MANEUTNYI 32:9 - TÖHET LĪPÖRE (Re-edited) Bible (BSI)

⁹ Ngaich ngö ṙô ngam Mā Tēv tö Môsös, Ngaich Chin meuk vē tarik, yĕh meuk, tö këhe likeun yin nö tarik.

MANEUTNYI 32:9 Referans Kwoze

INLAHEN 7:51

Yī-ö tökehe likeun, töt tunyīnyi ellōn, elnang inrē; höng örheūheu yin sōḵo ngam Töhet Fanöinylö. Sā yik muvöhngö yīö misī, ngatī yī-ö.

Isayā 48:4

Pò chu akahalōn tö meh tömi-ô, ngam likeun meh inrē nö vët nö rahēḵ, mās inrē ngam māl meh;

I. CHÖNGÖ 9:13

Hēk inrē ngam Mā Tēv nö ngö ṙô tö chu, Meuk vē tarik chin ngaich, yĕh meuk, tarik yin tö kehe likeun;

MANEUTNYI 34:9

Ngaich ngö rô anga-aṅ, Yē chu töngamuh tö inkôluṙô i kūö meh, ō Mā vë-ekūö meh chin hökngen ngam Mā, nö kiröönngöre nö in ih; tön tökëhe likeun yin vē tarik; aṙēlö kanöölö tökööl ih inrē, ngaich kēḵĕ ih öi amin meh.

MANEUTNYI 33:5

Ngaich ngam Mā Tēv nö ngö ṙô tö Môsös, Ngö ṙô in yip kūön Israĕl, Tökëhe likeun yin öi tarik: yē Chu kiröönngöre in yīö höng rahëichtaṙen, keūheūtngöre vah yī-ö min tö tī Chu: lökten yin töngamuh luhngö minë yanöṅtöre ṙā-ang in yīö, hòṅ Chu akahalōn tö tīre tö yīö.

MANEUTNYI 33:3

Ip panam tö hëmö kūö tö aṅteh hönī inrē: tön rö-ö Chin min kiröönngöre in meh; pò yīö tökëhe likeun öi tarik: hòṅ yīö öt keuheūtngöre vah tö tī chu el talöökö.

I. CHÖNGÖ 31:27

Tön akahalōn chin tö meh ma-ahôngen, tö ngam tökeh likeun meh inrē: yĕh meuk, ṙòngmö aṅ chin in yīö i ngih sakāmö, ngaich yī-ö ahôngen ngam Mā Tēv: ngaich hönlöre unôichrit öp kinpaha chu?

2 KINṘÖTNGÖ 30:8

Uh yin töngamuh hakeh likeunre öi sā yik yöngre misī kētöre pöri im Mā Tēv, yih inrē el ngam töhet chūök ò, ngam tö-ahetlöng nöng örheūheu, ngaich lök la-en ngam Mā Tēv yīö, hòṅ ngam tökiröng tanānyö ò nö havööṙikūö tö yīö.

I. CHÖNGÖ 9:6

Lökten yin akahalōn tö ngam Tēv yīö ngam Mā Tēv nö öt kētö ngih tölöök panam amin yīö nö kūö lanöökö yīö; pò yīö tarik tökehe likeun.

INCHŌḴ-OṘÔ 29:1

Anga-aṅ ngòh töṙöpen nö vëka, sön nö hakehngö likeun re höng lūk min nöng ohngö nö öt hanlinken.

Salmai 78:8

Hòn öt sā yik yöng re töt hanlöinyken, ane inrē maha-ôngen nö tumkölchap: tumkölchap nö töt mahachiptö ellōnre, yik töt köpö ellōn nö im Tēv.

NAHIMIĀ 9:17

Sōḵ cha-a nö hang chöngö, ngaich öt köpölōn tö nuk pinngangkūö nuk tī meh in cha; hangëngö likeun re pöri cha-a ngaich vīlö yöngṙen re nö havantöre nö el inkövöre nö i Aikup. Tēv pöri më-eṅ tölēnen aṙē-ĕl, tö-aṙē-ĕlōn tö-aheūkölōn inrē, töt ka-eūyö tanānyö töpōyen, aṅ in inrē tö tököp hanāngenlōn, ngaich rö-ö öm ṙāngen cha.

I. CHÖNGÖ 10:16

Lökten yin tunyinyngö fanöinylöre, ui ngöhören kehe likeun.

HŌSĪ 6:10

Ngaich chin meuk el patī Israel tö pinhe-eṅkūö: kôti ap insĕha nö in Ifrēm, māich-ngö an nö ngaich Israel.

YERIMIĀ 13:27

Ngaich chin meuk nup sin-òkkūö in meh, insĕha inrē, ngam öt lanöökö meh i mi-inyihköre kikānö, i kui rung el töngāṅ. Ō Yērusalem, öt kôlò man! Irô-òten öng min urēhĕkūö meh öm ahetlöngö?

KINṘEŪKÖ 14:11

Ngaich ngam Mā Tēv nö ngö ṙô tö Môsös, Irô-òten aich min vē tarik nö öt kūöngenre tö Chu? Irô-òten aich min inrē nö öt ṙātö ellōnre nö in Chu, nö ngaich nö pōyen nuk minkahngö tī Chu in cha?

2 RĀCHA 17:14

Hö-ö pöri cha-a nö hang, hangëḵlö likeun re pöri, nö sā likeun yik muvöhngö cha, yik töt ṙamātö ellōn re nö im Mā Tēv ngam Tēv cha.

NAHIMIĀ 9:16

ʽʽNgaich, pöri yik yöng ih nö hakeūlenre hangëngö likeunre inrē ngaich öt hang ṙô minë chöngö, meh;