MANEUTNYI 32:16 - TÖHET LĪPÖRE (Re-edited) Bible (BSI)

¹⁶ Vahīṙen ngam Tēv nuk tömitāk ihong, nuk kinūichö inrē kinūichö ngam Tēv, ka-iphötvö nö i nuk tömitāk ihong.

MANEUTNYI 32:16 Referans Kwoze

MANEUTNYI 31:18

Ngaich kē-ĕkūö Môsös anga-aṅ, tö nuk tö nët tömitāk tö aṅ mat tö ngam tökô-en inmeuktö, hē kinheūtö ṙô Ò nö vë-ekūö ò nö i kui öp rôngö Sinai, nuk tömitāk ihong, tö kūichö mat tö kuntī ngam Tēv.

HEPRĀI 8:10

Pòn ngih kinlēḵngô vahī tö Chu min i patī Israĕl; Ngö ṙô ngam Mā, unôichrit nuk sakāmö anū-ö; Ṙātö nup chöngö Chin min ellōn cha, Ellōn cha tī Chin min inrē kūichngö u: ngaich Chu- ö min Tēv cha, ngaich cha-a min nö tarik Chu:

2 KÒRIN 3:3

Hameuktu ngaich töre līpöre Kristū, meūken tö ih, öt kūichi nö aṅ tī tö kinsum kūö kanūich, aṅ tī tö ngam Töhet Fanöinylö ngam tö aṅ Tēv pöri: öt i mat tö mitāk ihong, inup tö mitāk pöri ellōn alaha.

2 KÒRIN 3:7

Yē ngam mineukṙen pöri, ngam aṅ im kinpaha, nö yih nö holtö kanôlò, kūichi, ka-iphötvö nö i nup ihong, ngaich lökten yik kūön aṅ Israĕl, nö ötkô nö tēlta mat nö hatīönkökūö Môsös, kūö inyāngö ök kūö ò; ök töng changāchiṙen.

I. CHÖNGÖ 10:1

Hē e ngam Mā Tēv nö ngö ṙô tö chu, Faslö tömitāk man ihong nët sā nuk lā urĕh, ngaich yônlö in chu i kui ngam rôngö vī kasòng pömchö inrē nö chōn.

I. CHÖNGÖ 9:15

Havöökūöre chū-ö ngaich, ngaich yônti ṙā-ang kui ngam rôngö, ngaich ngam rôngö nö hūkūö tö tameūyö: ngaich nup tömitāk i hong ngam kinlēḵngô nö aṅngöre lā-a nö eltī chu.

MANEUTNYI 34:4

Ngaich anga-aṅ nö fas tömitāk ihong nët sā nuk mu-urĕh; ka-euilökūö ngaich Môsös nö choholre tö peuheū, ngaich yônlö im rôngö Sināi sā hinôtö ò tö ngam Mā Tēv, ngaich kēḵ nuk tömitāk ihong nët nö eltīre.

MANEUTNYI 34:1

Ngaich ngö ṙô ngam Mā Tēv tö Môsös, Fas nup ihong man nët tömitāk sā nuk mu-urĕh: ngaich kūich nup ṙô Chū-ö min i mat u nup mi-i mat nuk mu-urĕh, nuk likukngö meh.

MANEUTNYI 32:15

Havöökūöre ngaich Môsös, ngaich yônti nö ṙā-ang kui ngam rôngö, kūmu tö nuk tö nët tömitāk ihong ngam tökô-en inmeuktö nö eltī ò; nuk tömitāk ihong tö āṅngöre lā-a kinūichö mat; im tö hĕng lā, im tahëng lā inrē nö kūichö mat anū-ö.

MANEUTNYI 32:17

Ngaich Yôsūa nö hang ṙën ṙô yik tarik isaha ṙô cha nö ayôṙa, ngö ṙô anga-aṅ tö Môsös, Ṙën ṙô kinyūngö öp umuh ip elyöngö.

NGAM LĪPÖRE YŌP 19:24

Aō ka-īpi nun öre nö i kaha ihong nö örheūheu töp vët kanūich pirum inrē!