MANEUTNYI 32:8 - TÖHET LĪPÖRE (Re-edited) Bible (BSI)

⁸ Ka-eūyen yip nö kānngöre nö ṙā-ang el ngam talöökö hinôḵtö cha tö Chu; vī kun nuā yip tömiyëri, ngaich salāman, nö ngö ṙô, Ō Israĕl ngòh ön tēv, ngòh kamënyen meh ṙā-ang ap panam Aikup.

MANEUTNYI 32:8 Referans Kwoze

1 RĀCHA 12:28

Halēnöre ngaich ök rācha, ngaich vī humlum kun nuā nët nòng; ngaich ngö ṙô anga-aṅ tö cha, Yaha rô-òl kūö yin chuh Yērusalem; Ō Israĕl, Yĕh meuk minë tēv yīö, kamënyen yīö ṙā-ang ap panam Aikup.

MANEUTNYI 20:23

Uh yin vī nup tahëng tēv nö hol Chu, nup rupīö tēv, hēk nup humlum tēv, un vī-i tö yīö nö tēv yīö.

I. CHÖNGÖ 9:16

Ngaich ngëicha chū-ö, ngaich meuk, tö yīö köölö fālen im Tēv yīö ngam Mā Tēv; vī insātēvre yī-ö ngaich tö mās: ka-eūyen yī-ö ngaich kānngöre tö ngam talöökö hinôtö yīö tö ngam Mā Tēv.

KAMHÔKA 2:17

Ngaich sönngenre cha-a nö öt hang ṙô yik ma-akah fālen, pò cha nö kiröönngöre nö asĕhkö nup tahëng tēv, ngaich sōntöre nö in u; ka-euingen cha-a nö kānngöre nö ṙā-ang el ngam talöökö lahök ël yik muvökngö cha misī hamang nup chöngö ngam Mā Tēv: hö-ö pöri cha-a nö ngatī.

MANEUTNYI 22:20

Ngòh kamëtö tökētu nö i töng tēvaṙa, kumpahaivah min, höng i ngam Mā Tēv pöri.

MANEUTNYI 32:4

Ngaich kē-ĕ e anga-aṅ nö ṙā-ang eltī cha, ngaich vī-i e nö chehetī tö kin-ip, ngaich vi-i e nö kun nuā nö miyëṙi: ngaich ngö ṙô cha-a, Ō Israĕl, ngòh ön tēv meh, ngòh kamënyen meh ṙā-ang öp panam Aikup.

MANEUTNYI 34:15

Hòṅ meh öt vī kinlēḵngôre in yip aṅ ngam panam, ngaich cha-a inrē nö asĕhkö nup tēv cha, ngaich kētö tökētu inrē nö i nup tēv cha, ngaich hĕng tak mahavëka më-eṅ, ngaich nyā-aṅvkūö töp tökētu tö ò;

LA-EN LĒVĪ 17:7

Hö-ö cha-a min nö ngöhören nö kētö nup tökētu nö i kōiny pököre, öp tahömken cha nö asēha. Angū-ö ön min ngih chöngö tö-örheūheu nö in cha i tumkölchap cha.

I. CHÖNGÖ 9:12

Ngaich ngö ṙô ngam Mā Tēv tö chu, chōholre ka-eūyen man yônti ṙā-ang ihih; tön hachōichngöre yip tarik meh yip kahënyö meh nö ṙā-ang Aikup: ka-eūyen yip nö kānngöre tö ngam talöökö ngam tinöölô cha tö chu; vī insā tēv yip tö töhaṙöichö mās.

I. CHÖNGÖ 32:17

Kētö tökētu cha-a nö i sī-ö, yip törö-ö nö tēv; i nup tēv nup töt mikahkūö cha, nup tufömngöre tö möl tö yīhih, nup töt pinhë-eṅkūö yik muvöhngö yīö.

Salmai 78:36

Höng elvāng re ṙô pöri cha-a nö harōyö Ò: ngaich minyôiny-aṅ nö in Ò, nö i litāk re.

YÔSUĀ 22:15

Ngaich yih cha-a nö in yik kūön Rūpön, in yik kūön Kāt inrē,in öp töròngti inrē miyöngö Manāsē, ip panam Kilīöt, ngaich vë-ekūö cha achā-a, nö ngö ṙô,

KAMHÔKA 8:24

Ngaich Kitīön nö ngö ṙô tö cha, Hĕng öp lōn chu havëkö chu in yīö, öich hōten yīö kö kētö nup inlöknang yip pôḵre. (Pò cha-nö inlöknang tö humlum, pò cha nö aṅ Isma-el.)

NAHIMIĀ 9:18

Pòrô cha-a nö vī töhaṙöichö kūön nuā ngaich ngö ṙô, Ngòh ön Tēv yīö ngam kamënyen yīö ṙā-ang Aikup, Ngaich kiröngö kahëken tö inchōichngö minë-eny Meh.

Salmai 106:19

Vī kun nuā cha-a nö i Hôrep: Ngaich salām ök tö haṙöichö tēv.

Isayā 46:6

Yöng ṙôken humlum nö löknyö el inyul, rupīö inrē tökalaha lumngan nö el chūök kinlah lumngan, haṙāi ramöm humlum cha-a, ngaich anga-aṅ nö vī e nö tēv; afukngöre cha-a, ngaich ve-ekūö ò.

YERIMIĀ 31:32

Öt sā ngam kinlēḵngô tī chu in yik yöng cha hē chu sarōk kël cha öich kēnyen cha ṙā-ang ip panam Aikup, ngam kinlēḵngô chu töfilāli tö cha, pòrô chū-ö öich pīhö cha, ṙô ngam Mā Tēv.