MANEUTNYI 32:21 - TÖHET LĪPÖRE (Re-edited) Bible (BSI)

²¹ Ngaich ngö ṙô Môsös tö Āròn, Sitih tī aich vē tarik tö meh, tö meh öm kētö kui cha tö tökiröng tökööl?

MANEUTNYI 32:21 Referans Kwoze

Ranehlö 20:9

Havëten Aprahām ngaich Apimelek, ngaich ngöṙô tö ò, Asūöng angū-ö tī meh tö ih? Ip yòh öich köölö fālen in meh, tö lökten meh kētö tökiröng tökööl ikui chu, ikui ngih pūlngö chu inrē? Ngaich tī man in chu tö la-en nup tö uh öre nö tī meh.

1 RĀCHA 21:22

Ngaich vīten ngam patī meh chū-ö min nö sā ök patī Yērōpoām ök kikōnyö kūön Nëpòt, sā ök patī Pē-asā inrē ök kikōnyö kūön Ahīcha, kūö ngam inrunnyö lanīnö chu, ngam tī meh harūnö chu öich līn, ngaich inrē öm vīten Israĕl nö köölö fālen.

1 RĀCHA 14:16

Ngaich anga-aṅ min nö ṙā-ang tīre tö Israĕl tökūö nuk tökööl Yērōpoām, nuk tī ò tökööl nuk aṅtī ò inrē nö vīten Israĕl nö köölöfālen.

1 SAMUĔL 26:19

Vë-ekūö meh chin, lökten töngamuh, hökngen ngam mā chu ngam rācha nö hang në ṙô ngòh tarik re. Yē ò nö ngam Mā Tēv mahachōhol alaha meh öm lā-al chu, hökngen ò yēḵ nö hō-ov nö tökētu: yē e pöri nö aṅ i kūön tarik, töt kôlò yip cha-a yē nö i kūö ngam Mā Tēv; pò cha yih nö ngaich töngamuh nö ahōngen chu öich sōtu köp im amin ngam Mā Tēv; nö ngö ṙô Kuṙòh, lök la-en tahëng man Tēv.

Ranehlö 26:10

Ngaich ngöṙô Apimelek, Asuh öng angū-ö tī meh in ih? Hĕng tak öre tö më tarik töng höhtöheichlōn nö hulalngöre nö im pīhö meh, ngaich kētö ngih fālen öre më-eṅ ikui ih.

MANEUTNYI 32:20

Kēḵ ök kun nuā ngaich anga-aṅ ök vahī cha, ngaich haṙāpngen ò nö i kūö tameūyö, tilönan inrē nö pihīöyö ngaich tūingen e nö el ap mak, ngaich ha-òk yik kūön Israĕl tö e.

MANEUTNYI 32:22

Ngaich ngö rô Āròn, Uh an yēḵ ngam tanānyö ngam mā chu nö hūlökūö: akahalōn man tö vē tarik, tö cha nö hòṅ chōichötī.

1 SAMUĔL 15:14

Ngaich Samu-ĕl nö ngö ṙô, Asuh pöri öp umuh tömëṅaṙô sīṅp nö el nang chu, tömū-aṙô inrē ahang ṙô chu kōiny nuā?