MANEUTNYI 30:7 - TÖHET LĪPÖRE (Re-edited) Bible (BSI)

⁷ Ngaich min Āròn nö föng tötahūsa lōpān nö i kui e: kaheuk peuheū, i hē ò nö chöm nup ëāṅvö, anga-aṅ min nö föngö e.

MANEUTNYI 30:7 Referans Kwoze

1 SAMUĔL 2:28

Katöllen ò hòng chū-ö inrē nö kūönṙô chu nö ṙā-ang i nup miyöngö Israĕl, nö hōtu nö vānglöre nö im tahāklö chu, nö föng tötahūsa, nö hayūtöre tö sörplis nö i kūö cha? I patī ök yöng meh tī öich misī tö nup tökētu töföngö tö yip kūön Israĕl nö ṙòkhöre?

T. LŪKÖS 1:9

Sā falngen la-en vē kūönṙô, anga-aṅ nö kuhēthötre nö ël ök töhet chūök ngam Mā Tēv: nö föng tötahūsa inrē.

1 KINṘÖTNGÖ 23:13

Kikōnyö kūön Amram: Āròn, Môsös inrē. Hakösīṙen ang Āròn nö ma-ahetlö nup tölngö töhet, hòṅ ò tö yip kikōnyö kūön ò inrē nö örheūheu nö föng tötahūsa i kūö ngam Mā Tēv, meukṙen ò inrē ṙônyö inkôlò inrē i minë-eny ò nö örheūheu.

INLAHEN 6:4

Hòṅ ih pöri īhö, iṙūöhen kamnipkūö i vine-eṅkūötēv, i inhangkö ngam ṙô inrē.

1 SAMUĔL 3:3

Öl ök ëāṅvö ngam Tēv nö nyangngö, ṙōlngöre ngaich Samu-ĕl nö haṙòh, nö el patī ngam Mā Tēv, i chūök ök kasòng chöngö ngam Tēv;

MANEUTNYI 30:34

Ngaich ngö ṙô ngam Mā Tēv tö Môsös, Kēḵ nup tötahūsa man, istektē, Onicha inrē, kalpanum inrē; tötahūsa nö holtö tötkatĕhka lōpān: hĕngre lumngam kö i tūmö u;

MANEUTNYI 30:6

Ngaich ṙātö e min më-eṅ i kūö öp ranangkūö öp ranghö öp kasòng tökô-en inmeuktö i kūö ngam anūichö miṙēlōn ngam i kui ngam tökô-en inmeuktö, i chūök chu min meuk kūö meh.

MANEUTNYI 30:8

Ngaich hē Āròn nö tōttökūö nup ëāṅvö tö harap, föngö e min anga-aṅ, nö i kūö ngam Mā Tēv nö töt chanūhuvṙen nö lōpān, i tumkölchap yīö.

MANEUTNYI 40:27

Ngaich anga-aṅ nö föng tötahūsa lōpān, nö ël e; sā tinöölô Môsös tö ngam Mā Tēv.

KINṘEŪKÖ 7:56

Hĕng nòng humlum sanël tösöm siköl lumngan, tööḵlö tö lōpān;

KINṘEŪKÖ 16:40

Nö inköpkölōn yik kūön Israĕl, hòṅ yip aṅ tahëng, yip töt lamökngörit Āròn, nö öt haröhtöre nö föng lōpān nö i kūö ngam Mā Tēv; hòṅ ò nö öt sā Kōrah, tö yik hol inrē: sā ṙô ngam Mā Tēv nö vë-ekūö ò nö lökten in Môsös.

2 KINṘÖTNGÖ 2:4

Yĕh meuk, hòṅ mānlö patī chin i minë-eny ngam Mā ngam Tēv chu ngaich kētö e in ò nö chūök finöngö lōpān nö tö tahūsa nö i kūö ò, nö tö iṙūöhen tökētu aṅ i töhet rôti töföngö tökētu inrē tö peuheū tö harap inrē, hē el anôilö, tufömngöre chingëṅt inrē nup tökiröng nyinā-aṅ inrē tö hakāmi nö im Mā Tēv ih. Sā inchöngten e nö örheūheu nö in Israĕl.

2 KINṘÖTNGÖ 26:18

Ngaich cha-a nö sōten ök rācha Usiyā nö ngö ṙô tö ò, Öt la-en meh an Usiyā öm föng tötahūsa im Mā Tēv, tön la-en yip kūönṙô pöri kikōnyö kūön Āròn, yip tö ahetlöngö nö föng tötahūsa. Kunyī-inyre man ṙā-ang im töhet chūök; tön vaich mana, hö-ö an min inrē nö kumtö ineū-eu meh nö ṙā-ang im Mā Tēv.

LA-EN LĒVĪ 6:5

Hēk öp töchatngen ahūlen ò, nö minyôiny-aṅ; hateung ṙôken e min anga-aṅ nö havantö e, Ṙūötö ṙôken öp tinneui lā e min anga-aṅ inrē; ngaich kē-ĕkūö ò min anga-aṅ tö e öp töchëhevṙen, ip sakāmö hē ò nö kôti nö fāluṙen.

I. CHÖNGÖ 33:10

Haköpten Yāköp cha-a min tö inkaha fālen aṅ-in meh, Israĕl inrē tö ngam chöngö meh: Ṙātö lōpan min cha-a nö i kūö meh, öp tö nòngre inrē töföngö tökētu el tahāklö meh.

1 KINṘÖTNGÖ 6:34

Kikōnyö kūön Elkāna, kikōnyö kūön Yerōham kikōnyö kūön Ēlīĕl, kikōnyö kūön Tō-a,

2 KINṘÖTNGÖ 2:3

Söömngö ṙô ngaich Sòlòmön nö in Huram ök rācha aṅ Tūrös: Sā meh ngaich lök alaha ök yöng chu Tāvit öm söömtö sītör chōn ò nö manlö patī elyöngö ò, ngatī man yēḵ löḵ alaha chu.

2 KINṘÖTNGÖ 29:7

Öpngökūö inkūp nup tökiröng urôhò yik, hanyangngö kūö nuk ëāṅvö inrē, ngaich öt föng tötahusa hēk öt kētö töföngö tö kētu nö el ngam töhet chūök nö im Tēv Israĕl.

Salmai 141:2

Hökngen ngam vine-eṅkūö Meh tö chu, nö ṙātu nö i kūö Meh, nö sā lōpān: sā tö kētu tö harap, ngam inchônglö kël chu.