1 Ngaich ngöṙô Môsös nö sapṙô, Yĕh meuk, hö-ö pöri min chā-a nö ṙātö ellōnre nö in chu, ötrēhĕn nö hangṙô chu: pòn ngöṙô min chā-a, Rö-ö an ngam Mā Tēv nö meūkö tö meh.
Ngaich chā-a min nö hang ṙô meh: ngaich më-eṅ yih ip rācha aṅ Aikup, tö yip mā kūö Israĕl inrē, ngaich ngöṙô min yī-ö tö ò, meūkö kūö in tö ngam Mā Tēv, ngam Tēv yip Hīprū: yĕh, vë-ekūö meh in, hökngen ih kiröönngöre el tönyaṅlnyi, lūöi sumkam rô-òlkūö, hòṅ ih kētö tökētu im Mā Tēv, ngam Tēv ih.
Akahalōn yik hol ò, tö lōn ò, tö ngam Tēv, nö lökten eltī ò, nö kētö ṙinānyö cha. Ngaich pöri cha-a nö rö-ö nö akahalōn.
Chātlöng chū-ö ngaich tö ngam Töhet Faöinylö ngaich kē-ĕyö tö ò,kiröönngöre chū-ö ngaich i miṙivlōn re ṙanāchö im ma-alaha chu inrē, kalēḵ ngam kël ngam Mā Tēv nö in chu;
Ngaich ngö ṙô chū-ö, Mah, Mā Tēv! Yĕh meuk, hö-ö chin huveū-euṙô ṙô-òv, pò chu höng ṙālö tarik.
Ngaich Môsös nö ngöṙô nö ikūö ngam Tēv töt hëtö minuh chin, sitih inlahen öp min Fërō nö hang ṙô chu?
Ṙātö ellōnre ngaich yik tarik: ngaich hē cha nö hang ngam Mā Tēv, tö Ò inrē nö meuk kanihngen cha, ngaich sōntö kuire chā-a nö Salām.
Ngaich ngöṙô angā-aṅ, Achiāp vamīlen meh mā, kamhôṅka inrē öm ikui ih? Hòṅ kumpāha chu öm tö lōnre, sā tī meh kumpah ök aṅ Aikup? Pa-ekūö ngaich Môsös, ngaich ngöṙô, Akahaiṙen ök inlaha chu nö ngaich,
Ngöṙô inrē ngam Tēv tö Môsös, Ngöṙô man tö yip Israĕl, Tīntu chin in yīö tö ngam Mā Tēv, Tēv yik yöng yīö, Tēv Aprahām, Tēv Isāk, Tēv Yāköp inrē: angū-ö an minë-eny chu nö örheūheu, angū-ö an inköpkölōn tö Chu i tumköl chap.
Kuṙòh, hamūl yip mā i Israĕl, ngöṙô tö cha, meūkö an tö chu Ngam Mā Tēv, ngam Tēv yik yöng yīö, Tēv Aprahām, Isāk, Yāköp inrē, ngöṙô an tö chu, Chöhken yīö chini, meuk nup inlanken yīö chin i Aikup:
Ngaich Môsös nö ngöṙô tö ngam Mā Tēv, Ō Mā, hö-ö chin tösötô, ötrēhĕn chin töngamuh, ötrēhĕn misī, ik hēten Meh vë-ekūö ngòh kūönre; pò chu töha-aṅṙô töha-aṅ litāk inrē.
Ngaich Āròn nö keuheūtnyöre ṙô tö nuk ṙô ngam Mā Tēv, nö in Môsös, ngaich tī tö minkahngö nö ikūö yik tarik.
Ngaich ngöṙô Môsös tö ngam Mā Tēv, Yĕh meuk, öthangṙô chu yip kūön Israĕl; sitih kanô-òṅ öp Fërō nö hangṙô chu, chū-ö töthëtö minuh?
Ngaich im sakāmö angū-ö anga-aṅ nö kētö minkahngö, nö ngö ṙô, Angū-ö ön ngih minkahngö ngam ṙô ngam Mā Tēv: yĕh meuk, larāki an min ngam tahāklö, ngaich minë tisum ël e min nö ahōngi.
Ngaich ngö ṙô anga-aṅ tö ò, Yē chu tö inkôluṙô öich i kūö meh, hameukhömat chu yēḵ töp hĕng minkahngö tö meh öm më-eṅ va-me-eṅkūö chu.