MANEUTNYI 4:13 - TÖHET LĪPÖRE (Re-edited) Bible (BSI)

¹³ Ngaich ngöṙô angā-aṅ, Ō Mā, vë-ekūö Meh chin, tīntö e löktö eltī öp tahīntö Meh min.

MANEUTNYI 4:13 Referans Kwoze

YÔNA 1:3

Chōholre pöri ang Yôna nö falngöre nö chuh Tarsis nö ṙā-ang i kūö ngam Mā Tēv; ngaich chuh Yôppa anga-aṅ, ngaich kôtökūö tök chōng hĕng nòng chamuh Tarsis: lökten ò nö kētö ṙāi röönre, ngaich yôklö nö ël ò, ngaich kiröönngöre nö hol aṅ cha nö chuh Tarsis, nö ṙā-ang i kūö ngam Mā Tēv.

MANEUTNYI 4:1

Ngaich ngöṙô Môsös nö sapṙô, Yĕh meuk, hö-ö pöri min chā-a nö ṙātö ellōnre nö in chu, ötrēhĕn nö hangṙô chu: pòn ngöṙô min chā-a, Rö-ö an ngam Mā Tēv nö meūkö tö meh.

T. YÔHAN 6:29

Ngaich ngö ṙô Yēsū, nö sapṙô cha, Ngih ön yih la-en ngam Tēv, Ṙātö ellōnre yin im tahīntö Ò.

T. MËTIV 13:41

Tīntö yip ma-aṅ-hāngare min ngòh Kūön Tarik; ngaich cha-a min nö hamūl ngaich kēḵngö u nö ṙā-ang im pūlngö Ò, nup töpô-òvkūö, yip tarik inrē tötlöökö la-en; ngaich kavalhötvö cha-a min nö i kūö öp töhūkūö tameūyö.

YÔNA 1:6

Lökten ök yōm chōng nö yihtöre nö in ò, ngaich ngö ṙô tö ò, Ō me-eṅ mahaṙòh tö sitih öng angū-ö nö in meh? Chōholre man, havëkö ngam Tēv re, yē ngam Tēv lohten min nö piṙūtken hī, hòṅ hī öt kapah.

YERIMIĀ 20:9

Yē chu ngö ṙô, Öt hòṅ kakken ò chin min hēk öt hòṅ ṙôtö ò chin min hēk öt hòṅ ṙôtö minë-eny ò chin ngaich, ngaich ellōn chu ap umuh sā töhūkūö tameūyö öpngö-rekūö nö el nup tangëḵ chu, ngaich chū-ö cheingö haköpken e nö lātuhēt, ngaich ötkô chū-ö.

YERIMIĀ 1:6

Ngaich ngö ṙô chū-ö, Mah, Mā Tēv! Yĕh meuk, hö-ö chin huveū-euṙô ṙô-òv, pò chu höng ṙālö tarik.

KAMHÔKA 2:1

Ngaich ök ma-ahānga ngam Mā Tēv nö yih nö ṙā-ang Kilkāl nö i Pōkim. Ngaich ngö ṙô anga-aṅ, Vīten yīö chin kiröön-ngöre ṙā-ang Aikup, ngaich kēten yīö im panam ngam ṙô chu kilēḵngôre in yik muvöhngö yīö; öich ngö ṙô, Öt hētu chin min piyāingö ngam kinlēḵngô chu in yīö.

MANEUTNYI 23:20

Yĕh meuk, Tīntö ma-aṅhānga Chin hĕng tak urēhĕkūö meh, nö mameukken meh el talöökö meh, kamëten meh inrē ip chūökö öp töhalēnka tö Chu.

Ranehlö 48:16

Ngam ma-aṅhānga, ngam ṙamānyen chu ṙā-ang i nup taṙòkhöre tötlöök, hakôlò nāṅ nyīö yēḵ; hökngen ngam minë-eny chu nö minë-eny cha, ngam minë-eny nak yöng chu inrē, nā Aprahām nā Isak; ngaich hökngen cha nö sīöplö nö maṙôngö nö ellōn ngih tumlat.

1 RĀCHA 19:4

Kiröönngöre pöri anga-aṅ nö hĕng sumkam röön nö el tönyalnyi, yih ngaich, ngaich ūichngöre nö elkatòh ök chunipör chōn ngaich havë-engritre anga-aṅ nö hòṅ kapah; ngö ṙô anga-aṅ, Ngāichö tölngö an; Ō Mā Tēv, kēngö ngih nômö chu tö ngamuh; tön öt ĕhten chin tö yik yöng re.

Ranehlö 24:7

Ngam Mā Tēv An, ngam Tēv ngam halīöngö, ngam kamëngen chu ṙā-ang i patī ök yöng chu, ṙā-ang ap panam chūök finötnyö chu, ngam vamë-ekūö chu inrē, ngam töchūökuṙô nö kilēḵngônre nö in chu, nö ngöṙô, Kēḵtö ngih Chin min panam ip kūön meh; tīntö ma-ahāngare An min nö urēhĕkūö meh ngaich më-eṅ min kē pīhö ngòh kūön chu kikōnyö ṙeū-eung muh.

MANEUTNYI 4:12

Kuṙòh lökten kiröönngöre elvāng meh Chin min, Öich haköpten meh töp ṙô meh min.

MANEUTNYI 4:14

Ngaich hūlökūö lanīnö ngam Mā Tēv nö in Môsös, ngaich ngöṙô Angā-aṅ, Röh ap kahëm meh Āròn nö umuh, ap kūön Lēvī? Akahalōn Chin tö ò nö töhuveū-euṙô. Yĕh meūkan inrē, yih ap min nö höngkūö meh: hē ò min nö meukkūö meh, ngaich ṙāmölōn min angā-aṅ.

Ranehlö 41:35

Ngaich hökngen cha nö hamūl nup nyā-aṅkūö nö ṙòkhöre i nup yamih tökôlò samyeūheu, ngaich hamūlngö nup sāiny nö el katòh Fërō nö nyā-aṅkūö i në el panam, ngaich hökngen cha nö hayōmö e.