MANEUTNYI 32:4 - TÖHET LĪPÖRE (Re-edited) Bible (BSI)

⁴ Ngaich kē-ĕ e anga-aṅ nö ṙā-ang eltī cha, ngaich vī-i e nö chehetī tö kin-ip, ngaich vi-i e nö kun nuā nö miyëṙi: ngaich ngö ṙô cha-a, Ō Israĕl, ngòh ön tēv meh, ngòh kamënyen meh ṙā-ang öp panam Aikup.

MANEUTNYI 32:4 Referans Kwoze

NAHIMIĀ 9:18

Pòrô cha-a nö vī töhaṙöichö kūön nuā ngaich ngö ṙô, Ngòh ön Tēv yīö ngam kamënyen yīö ṙā-ang Aikup, Ngaich kiröngö kahëken tö inchōichngö minë-eny Meh.

I. CHÖNGÖ 9:16

Ngaich ngëicha chū-ö, ngaich meuk, tö yīö köölö fālen im Tēv yīö ngam Mā Tēv; vī insātēvre yī-ö ngaich tö mās: ka-eūyen yī-ö ngaich kānngöre tö ngam talöökö hinôtö yīö tö ngam Mā Tēv.

INLAHEN 7:41

Hē-e, cha-a nö vi kun nuā, ngaich kētö nuk tökētu nö ik insā; ngaich ṙāmölōn nö i nuk vahīre cha-a.

MANEUTNYI 32:8

Ka-eūyen yip nö kānngöre nö ṙā-ang el ngam talöökö hinôḵtö cha tö Chu; vī kun nuā yip tömiyëri, ngaich salāman, nö ngö ṙô, Ō Israĕl ngòh ön tēv, ngòh kamënyen meh ṙā-ang ap panam Aikup.

1 RĀCHA 12:28

Halēnöre ngaich ök rācha, ngaich vī humlum kun nuā nët nòng; ngaich ngö ṙô anga-aṅ tö cha, Yaha rô-òl kūö yin chuh Yērusalem; Ō Israĕl, Yĕh meuk minë tēv yīö, kamënyen yīö ṙā-ang ap panam Aikup.

HŌSĪ 13:2

Köölö fālen yin nö ngaich nö ṙūölenre, vī insā tēv re yin tö töhaṙēichö rupīö cha, nup insā tēv tö sā mikah elmat cha, ṙòkhöre anū-ö nö vahīṙen kuntī tarik: ngaich ngö ṙô cha-a tö u, Hökngen yip tarik kamëtö tökētu nö hāmkūö minë kun nuā.

INLAHEN 17:29

Kūön ngam Tēv in; uh in ngö lōn tö ngam Tēv nö tö sā humlum, rupīö, ihong, nup tömilichngen vinī-i tö tarik, sā lōn cha.

HŌSĪ 10:5

Pa-ekūö yip min aṅ Samariā tö nup kun nuā i Pĕtaven: pò yip tarik umuh min nö haṙivhen ò, yip kūönṙô inrē umuh tö ṙāmölōn nö in ò, pò ò nö kiröönngöre nö ṙā-ang in ò.

Isayā 46:6

Yöng ṙôken humlum nö löknyö el inyul, rupīö inrē tökalaha lumngan nö el chūök kinlah lumngan, haṙāi ramöm humlum cha-a, ngaich anga-aṅ nö vī e nö tēv; afukngöre cha-a, ngaich ve-ekūö ò.

2 KINṘÖTNGÖ 13:8

Ngaich man yih töngamuh tölōnre, mihôiṅ tö ngam pūlngö ngam Mā Tēv eltī vē kūön Tāvit, pò meh kiröngö ṙôken ngaich īnu inrē më-eṅ tö minë humlum kun nuā minë vahī Yēropōam nö tēv.

2 KINṘÖTNGÖ 11:15

Ngaich anga-aṅ nö vīlö kanahngen re tö kūönṙô nup lātulöng chūökö, nö i la-en nup satīör, ane inrē i la-en nup kun nuā nuk vahī ò,

MANEUTNYI 20:23

Uh yin vī nup tahëng tēv nö hol Chu, nup rupīö tēv, hēk nup humlum tēv, un vī-i tö yīö nö tēv yīö.

2 RĀCHA 10:29

Hö-ö pöri Yēhū nö ṙāngö nuk tökööl Yēropoām ök kikōnyö kūön Nēpòt ök vamīten Israĕl nö köölö fālen, öt ṙāngö re Yēhū nö tömrit u, nuk humlum kun nuā i Pētĕl, nuk mi-i Tën inrē.

MANEUTNYI 32:1

Ngaich hē yik tarik nö meūkö Môsös nö hāṅtö yīhih nö yônti nö ṙā-ang kui ngam rôngö hamūlöre ngaich yik tarik nö in Āròn, ngaich ngö ṙô tö ò, Choholre man, vī tēv ih öp mu-urēhĕkūö ih min nö kiröönngöre; tön öt akahalōn in tö Môsös töp lāinyngen ò, öp tarik kamënyen ih ṙā-ang öp panam Aikup.

1 RĀCHA 12:32

Chöngu ngaich Yërōpōam tö tökiröng nyinā-aṅ im hinëvhöre chingëṅt, im tinneui sīön sakāmö ngam chingëṅt sā öp tökiröng nyinā-aṅ öp i Yūtā, yòhlö ngaich anga-aṅ nö ik tahāklö, i Pētĕl inrē anga-aṅ nö ngatī, kētö tökētu nö in nuk kun nuā nuk vahīlö ò: ṙātö kūönṙô anga-aṅ inrē nö i Pētĕl nö ik vahī-il ò i kui rung.

MANEUTNYI 28:11

Ka-ip nup tö nët ihong min me-eṅ nö la-en öp kamip ihong, tö sā kinīpö öp minkahngö, asā minë-eny yip kūön Israĕl: vī-i u pömchö nö halaphötvö nö i humlum.

MANEUTNYI 28:9

Ngaich kēḵ ihong me-eṅ min nët ònik, ngaich i mat u kūich minë-eny yip kūön Israĕl:

MANEUTNYI 20:2

Chū-ö chin Mā Tēv, Tēv meh, öich kamënyen meh ṙā-ang panam Aikup, ṙā-ang ap patī inkövö.

1 KÒRIN 10:7

Uh yin rēhĕn vamë-ekūö insātēv, sā yik rīkre tö cha, sā kinūichngö e nö ngö, Ūichngöre yin më tarik nö nyā, òk inrē, ngaich choholre nö nyamtô.

MANEUTNYI 32:3

Ngaich ṙòkhöre yik tarik nö likölnyö nuk humlum inlök nang nuk mi-i nang cha.

MANEUTNYI 32:5

Ngaich hē Āròn nö meūkan, vīlö tahāklö ngaich anga-aṅ nö i kūö ò; ngaich ahānga ang Āròn nö ngö ṙô, Huṙöich öp tökiröng sakāmö ngam Mā Tēv.

MANEUTNYI 32:7

Ngaich ngö ṙô ngam Mā Tēv tö Môsös, Kuṙòh, yônti man; tön hachōichngöre yip tarik meh, yip kahënyö meh ṙā-ang öp panam Aikup.

MANEUTNYI 32:24

Ngaich ngö ṙô chu-ö tö cha, Yip töng aṅhaṅv in tö humlum, hökngen cha nö lireuknyö e; ngaich kētö e cha-a nö in chu: ngaich tilī-i e chu-ö i kūö tameūyö, ngaich angū-ö nö anga-aṅ ngòh kun nuā.

MANEUTNYI 32:35

Ngaich ngam Mā Tēv nö chökṙen yik tarik, pò cha nö vī kun nuā, ök vahī Āròn.

2 RĀCHA 10:20

Ngaich ngö ṙô Yēhū, Ahetlö manūlö yin in Pē-al. Ahangkö e cha-a ngaich.

Isayā 30:22

Ngaich yī-ö min hachōichngö kaha nup rupīö töka-īpö insātēv meh ane inrē nup töhaṙungtu ip töhaṙöichö humlum insātēv meh: kavalngö u min me-eṅ nö sā sin-òkkūö: ngaich ngö ṙô min me-eṅ tö ò, Kē-ĕngre man ṙā-ang hih.

ISIKĪ-ĔL 23:8

Hö-ö anga-aṅ nö ṙāngenre nö im innyihköre ngam harunken ò hē nuk sakāmö ò nö i Aikup; pòn ik inyālö ò tarik nö ṙōlhaka nö in ò ngaich lūölken ök rinëlö ò ngaich in ò tī nö vōknyö ök yanālö tö tötlöök.

MANEUTNYI 20:4

Uh man vī tēvre tö insā, un rēhĕn nup tösā el halīöngö lā tumlat lā taṙeūḵ, un rēhĕn nup tösā el mai lā taṙeūḵ töng tumlat:

KAMHÔKA 8:24

Ngaich Kitīön nö ngö ṙô tö cha, Hĕng öp lōn chu havëkö chu in yīö, öich hōten yīö kö kētö nup inlöknang yip pôḵre. (Pò cha-nö inlöknang tö humlum, pò cha nö aṅ Isma-el.)

KAMHÔKA 8:27

Ngaich Kitīön nö vī efòt nö in u, vīten e ngaich nö ik elpanam ò, i Òfra: ngaich ṙòkhöre yik aṅ Israĕl nö akīṙö e nö umuh: ngaich angū-ö nö inṙöingövah Kitīön töp patī ò inrē.