MANEUTNYI 4:15 - TÖHET LĪPÖRE (Re-edited) Bible (BSI)

¹⁵ Ngaich vë-ekūö ò min më-eṅ, chaphöt minë ṙô elvāng ò: hol ngam elvāng meh Chin min, hol ap elvāng ò inrē, ngaich sumlohten meh min töp inlahen meh.

MANEUTNYI 4:15 Referans Kwoze

Isayā 51:16

Ngaich chū-ö chaphöt minë ṙôre elvāng meh, ngaich hanyatngen meh el nyat ngam kël chu, hanyāknyö minë halīöngö ṙātö rööntö ngam tumlat inrē, ngaich ngö ṙô tö Sīyôn, Tarik chu yin yī-ö.

T. LŪKÖS 21:15

Tön kētö elvāng yīö Chin min, ane inrē mikah, nup öt kanô-òṅ yip lā-al yīö min öt huneū-euṅ ṙô cha nö sapṙô.

I. CHÖNGÖ 18:18

Hachohlö pròfĕt chin min in cha aṅ i yip mak alaha cha, tösā meh; ngaich elvāng ò, ngaich anga-aṅ min nö keuheūtnyöre ṙô nö in cha tö nup tinöölô ò tö chu.

KINṘEŪKÖ 23:16

Ngaich ngam Mā Tēv nö meukkūö Pēlām, ngaich chaphöt ṙô nö elvāng ò, nö ngö ṙô, Havantöre man in Pēlak ngaich ngö ṙô öm ṙô-òv.

KINṘEŪKÖ 23:12

Ngaich ngö ṙô anga-aṅ nö sapṙô, Röh öich töhòṅ haṙēmngenre ṙô tö nup ṙô ngam Mā Tēv chahaphöt Ò nö elvāng chu?

KINṘEŪKÖ 23:5

Ngaich ngam Mā Tēv nö chaphöt elvāng Pēlām tö ṙô nö ngö ṙô, Havantöre man in Pēlak, ngö ṙô pömchö.

YERIMIĀ 1:9

Hateutnyö kël re ngaich ngam Mā Tēv ngaich lūölkö elvang chu; ngö ṙô ngaich ngam Mā Tēv tö chu, Yĕh meuk, ngaich chin chaphöt në ṙô re, el vāng meh.

Isayā 59:21

In chu pöri, ngih ön kinlēḵngô chu in cha, Ṙô ngam Mā Tēv: öp töhet fanöinylö chu öp mī-ikui meh, nup ṙô chu inrē töchaphötvö nö elvāng meh tö chu, hö-ö min nö meutnyi nö ṙā-ang elvāng meh, ṙā-ang elvāng yip kūön meh hēk ṙā-ang elvāng yip kūön yip kūön meh, ṙô ngam Mā Tēv, löktökūö ngih hē höng örheūheu.

T. MËTIV 28:20

Haköpten cha nö haköp nup taṙòkhöre tinölô yīö tö Chu. Yĕh meuk; örheūheu Chin holtöṙah yīö, söl ip manāngen ngih panam.

2 SAMUĔL 14:3

Kuhēthötre pömchö ip rācha, ngaich ngö inlahen ṙô vë-ekūö ò. Chaphöt nuk ṙô ngaich Yôap nö elvāng ök kikānö.

KINṘEŪKÖ 22:38

Ngaich ngö ṙô Pēlām tö Pēlak, Yĕh meuk, ngaich chin taichtökūö in meh: ngaich kanô-òvö hòng chū-ö ṙô tö yô-òv? Höng ṙô tö ngam ṙô chin min ngam töchaphötvö nö elvāng chu tö ngam Tēv.

MANEUTNYI 4:12

Kuṙòh lökten kiröönngöre elvāng meh Chin min, Öich haköpten meh töp ṙô meh min.

1 KÒRIN 11:23

Pòn taneūngen chu nö aṅ im Mā, ngam kahëtö chu inrē in yīö, inlahen ngam Mā Yēsū, ik hatööm kine-eṅ Ò, nö kē ròtī.

I. CHÖNGÖ 5:31

Sökhak pöri më-eṅ ihih in chu, hòṅ chu ṙônyö nup taṙòkhöre chöngö in meh, nup chöngö, inkaha fālen inrē, nup haköptö meh min in cha, hòṅ cha nö la-evṙen tö u ip panam kahëtö chu in cha nö amin cha.

1 KÒRIN 15:1

Kahōlö, mikahtölōn yīö chin tö ngam tölöök inhānga, ngam ṙô chu mikahten yīö, ngam kahë yīö ngaich, ngam chūök yīö inrē sökhaka;

MANEUTNYI 3:12

Ngaich ngöṙô Angā-aṅ, In meh takô Chin min; ngih ön min minkahngö nö in meh tö Chu öich tīnten meh: yē meh min ngaich kēnyö yip tarik nö ṙā-ang Aikup. Ngaich yī-ö min lök la-en ngam Tēv ikui ngih rôngö.

MANEUTNYI 4:28

Ngaich ang Môsös nö keuheūtnyöre ṙô nö vë-eny nang Aròn, tö nuk ṙô ngam Mā Tēv, nup tinīntö ò, ṙòkhöre nup minkahngö tinölöṙô ò tö Ò.

MANEUTNYI 4:30

Ngaich Āròn nö keuheūtnyöre ṙô tö nuk ṙô ngam Mā Tēv, nö in Môsös, ngaich tī tö minkahngö nö ikūö yik tarik.

KINṘEŪKÖ 16:28

Ngaich ngö ṙô Môsös, Ihih yin min akahalōn tö ngam Mā Tēv nö tīnten chu la-ëvṙen tö në nö ṙòkhöre; tön rö-ö chin kanahanglōnre la-ëvṙen tö u.

1 SAMUĔL 16:3

Havëten Yēsī nö ip tökētuvö, hameukhömat meh chin min töp inlahen meh: hacham el kui ò pömchö öp töminënyu tö ṙô chu min in meh.

Salmai 51:15

Ō Mā, löpnyö kūö në minuh chu: hòṅ ngih elvāng chu nö hameuknyö nöinyö meh.

YERIMIĀ 36:32

Ngaich ang Yarimiā/Yeremiā nö kē tahëng tölirōlö chūök kinūichö ngaich kēten e nö in Pārök ök kamūich, ök kikōnyö kūön Nērayā ök kamūich mat nö asā ṙô Yarimiā/Yeremiā tö nuk ṙô nö ṙòkhöre aṅ-mat ök tölirōlö chūök kinūichö ök tö föngö nö i kūö tameūyö tö Yēhōyakim ök rācha aṅ Yūtā; Pōyen nuk inrē tö ngatī ṙô töṙūötuṙen nö in u.

Salmai 25:12

Öpyòh ap tarik töpa-ekūö tö ngam Mā Tēv? Haköpten ò anga-aṅ nö el ngam talöökö ngam atöllö ò.