MANEUTNYI 32:3 - TÖHET LĪPÖRE (Re-edited) Bible (BSI)

³ Ngaich ṙòkhöre yik tarik nö likölnyö nuk humlum inlök nang nuk mi-i nang cha.

MANEUTNYI 32:3 Referans Kwoze

YERIMIĀ 10:9

Törömö rupīö tökētu nö ṙā-ang Tarsis, humlum inrē tökētu nö ṙā-ang Ufās vahī tarik töhuveū-en nun anū-ö aṅ kuntī ramöm humlum inrē; tö-ulöö-ö nganāvömat nup inyut u tököinyö hunṙīngö mat inrē: ṙòkhöre anū-ö nö vahī töhuveū-en tarik,

Isayā 46:6

Yöng ṙôken humlum nö löknyö el inyul, rupīö inrē tökalaha lumngan nö el chūök kinlah lumngan, haṙāi ramöm humlum cha-a, ngaich anga-aṅ nö vī e nö tēv; afukngöre cha-a, ngaich ve-ekūö ò.

Ranehlö 24:22

Chalô tö e, tö kinheūṅtö kūö nuk ūṅt nö òk, töngam tarik nö kē humlum kinlong hĕng nòng töròngti kinlāha lumngan, nët nòng merkul kël ò inrē tösöm kinlāha lumngan nö humlum:

Ranehlö 35:4

Ngaich achā-a nö keuhēuttöre tī tö nuk insātēv nö in Yāköp nuk më-eltī cha, nuk i nang cha inrē kinlölnang; hayunngö u ngaich Yāköp nö i rööntö ök ōk ök i Sikem.

MANEUTNYI 32:2

Ngaich Aròn nö ngö ṙô tö cha, Likölnyö nup humlum yin inlök nang, nup mi-i nang yip pīhö yīö, i yip kikōnyö kūön yīö, in yip kikānö kūön yīö inrē, ngaich kēten u in chu.

MANEUTNYI 32:4

Ngaich kē-ĕ e anga-aṅ nö ṙā-ang eltī cha, ngaich vī-i e nö chehetī tö kin-ip, ngaich vi-i e nö kun nuā nö miyëṙi: ngaich ngö ṙô cha-a, Ō Israĕl, ngòh ön tēv meh, ngòh kamënyen meh ṙā-ang öp panam Aikup.

MANEUTNYI 33:6

Ngaich yik kūön Israĕl nö luhngö nuk yanöṅtöre nö ṙā-ang in cha löktökūö ip rôngö Hōröp nöng iṙūöhen.

Isayā 3:19

Tö nup kinlöl kūö aneūmö, sayōk inrē, tö inyul kuntī inrē: