MANEUTNYI 39:8 - TÖHET LĪPÖRE (Re-edited) Bible (BSI)

⁸ Ngaich anga-aṅ nö vī lanak elngòh, tömilichngen vinī-i, sā vinī-i öp efòt; nö humlum, tölingūṅ, tököinyö nganāvö mat, laturë, tövai hilā inrē.

MANEUTNYI 39:8 Referans Kwoze

MANEUTNYI 28:4

Në nun inyut tö vī-i min tö cha, hĕng lanak elngòh, hĕng efòt, hĕng tökiröng inyut, hĕng inyut alaha inrē, hĕng sapīöv, hĕng sörplis; vī töhet cha-a min inrē inyut Āròn öp kahëm meh, tö yip kikōnyö kūön ò inrē, hòṅ ò nö meukṙen Chu nö el chūök Kūönṙô.

EFISÖS 6:14

Lökten söklöre, nyëkṙatre tö ngam kanô-en, lanak elngòh tö ngam lanöökö;

Isayā 59:17

Hayutlöre anga-aṅ tö lanöökö nö lanak elngòh ò, i kui ò inrē nö sapīöv ngam inyööken; hayutlöre anga-aṅ tö tökiröng inyut nö invahal vah, kahūmöre inrē tö kinṙum nö i tanānyöre.

Salmai 89:28

Köp min ngam miṙēlōn chu nö in ò nöng örheūheu: ngam kinlēḵngô chu in Ò panta nö in Ò.

MANEUTNYI 25:7

Ihong onik, ihong inrē tövīhötvö nö i eföt, ip lanak elngòh inrē.

MANEUTNYI 26:1

Ane inrē me-eṅ min vī öp inrūkui nö söömö ranang ël tö hilā; nö tö hīölö kinpātö nö linen, tölingūṅ, tököinyö nganāvömat, laturë inrē, vī-i u me-eṅ min nö aṅ mat tö kërup nö vahī yip tömilichngen huneū-en tarik.

MANEUTNYI 39:9

Fën mirëṙö angū-ö, vī ngam lanak elngòh cha-a nö hachāpö; ṙôktāk eltī (22 centimetre) öp rôta e, ṙôktāk eltī (22 centimetre) inrē öp ṙôktāk e nö hachāpö.