MANEUTNYI 34:1 - TÖHET LĪPÖRE (Re-edited) Bible (BSI)

¹ Ngaich ngö ṙô ngam Mā Tēv tö Môsös, Fas nup ihong man nët tömitāk sā nuk mu-urĕh: ngaich kūich nup ṙô Chū-ö min i mat u nup mi-i mat nuk mu-urĕh, nuk likukngö meh.

MANEUTNYI 34:1 Referans Kwoze

MANEUTNYI 32:19

Ngaich ngö inlahen angū-ö, hē ò nö ngaich nö yih nö röhta nö ik elyöngö, ngaich meuk ök kun nuā anga-aṅ meuk kinṙīömö inrē: hūlö kūö ngaich ök tanānyö Môsös, ngaich kavalngö nuk tömitāk ihong anga-aṅ nö ṙā-ang eltīre, ngaich lirakngö u nö i rööntö ök rôngö.

Salmai 119:89

Ō Mā Tēv, örheūheu an ngam ṙô Meh: nö köpngö nö el halīöngö.

MANEUTNYI 31:18

Ngaich kē-ĕkūö Môsös anga-aṅ, tö nuk tö nët tömitāk tö aṅ mat tö ngam tökô-en inmeuktö, hē kinheūtö ṙô Ò nö vë-ekūö ò nö i kui öp rôngö Sinai, nuk tömitāk ihong, tö kūichö mat tö kuntī ngam Tēv.

MANEUTNYI 34:28

Ngaich umuh anga-aṅ im Mā Tēv nö fën anāi sumkam fën anāi mitööm inrē; ötrēhĕn anga-aṅ nö nyā ròtī, ötrēhĕn nö òk mak. Ngaich kūich në ṙô kinlēḵngô anga-aṅ nö i mat nup tömitāk ihong, ngam tö söm Chöngö.

MANEUTNYI 32:16

Vahīṙen ngam Tēv nuk tömitāk ihong, nuk kinūichö inrē kinūichö ngam Tēv, ka-iphötvö nö i nuk tömitāk ihong.

MANEUTNYI 24:12

Ngaich ngö ṙô ngam Mā Tēv tö Môsös, Yônlö man in Chu i kui ngam rôngö, ngaich ngöh umuh; ngaich kē-ĕkūö meh min Chu-ö tö nup tömitāk ihong, tö ngam Chöngö inchöngten inrē, nup tökūichiyö tö Chu, hòṅ meh haköpten cha.

MANEUTNYI 34:4

Ngaich anga-aṅ nö fas tömitāk ihong nët sā nuk mu-urĕh; ka-euilökūö ngaich Môsös nö choholre tö peuheū, ngaich yônlö im rôngö Sināi sā hinôtö ò tö ngam Mā Tēv, ngaich kēḵ nuk tömitāk ihong nët nö eltīre.

I. CHÖNGÖ 4:13

Ngaich vē-eny nang yīö anga-aṅ tö ngam kinlēḵngô ò, ngam tinöölô yīö tö ò nö hateūngi, anū-ö në tösöm chöngö; ngaich kūichö u anga-aṅ nö i mat nuk töhet tömitāk ihong.

YERIMIĀ 36:32

Ngaich ang Yarimiā/Yeremiā nö kē tahëng tölirōlö chūök kinūichö ngaich kēten e nö in Pārök ök kamūich, ök kikōnyö kūön Nērayā ök kamūich mat nö asā ṙô Yarimiā/Yeremiā tö nuk ṙô nö ṙòkhöre aṅ-mat ök tölirōlö chūök kinūichö ök tö föngö nö i kūö tameūyö tö Yēhōyakim ök rācha aṅ Yūtā; Pōyen nuk inrē tö ngatī ṙô töṙūötuṙen nö in u.