MANEUTNYI 34:4 - TÖHET LĪPÖRE (Re-edited) Bible (BSI)

⁴ Ngaich anga-aṅ nö fas tömitāk ihong nët sā nuk mu-urĕh; ka-euilökūö ngaich Môsös nö choholre tö peuheū, ngaich yônlö im rôngö Sināi sā hinôtö ò tö ngam Mā Tēv, ngaich kēḵ nuk tömitāk ihong nët nö eltīre.

MANEUTNYI 34:4 Referans Kwoze

MANEUTNYI 34:1

Ngaich ngö ṙô ngam Mā Tēv tö Môsös, Fas nup ihong man nët tömitāk sā nuk mu-urĕh: ngaich kūich nup ṙô Chū-ö min i mat u nup mi-i mat nuk mu-urĕh, nuk likukngö meh.

I. CHÖNGÖ 10:3

Lökten chu vī kasòng chöngö tö chōn sittim faslö tömitāk ihong inrē nët sā nuk raneh, ngaich yônlö öich i kui ngam rôngö, aṅhaṅv eltī tö nuk tönët tömitāk ihong.

MANEUTNYI 19:3

Peūlöre ngaich Môsös nö chuh im Tēv, ngaich ngam Mā Tēv nö löknyö i kui rôngö ṙô nö havëken ò, nö ngö ṙô, Vë-ekūö yip aṅ patī Yāköp man, öm ngö ṙô, Vë-eny nang yip kūön Israĕl inrē;

MANEUTNYI 19:20

Ngaich yihtöre ngam Mā Tēv nö i kui ap rôngö Sināi, el chalòngkui ngam rôngö: ngaich havëlen Môsös ngam Tēv nö el chalòngkui ngam rôngö; yônlö ngaich Môsös.

MANEUTNYI 32:16

Vahīṙen ngam Tēv nuk tömitāk ihong, nuk kinūichö inrē kinūichö ngam Tēv, ka-iphötvö nö i nuk tömitāk ihong.

I. CHÖNGÖ 10:1

Hē e ngam Mā Tēv nö ngö ṙô tö chu, Faslö tömitāk man ihong nët sā nuk lā urĕh, ngaich yônlö in chu i kui ngam rôngö vī kasòng pömchö inrē nö chōn.