò, meūkö kūö in tö ngam Mā Tēv, ngam Tēv yip Hīprū: yĕh, vë-ekūö meh in, hökngen ih kiröönngöre el tönyaṅlnyi, lūöi sumkam rô-òlkūö, hòṅ ih kētö tökētu im Mā Tēv, ngam Tēv ih.

MANEUTNYI 3:6

Hēk inrē angā-aṅ nö ngöṙô, Chū-ö Chin Tēv ök yöng meh, Tēv Aprahām, Tēv Isak, Tēv Yāköp inrē. Hanyatngö kūöre ngaich Môsös; pò ò nö hatīönkö ngam Tēv.

Ranehlö 17:1

Ngaich hē Aprām nö machūötör anāi machūötör samyeūheu nö köiny, meūkö ngam Mā Tēv tö Aprām, ngaich ngöṙô tö ò, Chū-ö Chin Tēv tökeuheūttöre chöngö; lök ikūö Chu, hateūngöre më-eṅ inrē.

HEPRĀI 11:16

Ngaich pöri cha-a tö ngamuh nö lōn tö öp töngö-al panam, ngam aṅ el halīöngö: lökten ngam Tēv nö öt sirōngkūö tö cha, nö Tēv cha invëka: pòn halēnken tö hĕng Anga-aṅ elpanam cha.

Ranehlö 28:13

Ngaich, yĕh meuk, ngam Mā Tēv nö lātulöng tö ò, ngaich ngöṙô, Chū-ö Chin Mā Tēv, Tēv Aprahām, ök kikōnyö yöng meh, Tēv Isāk inrē; ngam panam chūök meh hulalhaka, kētö e Chin in meh, ip kūön meh inrē;

Ranehlö 48:15

Hakôlò Yôsĕf ngaich angā-aṅ, nö ngöṙô, Ngam Tēv ngam tölöökö kūö tī tö nak yöng chu, Aprahām, Isāk inrē, ngam Tēv maha-aṅlen chu i rô-òtö nômö chu, söl ing töngamuh,

MANEUTNYI 3:4

Ngaich hē ngam Mā Tēv, nö meūkan nö havāngngöre nö ngëcha, löknyö el ngam töyul ṙô ngaich ngam Tēv, nö havëken ò nö ngöṙô, Môsös, Môsös. Ihih chini, ngöṙô ngaich angā-aṅ.

MANEUTNYI 3:16

Kuṙòh, hamūl yip mā i Israĕl, ngöṙô tö cha, meūkö an tö chu Ngam Mā Tēv, ngam Tēv yik yöng yīö, Tēv Aprahām, Isāk, Yāköp inrē, ngöṙô an tö chu, Chöhken yīö chini, meuk nup inlanken yīö chin i Aikup:

MANEUTNYI 4:4

Ngaich ngöṙô ngam Mā Tēv tö ò, Hateutnyö këlre man, kē rit ò. (Hateutnyö këlre ngaich angā-aṅ, ngaich kē an, ngaich vīngöre angā-aṅ nö tinkung nö eltī ò:)

1 RĀCHA 18:36

Ngaich ngö inlahen angū-ö i ṙētak öp tökētu tö harap, yihtöre ang Ĕlaicha ök pròfĕt nö haröhtöre, ngaich ngö ṙô, Ō Mā Tēv, Tēv Aprahām, Isak, Israĕl inrē, hökngen e töngamuh nö mikahlōn tö ngam Tēv nö in Israĕl, tö chu inrē chū-ö öich tarik meh, tö chu inrē öich ngatī tī tö u i ṙô meh.