MANEUTNYI 32:1 - TÖHET LĪPÖRE (Re-edited) Bible (BSI)

¹ Ngaich hē yik tarik nö meūkö Môsös nö hāṅtö yīhih nö yônti nö ṙā-ang kui ngam rôngö hamūlöre ngaich yik tarik nö in Āròn, ngaich ngö ṙô tö ò, Choholre man, vī tēv ih öp mu-urēhĕkūö ih min nö kiröönngöre; tön öt akahalōn in tö Môsös töp lāinyngen ò, öp tarik kamënyen ih ṙā-ang öp panam Aikup.

MANEUTNYI 32:1 Referans Kwoze

INLAHEN 7:40

Nö ngö ṙô tö Āròn, Vīlö tēv hī man, yip mū-urēhĕkūö hī nö kiröönngöre. Tön rö-ö in akahalōn tö lāinyngen Môsös ök mahachōḵnyen hī, ṙā-ang Aikup.

I. CHÖNGÖ 9:9

Hē chu yônlö ngaich i kui ngam rôngö öich kē minë tömitāk ihong, ngam kinlēḵngô ngam Mā Tēv nö in yīö, ngaich fën anāi sumkam fën anāi mitööm inrē chū-ö i kui ngam rôngö: öt nyā rôti öt òk mak öich rēhĕn.

2 PĪTÖR 3:4

Nö ngö ṙô, Isuh ap kinlēḵngô yanihih Ò? Tön höng iṙūöhen nun në taṙòkhöre nö sāre misī tö ranehlö vinī-il u, hētentö yik muvöhngö hī nö kapah.

MANEUTNYI 24:18

Ngaich meuthötre Môsös nö ellōn ök taṙul, ngaich yônlö nö im rôngö: fën anāi sakāmö fën anāi hatööm inrē ang Môsös nö i kui ngam rôngö.

T. MËTIV 24:48

Yē ò pöri nö tötlöök nö mahalanṙen, ngaich ngö ṙô nö ellōnre, Aṅhāṅtö yihihre öp mā chu;

INLAHEN 17:29

Kūön ngam Tēv in; uh in ngö lōn tö ngam Tēv nö tö sā humlum, rupīö, ihong, nup tömilichngen vinī-i tö tarik, sā lōn cha.

INLAHEN 19:26

Ngaich yih yī-ö meuk, hang inrē, öt höng i Efisös, tön öhten nö keuheūtngöre chūök nö i Asi ngòh Pôl nö hōten tarik, ane inrē maṙôngö havööngökūö, nö ngö ṙô, Rö-ö nun nö tēv, në vāhī tarik.

MAIKA 6:4

Tön kēnyen meh chin ngaich ṙā-ang ap panam Aikup, ṙāyen meh inrē ṙā-ang el patī inkövö; urēhĕkūö meh chū-ö inrē tīnten Môsös, Āròn, Miriām inrē.

HŌSĪ 12:13

Lökten i pròfĕt tī ngam Mā Tēv nö kēnyen Israel nö ṙā-ang Aikup, lökten i pròfĕt inrē anga-aṅ nö haköpka.

MANEUTNYI 32:11

Ngaich Môsös nö vë-ekūö ngam Mā Tēv ngam Tēv ò nö hòṅ aṙētu ṙô, nö ngö ṙô, Mā Tēv, kūöyòh öng ngam lanīnö Meh nö ṙāich nö i vē tarik Meh, vē kahënyö Meh nö ṙāngö ngam panam Aikup öm hol tö minhôiṅyöre kumlēḵ këlre inrē?

MANEUTNYI 32:7

Ngaich ngö ṙô ngam Mā Tēv tö Môsös, Kuṙòh, yônti man; tön hachōichngöre yip tarik meh, yip kahënyö meh ṙā-ang öp panam Aikup.

MANEUTNYI 14:11

Ngö ṙô chā-a tö Môsös, Kūö tö rö-ö anūlö hòng i Aikup, öm kēngen ih kapah el tönyaṅlnyi? Kūöyòh öm ngati tī tö ih, öm kēnyen ih ṙā-ang Aikup?

MANEUTNYI 13:21

Ngaich ngam Mā Tēv nö urēhĕkūö cha tö sakāmö nö el taṙul; nö hachōḵkūö cha tö talöökö; tö hatööm inrē nö el tameūyö, nö ëāṅvö cha; pòn hōtu chā-a nö kiröön tö sakāmö tö hatööm inrē:

MANEUTNYI 16:3

Ngö ṙô yik kūön Israĕl tö cha, Ĕhten in öre kapahtö tī ngam Mā Tēv ip panam Aikup, isaha ih ūichhakṙen i nup tanīönyö tö aṅtö alaha, isaha ih tööḵngen nyā rôtī; pò nā ngaich kēnyen ih löö el ngih tönyaṅlnyi, vē tömaṙôngö nö kumpahaivah tö neūköre.

Ranehlö 44:15

Ngaich Yôsĕf nö ngöṙô tö cha, Asuh öng ngih tö ngaich la-en yīö? Öt akahalōn öyih tö chu öich tarik tökô chòng alaha?

YÔSUĀ 7:13

Choholre, ahetlö më tarik, ngö ṙô, Ahetlöre yin höng öp huṙöich: tön ngö ṙô an ngam Mā Tēv, ngam Tēv Israĕl, Tökētu nup umuh chehen elṙôngö meh, Ō Israĕl: ötkô man sökhak i kūö yip lā-al re, hanöng saha nup tökētu chehen nö kē-ĕyö nö ṙā-angin yīö.

MANEUTNYI 33:3

Ip panam tö hëmö kūö tö aṅteh hönī inrē: tön rö-ö Chin min kiröönngöre in meh; pò yīö tökëhe likeun öi tarik: hòṅ yīö öt keuheūtngöre vah tö tī chu el talöökö.

Ranehlö 44:4

Ngaich hē cha nö ngaich nö el kahôyö tö ök el panam, öölu nö marôvat, ngaich ngöṙô Yôsĕf tök yōm chehenre, Chōholre, fachūlörit yip tarik; yē meh pöchö kôlö in cha, ngöṙô tö cha, Kūöyòh öyih aṅti tö tötlöök reushö tölöök?

Ranehlö 39:8

Sōḵ pöri angā-aṅ, ngaich ngöṙô tök pīhö ök yöngṙen re tö nup in ò el ngam patī, ngaich angā-aṅ inrē nö ṙātö nup taṙòkhöre chehen nö eltī ò;

Ranehlö 19:14

Kunyī-inyre ngaich Lòt, ngaich vë-ekūö nak köiny kūönre, nak töhapīhö lang tö nak kikānö kūön ò, ngaich ngöṙô, Chōholre, kēḵĕngre nan ṙāngö ngih panam; tön piyāingö ngam el panam An min ngam Mā Tēv. Ngaich pöri angā-aṅ nöng sā töminôn nö i nak köinykūönre.

T. MËTIV 24:43

Akahalōn pöri yī-ö tö ngih, yē ngam töpatī-ivö nö akahlōn tö ṙētak yanihih öp mu-ulāiyö; ngaich höngöre anga-aṅ, ngaich öt halöngngen öp patīre nö tiṙōli,

Ranehlö 21:26

Ngaich ngöṙô Apimelek, Öt akahalōn chin töp töfāluṙen tö e, ötrēhĕn më-eṅ vë-eny nang chu; öl chin rēhĕn hāngö e, höng ing töngamuh.

MANEUTNYI 20:23

Uh yin vī nup tahëng tēv nö hol Chu, nup rupīö tēv, hēk nup humlum tēv, un vī-i tö yīö nö tēv yīö.

MANEUTNYI 32:23

Pòn ngö ṙô cha-a tö chu, Vī tēv ih man öp mu-urēhēkūö ih min nö kiröönngöre, tön öt akahalōn in tö Môsös töp lāinyngen ò, ök tarik kamënyen ih ṙā-ang öp panam Aikup.

KINṘEŪKÖ 14:22

Kūö yip tarik pöri nö ṙòkhöre yip töngaich nö meuk kanôlò Chu, nuk aṅ in chu inrē minkahngö, nuk tī Chu i Aikup el inchōn inrē, söntenre pöri nö kalāha Chu söm heuh nö ngaich, öt hang ṙô Chu inrē;

ISIKĪ-ĔL 20:8

Ahôngen chu pöri cha-a sōḵ inrē nö hangṙô chu; hö-ö cha-a nö kö kavalngö nup sin-òkkūö hatīönkö nup mat cha, öt rēhĕn cha-a nö ṙāngö nup insātēv aṅ Aikup. Ngaich ngö lōn chū-ö hòṅ vōknyö öp lanīnöre chin i kui cha keuheūttö öp tanānyöre inrē lā-alcha ellōn öp panam Aikup.

MANEUTNYI 24:12

Ngaich ngö ṙô ngam Mā Tēv tö Môsös, Yônlö man in Chu i kui ngam rôngö, ngaich ngöh umuh; ngaich kē-ĕkūö meh min Chu-ö tö nup tömitāk ihong, tö ngam Chöngö inchöngten inrē, nup tökūichiyö tö Chu, hòṅ meh haköpten cha.

MANEUTNYI 32:22

Ngaich ngö rô Āròn, Uh an yēḵ ngam tanānyö ngam mā chu nö hūlökūö: akahalōn man tö vē tarik, tö cha nö hòṅ chōichötī.

I. CHÖNGÖ 9:1

Israĕl, hangihtöre: hòṅ havāngngö kui Yôtan man ing töngamuh, öm kiröönngöre ömīnu tö yip pumnāmö tarik, tökiröng, tökalēḵ tö meh, elpanam tökiröng, tösöl el halīöngö rô-òl kui kinlōngö.

I. CHÖNGÖ 31:8

Ngam Mā Tēv, anga-aṅ kumröönngöre nö urēhĕkūö meh; in meh an min, öt hō an min nö öt teunglentītö meh, öt hō nö rāngen meh: um pa-ekūö, um rĕhĕn ngāng alaha.

Salmai 106:19

Vī kun nuā cha-a nö i Hôrep: Ngaich salām ök tö haṙöichö tēv.