MANEUTNYI 4:22 - TÖHET LĪPÖRE (Re-edited) Bible (BSI)

²² Ngaich ngöṙô min më-eṅ tö Fërō, Ngöṙô an ngam Mā Tēv, Kūön chu an Israĕl, lanòh chu:

MANEUTNYI 4:22 Referans Kwoze

HŌSĪ 11:1

Hē Israel misī nö nyīö, ngaich chū-ö hāngenlōn tö ò, ngaich havënyö ngam kūön re kikōnyö nö ṙā-ang Aikup.

RŌMA 9:4

Yip aṅ Israĕl; yip tö inrukluvö, tö kanôlòvö, minë chöngö inrē, ngam kinëtö chöngö inrē, ngam linökö la-en ngam Tēv inrē, tö minë kinlēḵngô;

HEPRĀI 12:23

Im manūlö ane inrē māṅ ngam lanòh, yip tö kūichi nö el halīöngö, im Tēv ngam kamhòkken taṙòkhöre, i yip ma-alaha yip tarik tövītu nö teungten,

YERIMIĀ 31:9

Yih yip min nö holtö pineūnyö, holtö inṙamlōn inrē min chū-ö hachōḵten, cha hēk, vīten cha chin min nö lök ël töhëm mak, ip töchip talöökö ël e min cha-a nö öt kavē-ĕre; pò chu öich yöng Israel, Ifrēm inrē lanòh nö kūon chu.

Isayā 64:8

Töngamuh pöri me-eṅ ngaich Yöng ih, Ō Mā Tēv; tilin in īhö vamī tanīöyö me-eṅ; ṙòkhöre in īhö vahī minë kuntī meh.

Isayā 63:16

Pò meh me-eṅ yöng ih, pòrô Aprahām nö öt akahakūö tö ih rö-ö inrē Israĕl nö akahngen ih: Ō Mā Tēv me-eṅ man Yöng ih, Ṙāmānyen ih lamöktökūö misī ngam minë-eny meh.

I. CHÖNGÖ 14:1

Kūön ngam Tēv re yin ngam Mā Tēv: uh yin kūichnyö alahare, ui rēhĕn kuhākngö hôi matre hē el kupah.

YĀKÖP 1:18

Pò e nö lōn Ò, nö kētö nômö hī, i ngam ṙô kanô-en, hòṅ hī ayī-ö, sā ranehlòng vahī-il Ò.

2 KÒRIN 6:18

Yöng yīö chin min, ngaich yī-ö sā kūön chu tö kikōnyö, kikānö inrē, ngö ṙô ngam Mā Tēv Tökeuheūttöre Chöngö?

T. MËTIV 2:15

In e cha-a ngaich nöngngöh, hanöng saha kinpaha Hērôt; hòn kinheūṅtngen e ngam ṙô ngam Mā Tēv, nö ip pròfĕt, nö ngö ṙô, “Ṙā-ang i Aikup ṙô Chin havëkö ngam Kūön re.”

MANEUTNYI 6:11

Kuhēthötre nan vë-ekūö Fërō, ap rācha aṅ Aikup, hòṅ ò nö hökngen yip kūön Israĕl nö kunyī-inyre nö ṙā-ang im panam.

MANEUTNYI 7:16

Ngaich ngö ṙô pömchö tö ò, Tīntu chin in meh tö ngam Mā Tēv, ngam Tēv yip Hīprū, nö ngö Ṙô, Hökngen yip tarik Chu nö kiröönngöre, hòṅ cha nö lök la-en Chu nö el nyaṅlnyi: meuk mana, tö meh höng öl hang.

Salmai 89:27

Vīten Ò chū-ö inrē nö lanòh chu: tö marô-òlchūök tö yip rācha ngih panam.

I. CHÖNGÖ 32:6

Ngatī öyih havahal im Mā Tēv, Ō tökulō-ov tarik töt akaha inrē? Hö-ö ang nö yöng meh ngam mahavaha meh? Vahīlö ò më-eṅ, haköpi inrē më-eṅ?

YERIMIĀ 2:14

Töhakövö ang Israel? Mī-i patī finötnyi ang nö tarik alaha? Kūö yòh ang nö vītöre nö pôḵ holre?

MALAKI 1:6

Milēḵṙen an ngam nyīö kikōnyö tö ngam yöng re kikōnyö, ngam tarik alaha inrē tö ngam yöngṙen re. Ngaich yē chu chū-ö öich yöng, isuh ap minlēken chu? Yē chu chū-ö inrē yöngṙen, isuh ap pinhë-eṅ chu? ṙô ngam Mā Tēv yip tömaṙôngö nö in yīö, Ō yī-ö kūönṙô, maha-āichngen mine-eny chu. Ngaich ngö ṙô yī-ö, Sitih tī öi ha-āichngen mine-eny meh?