MANEUTNYI 4:23 - TÖHET LĪPÖRE (Re-edited) Bible (BSI)

²³ Ngöṙô Chin tö meh. Hökngen ngam kūön chu nö kiröönngöre, hòṅ ò nö lök la-en chu: ngaich më-eṅ sōten ò nö kiröönngöre. Yĕh meuk, fëlngö ngam kūön meh chin min ngam lanòh meh.

MANEUTNYI 4:23 Referans Kwoze

MANEUTNYI 12:29

Ngaich ngö inlahen ik chūöl hatööm, ngam Mā Tēv nö hachök yik lanòh nö ṙòkhöre im panam Aikup, löktökūö lanòh nö in Fërō ök amūichhak nö el kantēra rācha, söl i lanòh tö Hakövö ap me-el kinlēḵngô inkövö; ṙòkhöre lanòh nuā inrē.

MANEUTNYI 11:5

Ngaich ṙòkngöre vah yip lanòh min im panam Aikup nö kapah, löktökuö öp lanòh Fërō öp amūichhak nö el kantēra rācha, söl ip lanòh öp kūön alaha ò kikānö öp lamārit öp kinṙīöt atra; ṙòkhöre nup lanòh inrē.

Salmai 135:8

Ngam tö kapaha tī tö yik lanòh i Aikup: tarik, hĕnghöre töṙeūla inrē.

Salmai 105:36

Halëlngö yik lanòh Anga-aṅ nö ṙòkhöre i panam cha: yik yöngkūö kumlēḵ cha.

Salmai 78:51

Ṙòkhöre yik lanòh nö fëli i Aikup: yik yöngkūö kumlēḵ cha nö el inrūkui Hem.

MANEUTNYI 7:16

Ngaich ngö ṙô pömchö tö ò, Tīntu chin in meh tö ngam Mā Tēv, ngam Tēv yip Hīprū, nö ngö Ṙô, Hökngen yip tarik Chu nö kiröönngöre, hòṅ cha nö lök la-en Chu nö el nyaṅlnyi: meuk mana, tö meh höng öl hang.

MANEUTNYI 5:1

Unôichngöre nā Môsös nā Āròn nö yih, ngaich ngöṙô tö Fërō, Ngöṙô an ngam Mā Tēv, ngam Tēv Israĕl, Hökngen më tarik chu nö kiröönngöre, hòṅ cha nö ip tö kiröng, nyinā-aṅ in chu nö el nyaṅlnyi.

MANEUTNYI 6:11

Kuhēthötre nan vë-ekūö Fërō, ap rācha aṅ Aikup, hòṅ ò nö hökngen yip kūön Israĕl nö kunyī-inyre nö ṙā-ang im panam.

MANEUTNYI 8:1

Ngaich vë-ekūö Môsös ngam Mā Tēv, Kuṙòh chuh in Fërō man ngö ṙô tö ò. Ngö ṙô An ngam Mā Tēv, Hökngen yip tarik Chu nö kiröönngöre, hòṅ cha nö lök la-en Chu.

MANEUTNYI 8:20

Ngaich ngö ṙô ngam Mā Tēv tö Môsös, Chōholre man, ka-euilö kūö tö peuheū, söklöre i kūö Fërō, yĕh meūkan nö yih nö im mak, ngö ṙô tö ò, Ngö ṙô An ngam Mā Tēv, hökngen yip tarik Chu nö kiröönngöre, hòṅ cha nö lök la-en Chu.

MANEUTNYI 9:1

Ngaich ngam Mā Tēv nö ngö ṙô tö Môsös, Kuṙòh kuhēthötre man in Fërō, vë-eny nang ò, Ngö ṙô an ngam Mā Tēv, ngam Tēv yip Hīprū. Hökngen më tarik chu nö kiröönngöre, hòṅ cha nö lök la-en chu.

MANEUTNYI 9:13

Ngaich ngö ṙô ngam Mā Tēv tö Môsös, ka-euilö kūö man choholre ip peuheū, söklöre öm i kūö Fërō, ngö ṙô tö ò, Ngö ṙô An ngam Mā Tēv, ngam Tēv yip Hīprū, hökngen më tarik Chu nö kiröönngöre hòṅ cha nö lök la-en Chu.

MANEUTNYI 10:3

Ngaich nā Môsös nā Āròn, nö chuh in Fërō, ngaich ngö ṙô tö ò, Ngö ṙô an ngam Mā Tēv, ngam Tēv yip Hīprū. Irô-òten öm min sōḵ hayāichngöre i kūö chu? Hökngen më tarik chu nö kiröönngöre, hòṅ cha nö lök la-en chu.

MANEUTNYI 18:8

Ngaich ang Môsös nö vë-eny nang ök yöng pīhöre tö nuk tī ngam Mā Tēv nö in Fërō in yik aṅ Aikup inrē tö pôkūö Israĕl, ṙòknyöre ṙô tö kanihngen nuk tameunghö kui cha nö el talöökö, tö tī ngam Tēv inrē nö ṙānyen cha.

Salmai 136:10

In cha ngam famòhtö kui Aikup tö yik lanòh cha: pò ngam miṙēlōn Ò nö örheūheu nö köp.

HŌSĪ 11:1

Hē Israel misī nö nyīö, ngaich chū-ö hāngenlōn tö ò, ngaich havënyö ngam kūön re kikōnyö nö ṙā-ang Aikup.

MANEUTNYI 3:18

Ngaich chā-a min nö hang ṙô meh: ngaich më-eṅ yih ip rācha aṅ Aikup, tö yip mā kūö Israĕl inrē, ngaich ngöṙô min yī-ö tö ò, meūkö kūö in tö ngam Mā Tēv, ngam Tēv yip Hīprū: yĕh, vë-ekūö meh in, hökngen ih kiröönngöre el tönyaṅlnyi, lūöi sumkam rô-òlkūö, hòṅ ih kētö tökētu im Mā Tēv, ngam Tēv ih.

MANEUTNYI 8:16

Ngaich ngö ṙô ngam Mā Tēv tö Môsös, Ngö ṙô man tö Āròn, Kuvāilö ngam tinkungre man foh pitung el ngam tumlat, hòn mirötö nö keuheūtngöre chūök nö im panam Aikup.

MANEUTNYI 8:17

Ngaich chā-a nö ngatī, hateūtnyö këlre ngaich Āròn nö aṅ eltī tö ök tinkung, foh pitung el ngam tumlat ngaich, ngaich nuk mirötö nö i alaha tarik, i alaha töṙeūla inrē; keuheūtlöre nuk pitung ngam tumlat nö vīngöre nö mirötö im panam Aikup, nö keuheūtngöre chūök,

MANEUTNYI 9:2

Yē meh sōten cha nö kiröönngöre, öm höng ṙòngmö hòṅ Haköpö cha,

MANEUTNYI 10:4

Hēk, yē meh sōḵ hökngen më tarik nö kiröönngöre, yĕh meuk, kētö nup mufākö chin huṙöich, nö i kūöngö panam meh:

MANEUTNYI 13:15

Ngaich angū-ö hē Fërō nö öt halöngngen ih kiröönngöre ngaich ngam Mā Tēv nö kapahatī tö yik lanòh nö ṙòkhöre im panam Aikup, hĕnghöre lanòh tarik, lanòh töṙeūla inrē: lökten chin kētö tökētu im Mā Tēv tö nup kōiny lamöpnyö kūö chūök kanūönö; ṙòkhöre pöri yip lanòh kūön tarik kikōnyö kūön chu nö haṙëni tö chu.