Biblia Todo Logo
Bib sou entènèt

- Piblisite -




MANEUTNYI 4:11 - TÖHET LĪPÖRE (Re-edited) Bible (BSI)

11 Ngaich ngöṙô ngam Mā Tēv tö ò, Achīö ap vamī elvāng tarik? Hēk achīö vamī tarik nö öthuveū-euṙô, hēk öthang, hēk meuk, hēk ötmeuk? Röh Öich, Öich Chū-ö Mā Tēv?

Gade chapit la Kopi




MANEUTNYI 4:11
18 Referans Kwoze  

Kô-òren ap römpĕt nö föönyu kūö nö elpanam, ngaich öt pa-ekūö hòng yip tarik? Kô-òren hòng tötlöök nö fuk ip töhĕng elpanam, nö öt tī ngam Mā Tēv angū-ö?


Ngam Mā Tēv lamöpnyökūö mat töt meuk, ngam Mā Tēv mahachohlö tö sangônköti: ngam Mā Tēv tö hāngenlōn tö lanöökö.


Suöhtö e anga-aṅ nö i minuh chu, nö ngö ṙô, Yĕh meuk ngaich man suöhtöre minuh tö e; ngaich öp kanöölö meh nö kē-ĕyö, ahëti nö ngaich öp tökööl meh.


Anga-aṅ ngam vamī tö nang, öthō Ang min nö hang: Anga-aṅ ngam vamī mat, öt hō Ang min nö meuk?


Ō Mā, löpnyö kūö në minuh chu: hòṅ ngih elvāng chu nö hameuknyö nöinyö meh.


Hateutnyö kël re ngaich ngam Mā Tēv ngaich lūölkö elvang chu; ngö ṙô ngaich ngam Mā Tēv tö chu, Yĕh meuk, ngaich chin chaphöt në ṙô re, el vāng meh.


Ngaich ngö ṙô chū-ö, Mah, Mā Tēv! Yĕh meuk, hö-ö chin huveū-euṙô ṙô-òv, pò chu höng ṙālö tarik.


I kui chu ngaich ngam kël ngam Mā Tēv im harap urēhĕkūö ngam töpāngö nö yih; ngaich anga-aṅ nö löpnyökūö elvāng chu im peuheū i hē ngam tarik nö yih nö in chu; luvë-akkūö ngaich ngam elvāng chu, ötngöhören chū-ö ngaich öt huveū-euṙô.


Hĕng hòng tökihngen nö i ngam Mā Tēv? Havantöre Chin min in meh, ip ṙētak, yē ngam ṙētak min nö havanritre, ngaich Sëra min nö kūönu tö kikōnyö.


Teūngen yin vē tötmeuk tö matre; kiröönngöre inrē vē tökaròk; lööken vē töyeūnyuvö; hang vē töthang; hachohlöngö vē tökapah; mumkahtuṙen vē yāich, tö ngih tölöök inhānga.


Lamöpnyö kūö mat tötmeuk, kamënyö töhakövö nö ṙā-ang el insongngö cha, cha-a inrē yip amūchhaka nö el sinngūlö nö ṙā-ang ël öp patī chūök inkövö.


Yĕh meuk, ngaich man min ötkô ṙô-òv, hanöng saha ap taneungtakūö u; pò meh öt ṙātö ellōnre i në ṙô chu, në töteūngen mīnö ip hē u.


Ilööṙen ngaich ök elvāng ò nö löpnyörekūö tayōlköny ök litāk ò; ngaich ṙô-òvö anga-aṅ, nö ha-öiny ngam Tēv.


Ngaich rēvre yik töngö ṙô. Hö-ö nun në, nö ṙô tö sī-u aṅ in. Kô-òren ṙöng ang ngòh sī-ö nö löpnyökūö mat vē tötmeuk?


Pöh, tā-a töi yônti, ngaich umuh kalūöichngö ëlô cha, hòṅ cha nö kö öt akaha el nang tö ṙô höö.


Ngam elnang hamang ngam mat inrē mameuk, vahī ngam Mā Tēv nyöre anū-ö.


Swiv nou:

Piblisite


Piblisite