MANEUTNYI 4:21 - TÖHET LĪPÖRE (Re-edited) Bible (BSI)

²¹ Ngaich ngöṙô ngam Mā Tēv tö Môsös, Yē meh ngaich havan i Aikup, la-evṙen pömchö ikūö Fërō, tö nup minkahngö nuk eltī meh nö ngaich tö tī chu: hangëngö ellōn ò pöri min Chū-ö, ngaich öthalöngngen yip tarik min angā-aṅ.

MANEUTNYI 4:21 Referans Kwoze

RŌMA 9:18

Hòn aheūkölōn Anga-aṅ ip chūökre nö lōnuvö, ip chūökre inrē nö hòṅ hangë-eng.

Isayā 63:17

Ō Mā Tēv, kūöyòh ömeh vī-i ih vāichö kū-ötö ngam talöökö meh öm öt hangëṅngö ellōn ih inrē, tö lökten ih öt pa-ekūö tö meh? Chö-öinytö tarik re man yēḵ havantöre, vē miyöngö yip amin meh.

YÔSUĀ 11:20

Pòn ngam Mā Tēv mahangëṅngö ellōn cha, nö yihtöre nö lā-al Israĕl i kinyūngö pòn hòṅ ahatngen cha anga-aṅ, hòṅ cha nö öt inṙētuvö, hòṅ ò pöri nö hatngö tī tö cha, sā tinöölô Môsös tö ngam Ma Tēv.

T. YÔHAN 12:40

Tilupngö mat cha Anga-aṅ, hangëḵngö ellōn cha inrē; pòn sōtu nup mat cha nö meuk, sōtu nö akaha ellōn inrē, ngaich havöölökūöre; ngaich halanken cha Chū-ö.

MANEUTNYI 14:8

Ngaich ngam Mā Tēv nö hangëḵngö ellōn Fërō ök rācha aṅ Aikup, ngaich angā-aṅ nö lūḵ yik kūön Israĕl: pò yik kūön Israĕl nö öt pa-ekūö nö kiröönngöre.

MANEUTNYI 9:35

Ngëngö ngaich ök ellōn Fërō, ngaich angā-aṅ nö öt halöngngen yik tarik Israĕl nö kiröönngöre, sā ṙô ngam Mā Tēv nö in Môsös.

MANEUTNYI 9:12

Ngaich ngam Mā Tēv nö hangë-eng ellōn Fërō, ngaich öt hang ṙô cha angā-aṅ; sā ṙô ngam Mā Tēv nö in Môsös.

MANEUTNYI 7:13

Hangëḵngö ellōnre ngaich ang Fërō, öt hang ṙô cha angā-aṅ; sā ṙô ngam Mā Tēv.

MANEUTNYI 3:20

Kētö neukhö vē tarik chin min nö ikūö yip aṅ Aikup: ngaich yī-ö min öthöng chanlööpṙen, ip hē yīö min kiröönngöre:

MANEUTNYI 10:20

Hangëngö ellōn Fërō pöri ngam Mā Tēv, ngaich angā-aṅ nö öthalöngten yik kūön Israĕl nö kiröönngöre.

MANEUTNYI 7:3

Hangëḵngö ellōn Fërō Chin min, ngaich ṙūölö ṙôken nup minkahngö, pinngangkūö inrē im panam Aikup.

Isayā 6:10

Vītö tösangöö nö ellōn vē tarik, vīlö lumngan elnang cha inrē, tilupngö mat cha inrē; hòṅ minë mat cha nö öt meuk minë elnang cha inrē nö öt hang, hòn öt akaha ellōn cha-a, ngaich havantöre nö hēk, ngaich lööken.

MANEUTNYI 14:4

Ngaich Chū-ö min hangëḵngö ellōn Fërō ngaich angā-aṅ min nö tömkörit cha; ngaich Chū-ö min kēḵ ineū-euṅre in Fërō, in yip in ò inrē kumyung nö ṙòkhöre; ngaich akahalōn min yip aṅ Aikup tö Chu Öich Chū-ö Mā Tēv, Ngaich ngatī chā-a.

1 PĪTÖR 2:8

Ane inrē, Kinvē-ĕre nö ihong, lökngövah töfukngö inrē nö ihong. Pò cha nö kavē-ĕre kūö cha nö ahôngen ngam ṙô, im chūök cha-a inrē nö vītuṙen.

2 KÒRIN 2:16

Kumchik im töhĕng aṅ im kinpaha, nö im kinpaha; im tahëng kumchik aṅ im nômö nö im nômö Achiāp töthāṅten in në?

RŌMA 1:28

Sōḵo ngam Tēv cha-a nö i mikahre, ngaich kēḵngen cha ngam Tēv nö im ötkanôlò ellōn, nö la-evṙen tö nup tö ötlöök:

Salmai 105:25

Vīngö ellōn cha Anga-aṅ nö surīkhö yik tarik Ò: mileuichngen michūḵ nö i yik tarik Ò.

1 RĀCHA 22:22

Ngaich ngö ṙô ngam Mā Tēv tö ò, Öm aṅtī tö yòh? Ngaich ngö ṙô anga-aṅ, Kiröönngöre chin min, öich ma-alaha töminyôiny-an elvāng yip pròfĕt ò nö ṙòkhöre. Ngaich ngö ṙô anga-aṅ, Më-eṅ man ngaich mahaṙöingen ò min, ngaich mihôiṅ min inrē; Kuṙòh ngaich man, ngaich ngatī tī.

I. CHÖNGÖ 2:36

Löktökūö Arō-er, öp i taseū öp achāṙö Arnòn, löktökūö öp elpanam inrē öp el achāṙö, söl Kilīöt, öt hĕng tit elpanam tö yahlö rô-òl chūök tö hī: ṙòkhöre anū-ö nö kētu nö i kūö hī tö ngam Mā Tēv, ngam Tēv hī:

Ranehlö 6:3

Ngaich ngöṙô ngam Mā Tēv, Hö-ö ön min ngihlōn Chu nö örheūheu nö lā-al tarik, pò ò inrē angā-aṅ nöng alaha: lökten nup sakāmö ò min nö hēngòng nët anāi samyeūheu.

MANEUTNYI 8:32

Hangëngö ellōnre Fërō ing töngamuh inrē, öt halöngngen yik tarik angā-aṅ nö kirööngöre.

MANEUTNYI 10:1

Ngaich ngam Mā Tēv nö ngö ṙô tö Môsös, Kuṙòh chuh in Fërō man: tön hangëngö ellōn ò chin, ellōn yip tarik alaha ò inrē, hòṅ chu hameuktö në minkahngöre elṙôngö cha:

MANEUTNYI 10:27

Hangëngö ellōn Fërō pöri ngam Mā Tēv, ngaich angā-aṅ nö öt halöngngen cha nö kiröönngöre.

MANEUTNYI 11:9

Ngaich ngö ṙô ngam Mā Tēv tö Môsös, Öthō öp Fërō min nö hang ṙô meh; Hòṅ në pinngangkūö tī Chu nö ṙūölöre ṙòken nö im panam Aikup.

MANEUTNYI 11:10

Tītö në pinngangkūö nā Môsös nā Aròn nö i kūö Fërō; Hangëngö ellōn Fërō pöri ngam Mā Tēv, ngaich öthalöngngen yip kūön Israĕl angā-aṅ nö kiröönngöre nö ṙāngö panam ò.

Salmai 78:43

Hameuktö nuk minkahngöre Anga-aṅ nö i Aikup: nuk pinngangkūö inrē nö el töngā i Sō-an.

MANEUTNYI 3:19

Akahalōn chin töp rācha min aṅ Aikup nö öt halöngngen yīö min kiröönngöre, hö-ö, ötlöktö i kumlēḵ kël. Chū-ö min hateutnyö këlre, ngaich hachökö Aikup aṅtī tö nup pinngangkūö, nup tī Chu min in e: ngaich unôich tö e min angā-aṅ nö hökngen yīö kiröönngöre.

MANEUTNYI 8:11

Ṙāngen meh nun min nö ngaich minë tarôṅt, ṙā-ang patī meh, ṙā-ang i yip tarik alaha meh, ṙā-ang in yip tarik meh inrē; höngngöh nun min nöng el tahël.

MANEUTNYI 8:15

Ngaich hē Fërō nö meūkö e nö heuh hë, hangëḵngö ellōnre angā-aṅ, ngaich öt hang ṙô cha.

MANEUTNYI 14:17

Yĕh meuk öm, hangëḵngö ellōn yip aṅ Aikup Chin min Chū-ö, ngaich chā-a min nö tömrit cha: ngaich Chū-ö min kēḵ ineū-euṅre in Fërō, in yip kumyung in ò inrē nö ṙòkhöre, i nup inröl ò yip aṅ uk kōra ò inrē.